Jerimaya 7:3 - Ika

³ Osolobuẹ ihiẹn ile rị okpuru ẹ hụn wụ Chuku Izrẹlụ sị: ‘Bihutọ nị ẹka, kẹni m nị ụnụ bisọnmẹ alịnị.’

Jerimaya 7:3 Iomraidhean Croise

Ndị-nze Nke Ẹbụọ 17:13

Osolobuẹ gi ndị-amụma a ile lẹ ndị ile a hụn ụzọ o zihẹ gba Izrẹlụ Ẹbamịn ugu lẹ Juda mkpịnsịn-ẹka ẹnya, sị wẹ, “Gha nị eje-ụzọ ụnụ ghakọ pụha. Mẹmẹ ni ihiẹn m sị ọnụ mẹ lẹ uhi m yisọnmẹ — kẹ wẹ dọn rị imẹ Iwu ile m ye ndị nẹdi ụnụ dọnmẹ lẹ kẹ m dọnsọnmẹ gwa ụnụ ghahanị ọnụ ndị-idibo m ndị-amụma.”

Ẹzra 10:11

Gwa nị nwan Osolobuẹ wụ Chuku ndị nẹdi ụnụ nị ụnụ e mẹọlẹ njọ, ụnụ e mẹmẹ uche ẹ. Wepụha nị nwan enwẹn ọnụ imẹ ndị alị ọzọ ndịnị fihunmẹni ụnụ lẹ ikpoho alị ọzọ ndị ahụn ụnụ lụrụ.”

Itẹn 28:13

Ara masịnị onyẹ hụn e kpumẹ njọ a, kanị onyẹ hụn e kupụha njọ a, e bihutọ ẹka, kẹ wẹ e mẹni omikẹn.

Azaya 55:7

Onyẹ eje-omumẹ ya la eje-obibi ẹ tọ; eje-ịhịan ya la eje-iroro ẹ tọ. Ya kinhẹn d'e kunrun Osolobuẹ, n'ọ hụn ụzọ mẹn'ẹ omikẹn; ya kinhẹn d'e kunrun Chuku ẹnyi, makẹni o k'a gbagharịchanrịn a.

Jerimaya 17:25

ụnụ sikọ d'e nwọnsọnmẹ ndị-nze nọ ukpo Defidi a kị lẹ ndị-isi hụn k'a gha e gi ụgbọ-anyịnyan lẹ ẹshin a gha ọnụ-mgbọn ndị rị obodoni, uwẹ lẹ ndị alị Juda lẹ ndị bi Jerusalẹm; ịhịan k'e bisọnmẹ obodoni.

Jerimaya 18:11

“Gwa nwan ndị Juda lẹ ndị ile bi obodo Jerusalẹm nị Osolobuẹ sị: m rị a kwademẹ ihiẹn m jẹnkọ d'e mẹ ụnụ, m rị a mamanị ụnụ eje-ihiẹn. La nị nwan eje-obibi ụnụ tọ; onyẹ-onyẹ imẹ ụnụ ya bihutọ ẹka, mẹmẹ ihiẹn rị mma.

Jerimaya 18:8

nị ndị ahụn m gwa oku e bihutọ ẹka, latọ eje-ihiẹn wẹ rị e mẹ, mmẹ nwẹn sikọ d'e rohutọ, emẹkọzị m wẹ ihiẹn m te sị nị m k'e mẹ wẹ.

Jerimaya 26:13

Ka bihutọ nị nwan ẹka, mẹbehi eje-ihiẹn; gọn ni Osolobuẹ wụ Chuku ụnụ ntịn, kẹni Osolobuẹ rohutọ, latọ ihiẹn ọ sị o k'e mẹ ụnụ.

Jerimaya 35:15

M hụ e zihẹni ụnụ idibo m ndị amụmanị ile ozihẹ-ozihẹ. Wẹ hụ a sị ụnụ, “Onyẹ ọwụlẹ ya mẹbehikwọ eje-ihiẹn ọ rị e mẹ, mẹmẹ ihiẹn rị mma; arụazịlẹ ni mmọn — kẹni ụnụ bisọnmẹ alịnị m ye ụnụ lẹ ndị nẹdi ụnụ.” Kanị, ụnụ achọnị nị ụnụ nụ, ụnụ egọnni m ntịn.

Jerimaya 35:16

Ebọn Jonadabụ nwa Rekabụ hụ e mẹ ihiẹn nẹdi wẹ kanị sị wẹ mẹ, kanị ndịnị ara mẹ ihiẹn m sị wẹ mẹ.’

Jerimaya 4:1

Osolobuẹ sị, “Ụnụ ndị Izrẹlụ, omẹni ụnụ kinla d'e kunrun m, kinhẹn ni nwan. Omẹni ụnụ e wepụghọ ihiẹn ndị ahụn rụnị ụnụ kọma ihun m, nị ụnụ akpahuzịnị;

Jerimaya 6:16

Osolobuẹ sị, “Turu ni nwan ẹbụ-ẹnọ lehunmẹ ẹnya; jụ nị kẹ elee hụn wụ ụzọ ahụn rị ẹdẹi — jụ nị ukwere ụzọ hụ rị mma, ụnụ a gha a, kẹn'ọ rịnị ụnụ mma. Kanị ụnụ sị, ‘Ẹnyi aghakọ a.’

Jemisi 4:8

Nọkunmẹ ni Osolobuẹ kẹni Osolobuẹ nọkunmẹ ụnụ. Kwọpụ nị ẹka ụnụ, ndị njọ! Chanchanpụ nị obi ụnụ, ndị obi-ẹbụọ!