Jerimaya 7:28 - Ika

²⁸ Sị wẹ nwan: Ọnwan wụ alị hụn jụ n'o mẹkọ ihiẹn Osolobuẹ wụ Chuku wẹ sị wẹ mẹ; ihiẹn ile o mẹ wẹ, egini w'ẹ bihutọ ẹka. Ezioku a lagụọ, ọ rịzịdẹ wẹ ụgb'ọnụ.

Jerimaya 7:28 Iomraidhean Croise

Ẹbụ-ọma 12:2

Ntụ-ntụ kẹ onyẹ onyẹ a tụ ibe ẹ; wẹ e kuhụ oku ọnụnụ-ire kanị obi wẹ rị e ku ichẹn.

Ẹbụ-ọma 50:17

Ịjụgbọ ụnụ e ze ụnụ ize; ụnụ hụ e nu oku m e ye azụụn.

Itẹn 1:7

Ịtụ egun Osolobuẹ kẹ ịhịan gi e nwọnmẹ amamihiẹn; ndị-nzuzu e legberi amamihiẹn lẹ ọzụnzụn.

Azaya 30:9

Makẹni, ndị nnupụ-isi kẹ ndịnị wụ — ụmụ hụn a tụ ntụ, ụmụ chọlẹni nị wẹ nụ ihiẹn Osolobuẹ rị a gwa wẹ.

Jerimaya 11:10

E mẹmẹzi wẹ njọ ndị nẹdi wẹ kanị hụn kwelẹni gi oku m dọn mẹ. E sọnringụọ wẹ mmọn ndị ọzọ, femẹ wẹ. Kẹ ndị Izrẹlụ kẹ ndị Juda a latọgụọ nkwerigbama mmẹ lẹ ndị nẹdi wẹ kanị kwerigbama.

Jerimaya 17:23

Kanị ndị nẹdi ụnụ egọnni ntịn, achọdẹni wẹ nị wẹ nụ; e busọnmẹ wẹ isi-ikẹn, jụ n'e gọnkọ wẹ ntịn mọbụ gi ẹ bihutọ ẹka.

Jerimaya 2:30

Afụnfụn ile m ye ndị nke i la iwi; egini wẹ mkpịnsịn m fịan wẹ bihutọ ẹka. Ụnụ e gigụọ ọpịa-agha gbu ndị-amụma wẹ zihẹni ụnụ kẹ eje-ẹwọrọ e gburi anụ.

Jerimaya 32:33

“E bu wẹ azụụn zinmẹ m, ẹlẹ ihun; m hụ a kuzi wẹ ọkuzi-ọkuzi, w'a ra gọn ntịn, achọdẹni wẹ nị wẹ nụ.

Jerimaya 5:1

Osolobuẹ sị, “Ghasọnmẹ ọgbara-ogbe ile rị imẹ Jerusalẹm; lehunmẹdẹlẹ ẹnya, n'ị hụn; jẹn ẹbụ ile d'e lelehunmẹ; omẹni y'a hụn akpụ onyẹ ohu hụn gi ezioku e mẹ ihiẹn ẹ, e kwọnkẹnmẹ ezioku: e gi m ufiri ẹ gbagharị obodoni.

Jerimaya 5:3

Euu, Osolobuẹ, ẹlẹ ezioku kẹ y'a chọ? Y'a fịan wẹ ihiẹn, anụnị wẹ ụfụ a; y'a sụdẹ wẹ kẹ nni, amụnrụnnị wẹ ihiẹn. A tọ wẹ a gba isi-akwanran, jụ n'e bihutọkọ wẹ ẹka.

Jerimaya 6:17

Mmẹ tumẹni ụnụ ndị nche — ndị amụma, sị ụnụ, ‘Wẹ gbu (opi) ọdụ, ụnụ e gọn ntịn!’ Kanị ụnụ sị, ‘Ẹnyi egọnkọ ntịn.’

Jerimaya 6:28

Wẹ ile wụ ndị nnupụ-isi hụn obi wẹ ze, hụn a ghahunmẹ e kuja oku ịhịan. Igwe-bronzu lẹ ọmụma kẹ wẹ wụ; onwọnni onyẹ gi ezioku e bi.

Jerimaya 6:8

Ịyụ wụ Jerusalẹm, nụkwọ nwan, amamgbe m'a la ị tọ, mẹ alị ị họnrin atụ — alị nwọnlẹni onyẹ bin'ẹ.”

Hosia 4:1

Gọn ni ntịn, ndị Izrẹlụ, gọn ni ntịn oku Osolobuẹ; nị Osolobuẹ rị e du ndị alịnị e kpe: ọ sị: ezioku arịzị alịnị onwọnzini onyẹ w'e gi dọn ẹnya; w'a ra gizi nke Osolobuẹ dọn alịnị.

Zẹfanaya 3:2

Ara nụ ihiẹn kaka; “eze-agwalẹm” k'ọ wụ! Ara gi Osolobuẹ dọn ẹnya; ara nọkunmẹ Osolobuẹ!

Zẹfanaya 3:7

M te nọ sị enwẹn m, ‘Obodoni sikọ d'a gbaye m nụ; wẹ jẹnkọ d'a nụ ihiẹn, amamgbe m'e tikpọ a otikpọnị ile m ku,’ kanị wẹ nọ mẹsọnmẹ arụ wẹ rị e mẹ.