Jerimaya 7:34 - Ika

³⁴ M k'e mẹ wẹ anụzịlẹ olu ndị rị e nwọn ịghọghọ lẹ anwịnrịn lẹ ndị rị a gba ẹkụkwọ imẹ obodo ile rị alị Juda lẹ ọgbara-ogbe ile rị obodo Jerusalẹm, makẹni alịnị k'a gba okpokoro.

Jerimaya 7:34 Iomraidhean Croise

Jobu 3:7

Uhinhin hụ ya họnrin agan; w'a nụzịlẹ oro ịghọghọ imẹ ẹ.

Ẹbụ-ọma 78:63

Ọkụn nọ bu ikorọbịa wẹ ri, ịgbagba wẹ ahụnzịnị onyẹ a ja wẹ mma.

Azaya 1:7

Alị ụnụ a gbagụọ okpokoro; a dụngụọ wẹ obodo ụnụ rị ichẹn-ichẹn ọkụn; abịamabịa hụ e wiwi ugbo ụnụ idẹnya ụnụ, e mẹ wẹ a la iwi rịkẹ ebe itumunyẹ nọ weri ọkịkị.

Azaya 3:26

Obodo Zayọnụ k'a gha a kwan, a kwan ụya; o k'a gwọrị alị lekẹ okpoho di lẹ ụmụ nwụnnahịn.

Azaya 6:11

Ya m nọ sị, “Onyẹ-nwọnni-ẹnyi, d'e ru ele mgbe?” Ọ nọ sị m: “D'e ru ni obodo ichẹn-ichẹn e tikpọchanrịn, onwọnzini onyẹ bi imẹ wẹ; d'e ru mgbe wẹ lachanrịn ụlọ wẹ tọ okpokoro, ndị ọzọ e wiwi ugbo wẹ, ripụ ihiẹn wẹ kụn;

Jerimaya 16:9

Mmẹ wụ Osolobuẹ ihiẹn ile rị okpuru ẹ, Chuku ndị Izrẹlụ rị e ku ẹ nị m'e d'a nọ idẹnya ụnụ, ogẹn nke ụnụ, kụsị ẹbụ-ịghọghọ lẹ anwịnrịn imẹ alịnị, anụkọzị wẹ olu ikẹnnyẹ lẹ ikpoho rị a gba-ẹkụkwọ ẹfọ rị a sụọ ụsụọ.

Jerimaya 22:6

Lee ihiẹn Osolobuẹ ku banyeni obi-eze Juda: “Ọsụọn'a nị obi-ezeni ma mma kẹ alị Gilẹdị, ọsụọn'a n'ọ rị m kẹ osisi Lẹbanọnụ mẹ gwoza-gwoza, ma isi m, m k'e mẹ i gba okpokoro nọkẹ atụ, ebe ịhịan bilẹni!

Jerimaya 25:10

M k'e wepụ ịghọghọ lẹ anwịnrịn imẹ alị ndịnị — hụn wụnị anụkọzị wẹ olu ikẹnnyẹ lẹ ikpoho rị a gba-ẹkụkwọ ẹfọ rị a sụọ ụsụọ, anụkọzị wẹ ukwere ọlọ lẹ odo; ahụnkọzị wẹ ukpẹ rị e nwun iwe ịhịan kaka.

Jerimaya 27:17

Egọnlẹ ni wẹ ntịn. Ka fe ni eze ndị Babilọnụ, kẹni ụnụ rị ndụn. Kị ụnụ k'a nịnị Osolobuẹ tikpọ obodoni?

Jerimaya 33:10

Mmẹ wụ Osolobuẹ sị, “Ụnụ rị nwan e ku oku ebeni, a sị ‘Ọ gbagụọ okpokoro; kẹ ịhịan kẹ anụmanụ arịzị a.’ Kanị, imẹ obodo ile rị alị Juda lẹ ọgbara-ogbe ile rị Jerusalẹm hụn gbasọnmẹ nwan okpokoro, nke wụ nị ịhịan arịa, anụmanụ arịa, wẹ k'a nụzị

Jerimaya 33:11

olu ndị rị a ghọghọnị lẹ ndị ẹfọ rị a sụọ ụsụọ, olu okẹnnyẹ rị a lụ nwunyẹ lẹ okpoho ọ rị a lụ, olu ndị rị e wẹhẹ oyiye imẹ ụlọ-Osolobuẹ d'a kpanmịn a, a sị, ‘Kpanmịn nị Osolobuẹ ihiẹn ile rị okpuru ẹ, makẹni Osolobuẹ a rịka mma; ara nwọnbehi ihiẹn-ọsụsụọ.’ Makẹni mmẹ wụ Osolobuẹ jẹnkọ d'e dọnzi alịnị, ọ rịzị mma k'ọ rị mbụ. Mmẹ wụ Osolobuẹ ku ẹ.”

Jerimaya 4:26

E lee m ẹnya, alị nwẹn te e mẹ ihiẹn e họnringụọ atụ; obodo ile ịhịan te bi e mẹ mkpọkọ-mkpọkọ, makẹ ihiẹn Osolobuẹ mẹ; makẹ okẹn-olulu ọ rị e bu.

Jerimaya 4:27

Osolobuẹ sị, “Alịnị ile jẹnkọ d'a gba okpokoro, kanị etikpọchanrịnkọ m'a.

Jerimaya 44:6

Ya m nọ gi olulu sọn wẹ nọkẹ ọkụn. Ọ dụn alị ichẹn-ichẹn rị Juda lẹ ọgbara-ogbe rị obodo Jerusalẹm, wẹ gi nwan gba okpokoro, họnrin mkpọkọ-mkpọkọ k'o rị nwan tannị.

Ẹkwan 5:14

Ndị-ichẹn arịzị ọgwa ọnụ-mgbọn obodo; ikorọbịa a kụbehigụọ egu wẹ.

Izikẹlụ 26:13

M k'a kụsị ị ẹbụ ị; anụkọzị wẹ ukwere ụbọ ị.

Izikẹlụ 7:11

Ẹka-ikẹn e werigụọ ọnọdị; eje-ọkpọ e werigụọdẹ ọkịkị. Onwọnni onyẹ ọwụlẹ imẹ wẹ mọbụ ihiẹn ahụn ile wẹ nwọn mọbụ ụzụn wẹ ile mọbụ ọghọ wẹ hụn k'a rịzịnị.

Hosia 2:11

M k'a kụsị mmẹmmẹ wẹ ile: kẹ ndị wẹ e mẹ ahụa-ahụa, kẹ hụn Ifọn gi pụ kẹ Ụhụọhịn Ezumikẹn, mmẹmmẹ-ofufe ile wẹ tumẹni wẹ.

Hosia 2:13

M k'e ye ẹ afụnfụn ọrọgbọ ile hụ o gi mụnị Baalụ ichẹn-ichẹn nsẹnsi; o gi rị e yi ihiẹn-ntịn a lẹ ihiẹn-mma a, a gbasọn ndị ya lẹ wẹ rị a sụọ — zọ mmẹ nwẹn. Osolobuẹ e kụgụọ a.

Lẹvitikọsụ 26:33

M k'e feyịya ụnụ ye alị rị ichẹn-ichẹn, a mịrịn m ọpịa-agha, chụ ụnụ. Alị ụnụ k'a la iwi, obodo rịsọnmẹ alị ụnụ k'a nọ mkpọkọ-mkpọkọ:

Maịka 7:13

Kanị ụwa k'e mẹ mkpọkọ-mkpọkọ, yeni ihiẹn ndị rịn'a rị e mẹ.

Rẹvẹleshọnụ 18:23

ukpẹ ẹka enwunkọzị imẹ i; anụkọzị wẹ ịghọghọ ndị rị a gba ẹkụkwọ imẹ i. O k'e mẹ makẹni ndị-afịa ị te wụ ndị uku ụwa, alị ile kẹ i mẹ ihiẹn hụn i mẹ, dufiechanrịn wẹ.