Jerimaya 7:26 - Ika

²⁶ Kanị ndị mụkwasị ụnụ nkẹ egọnzikwọnị m ntịn, efeyeni wẹ oku m ẹnya. E busọnmẹ wẹ isi-ikẹn, mẹkarịdẹ ndị nẹdi wẹ eje-ihiẹn.’

Jerimaya 7:26 Iomraidhean Croise

Ndị-nze Nke Ibuzọ 14:22

Ndị Juda mẹ ihiẹn rịlẹni mma ẹnya Osolobuẹ, gi njọ wẹ mẹ ẹnya fụma Osolobuẹ, mẹ ẹ karịdẹ hụn ndị nẹdi wẹ mẹ.

Ndị-nze Nke Ibuzọ 14:9

Y'e mẹkarịgụọ ndị ile buni i ụzọ eje-ihiẹn. Y'a kọmarịngụọ mmọn-lẹ-iyi, ihiẹn ndị wẹ gisọnmẹ igwe mẹmẹ; y'a kpasugụọ m iwe, gbakitọ m azụụn.

Ndị-nze Nke Ẹbụọ 17:14

Kanị Izrẹlụ Ẹbamịn ugu lẹ Juda egọnni ntịn; e busọnmẹ wẹ isi-ikẹn nọkẹ ndị nẹdi wẹ, hụn gilẹni Osolobuẹ wụ Chuku wẹ dọn ẹnya.

Ndị-nze Nke Ẹbụọ 17:15

A jụ wẹ uhi ẹ lẹ Iwu o gi kwọngbama enwẹn ẹ lẹ ndị nẹdi wẹ, jụ mkpịnsịn-ẹka ọ gbasọnmẹ wẹ. E sọnmẹ wẹ mmọn-lẹ-iyi la iwi, wẹ nwẹn nọ wụrụ ihiẹn la iwi. E lerisọnmẹ wẹ alị ndị ọzọ nọhunmẹni wẹ — bụ Osolobuẹ e te sịgụọ wẹ, “Emẹkwọlẹ ni kẹ w'e mẹ.”

Ihiẹn Mẹni Nke Ẹbụọ 30:8

Ebukwọlẹ ni isi-ikẹn nọkẹ ndị nẹdi ụnụ; humẹni ni Osolobuẹ isi. Bịa nị Ụnọ-nsọ hụn o dọn nsọ jẹnrin ejẹn. Fe ni Osolobuẹ wụ Chuku ụnụ, kẹni olulu ọkụn ọ rị e busọn ụnụ rọ.

Ihiẹn Mẹni Nke Ẹbụọ 33:10

Osolobuẹ a gwa Manasẹ lẹ ndị nke ẹ oku, egọnni wẹ ntịn.

Ihiẹn Mẹni Nke Ẹbụọ 33:23

Kanị, o welụanị enwẹn ẹ alị ihun Osolobuẹ kẹ Manasẹ nẹdi ẹ dọn welụa enwẹn ẹ alị ikpanzụụn. Amọnụ emẹkẹnmẹkẹ ihiẹn ikpe gi ma a.

Nehemiah 9:29

“Ị nọ gba wẹ mkpịnsịn ẹka, sị wẹ dọnmẹmẹzi Iwu i; kanị wẹ nọ mẹkarịma enwẹn wẹ, femẹn'i isi, pama iwu i tumẹsọnmẹ hụn o mẹ ni, onyẹ dọnmẹ wẹ, o gi ẹ rị ndụn. Wẹ nọ bọnmẹmẹ gbakitọ ị azụụn; bu isi-ikẹn, jụ n'e gọnkọ wẹ i ntịn.

Itẹn 29:1

Onyẹ w'a jụgbọ ọjụgbọ-ọjụgbọ, ọ tọ a gba isi-akwanran, jẹnkọ d'e tikpọ idẹnmizi — hụn wẹ ghalẹni e dọnzi.

Azaya 48:4

Makẹni a marịnghọ m kẹ ụnụ mẹhan ndị isi-ikẹn, nị olu ụnụ wụ igwe ghalẹni a nị e gbegi; nị ezimezi ihun ụnụ ze kẹ igwe-bronzu.

Azaya 5:4

Kẹ m k'e mẹzini alị vaịnị m karị hụn m mẹn'ẹ? Kẹ m chọjẹn vaịnị rị mma, k'ọ mịnịnị m nwan vaịnị rịlẹni mma?

Jerimaya 11:8

Kanị, egọndẹni wẹ ntịn mọbụ gi ẹ dọn; e mẹsọnmẹ wẹ ihiẹn eje-obi wẹ gwa wẹ. Ya m nọ gi ọnụ-ẹsọn ile rị imẹ nkwerigbama ahụn m butọnị wẹ hụn wẹ dọnmẹlẹni sọn wẹ.’ ”

Jerimaya 16:12

Kanị, ụnụ e mẹkarịgụọdẹ nwan ndị nẹdi ụnụ njọ! Onyẹ-onyẹ hụ e bu isi-ikẹn ebe ọ rị e mẹ ihiẹn eje-obi ẹ gwa a, jụ nị ụnụ egọnkọ m ntịn.

Jerimaya 17:23

Kanị ndị nẹdi ụnụ egọnni ntịn, achọdẹni wẹ nị wẹ nụ; e busọnmẹ wẹ isi-ikẹn, jụ n'e gọnkọ wẹ ntịn mọbụ gi ẹ bihutọ ẹka.

Jerimaya 19:15

“Osolobuẹ ihiẹn ile rị okpuru ẹ hụn wụ Chuku Izrẹlụ sị, ‘Gọn ni ntịn! M jẹnkọ nwan d'e buhẹni obodoni lẹ mmụ alị ile fihunmẹn'ẹ nsọngbu ile m ku oku ẹ, makẹni e bugụọ wẹ isi-ikẹn, jụ n'e gọnkọ wẹ ntịn oku m.’ ”

Jerimaya 22:21

A dọghọ m ụnụ ẹka-ntịn ogẹn ẹhụ gi fu ụnụ, kanị ụnụ nọ sị, ‘Ẹnyi egọnkọ ị ntịn!’ Ẹrịra kẹ ụnụ e mẹ gha alị lala — ụnụ ara gi oku m dọn.

Jerimaya 25:3

“Kete ahụa ẹtọ kwasị ọgụn, ya wụ kete ahụa nke mmẹtọ Josaya nwa Amọnụ kịma, Osolobuẹ hụ e zi m ozi, m hụ e zi ụnụ ya e zikwasị, kanị ụnụ egini dọn.

Jerimaya 25:7

Osolobuẹ sị, “Kanị, ụnụ egọnni m ntịn. Ụnụ e gigụọ ihiẹn ẹka ụnụ rụn kpasu m iwe. Ụnụ a dọhagụọnị enwẹn ụnụ eje-ihiẹn.”

Jerimaya 26:5

omẹni ụnụ egọnni idibo m wụ ndị-amụma ntịn — ndị amụma hụn m rị e zihẹni ụnụ ozihẹni-ozihẹni, hụn ụnụ jụ nị ụnụ egọnkọ ntịn,

Jerimaya 29:19

Makẹni egini wẹ oku m dọn, oku hụn m gi idibo m wụ ndị-amụma gwa wẹ ọgụgwa-ọgụgwa. Ya kẹ Osolobuẹ ku. Ụnụ nwẹn wẹ kpụnshi alị ndị-ọzọ egizikwọnị oku m dọn. Ya kẹ Osolobuẹ ku.

Jerimaya 3:13

Ka kwerihụ nị y'e mẹọlẹ njọ, nị y'e nupụgụọ isi okpuru Osolobuẹ wụ Chuku i, y'e wegụọ enwẹn i kwanị mmọn alị ọzọ rị ichẹn-ichẹn okpuru osisi ọwụlẹ duni, y'e mẹni ihiẹn m sị ị mẹ.” Ya kẹ Osolobuẹ ku.

Jerimaya 32:23

Wẹ nọ banhan a, weri ẹ. Kanị, egini wẹ oku i dọn, e gini wẹ Iwu i ye wẹ bi: emẹni wẹ ihiẹn ị sị wẹ e mẹ. Ị nọ nwan hu eje-ihiẹnni ile kpu wẹ.

Jerimaya 34:14

‘Ahụa nke ẹsa ọwụlẹ, ụnụ jẹnkọ d'a haturịrị onyẹ Hibru ibe ụnụ ọwụlẹ te re enwẹn ẹ ye ụnụ. Ahụa isin k'o k'e fe i, y'a hatu ẹ n'o weri enwẹn ẹ.’ Kanị, ndị nẹdi ụnụ egọnni m ntịn, efeyedẹni wẹ ẹ ẹnya.

Jerimaya 35:15

M hụ e zihẹni ụnụ idibo m ndị amụmanị ile ozihẹ-ozihẹ. Wẹ hụ a sị ụnụ, “Onyẹ ọwụlẹ ya mẹbehikwọ eje-ihiẹn ọ rị e mẹ, mẹmẹ ihiẹn rị mma; arụazịlẹ ni mmọn — kẹni ụnụ bisọnmẹ alịnị m ye ụnụ lẹ ndị nẹdi ụnụ.” Kanị, ụnụ achọnị nị ụnụ nụ, ụnụ egọnni m ntịn.

Jerimaya 35:17

“Ufiri ẹ, Osolobuẹ ihiẹn ile rị okpuru ẹ, hụn wụ Chuku Izrẹlụ, rị nwan a sị, ‘Gọn nị ntịn! M jẹnkọ d'e mẹ alị Juda lẹ ndị ile bi imẹ Jerusalẹm eje-ihiẹn ile m sị nị m jẹnkọ d'e mẹ wẹ. Makẹni kẹ m gwa wẹ oku, egọnni wẹ ntịn; a kpọ m wẹ oku, azanị wẹ.’ ”

Jerimaya 44:16

“Ẹnyi e gọnkọdẹ ntịn ihiẹn ahụn ị sị nị ya kẹ Osolobuẹ sị ẹnyi mẹ!

Jerimaya 5:3

Euu, Osolobuẹ, ẹlẹ ezioku kẹ y'a chọ? Y'a fịan wẹ ihiẹn, anụnị wẹ ụfụ a; y'a sụdẹ wẹ kẹ nni, amụnrụnnị wẹ ihiẹn. A tọ wẹ a gba isi-akwanran, jụ n'e bihutọkọ wẹ ẹka.

Jerimaya 6:10

M nọ sị, “Onyẹ kẹ m'a gwa oku, dọ ẹka-ntịn? Onyẹ jẹnkọ d'e gọn m ntịn? Ntịn wẹ kpọkin akpọkin; anụkọ wẹ. Oku Osolobuẹ e we wẹ iwe; ara sụọ wẹ kaka!”

Jerimaya 6:17

Mmẹ tumẹni ụnụ ndị nche — ndị amụma, sị ụnụ, ‘Wẹ gbu (opi) ọdụ, ụnụ e gọn ntịn!’ Kanị ụnụ sị, ‘Ẹnyi egọnkọ ntịn.’

Jerimaya 7:24

Kanị, egọndẹni wẹ ntịn, achọdẹni wẹ nị wẹ nụ; a gbasọnmẹdẹ wẹ isi-akwanran, mẹsọnmẹ ihiẹn eje-obi wẹ ye wẹ. Hụn nkẹ w'e gi e shi ihun, wẹ hụ a la azụụn.

Jerimaya 9:13

Osolobuẹ sị, “Makẹni a jụgụọ wẹ iwu m tumẹni wẹ; emẹni wẹ ihiẹn m sị wẹ mẹ, esọnni wẹ Iwu m.

Izikẹlụ 12:2

“Nwa-ịhịan, ebọn isi-ikẹn k'ị rị. Wẹ nwọn ẹnya bụ w'a ra legha ụzọ; wẹ nwọn ntịn, kanị w'a ra nụ ihiẹn, makẹni ebọn isi-ikẹn kẹ wẹ wụ.

Izikẹlụ 12:3

“Nwa-ịhịan, kịkwama nwan ihiẹn i che ẹkpa nọkẹ onyẹ wẹ wepụkọ alị a, y'a nọ idẹnya wẹ buru ẹ pụ ebe eki rị elu; y'a gha ebe ị rị pụ lekẹ onyẹ wẹ wepụkọ alị a, shikọ ebe ọzọ. Ikẹnkwọ a ghọta we — ọsụọkwọn'a nị ebọn isi-ikẹn kẹ wẹ wụ.

Izikẹlụ 20:30

Osolobuẹ sị, “Sị nwan ikpụlọ Izrẹlụ: Lee ihiẹn Osolobuẹ Nwọn Ihiẹn Ile ku: Nị ụnụ mẹrụ nwan enwẹn ụnụ nọkẹ ndị nẹdi ụnụ? Nị ụnụ wezi nwan enwẹn ụnụ kwanị mmọn ndị ahụn rụnị nọkẹ wẹ?

Daniẹlụ 9:6

Ẹnyi egọnni idibo i ndị-amụma ntịn — ndị amụma ị, hụn gi ẹfan ị gwa ndị-nze ẹnyi lẹ ndị-isi ẹnyi lẹ ndị nẹdi ẹnyi lẹ ndị alị ẹnyi ile oku.

Hosia 11:7

Ndị nke m sị wẹ k'a larịrị m tọ. Wẹ kpọku onyẹ wẹ sị ya kẹ wẹ rị e fe n'o d'e yeni wẹ ẹka, kanị onwọnni onyẹ k'e yeni wẹ ẹka, onwọnni onyẹ k'e welini wẹ.

Zẹkaraya 7:11

Kanị ndị nẹdi ụnụ egọnni ntịn. A gbama wẹ isi-akwanran, kụkin ntịn wẹ amamgbe w'a nụ;

Malakaị 3:7

makẹni gha ogẹn ndị nẹdi ụnụ lala kẹ ụnụ latọma iwu m, ụnụ edọnmẹni wẹ. Bihutọ nị nwan ẹka buruhẹ m, kẹni m buruhẹzi ụnụ. Ya kẹ Osolobuẹ ihiẹn ile rị okpuru ẹ ku. “Kanị ụnụ hụ a jụ, ‘Elee ẹka kẹ ẹnyi k'e bihutọ?’

Matiu 21:38

Kanị, ogẹn ndị hụ ugbo hụ rị ẹka gi hụn nwa a, wẹ nọ sị ibe wẹ, ‘Onyẹni wụ hụn jẹnkọ d'e nwọnrin ebeni omẹgụ; nị ẹnyi gbupụn'a nwan weri ihiẹn ẹ!’

Matiu 23:32

Mẹchanrịn nị nwan ihiẹn ndị nẹdi ụnụ kanị bidọn!

Ọrụn Ndị-ozi 7:51

“Ndị isi-ikẹn! Ndị kwalẹni ugun imẹ obi lẹ ntịn! Ogẹn ile kẹ ụnụ gi e gbọndọn Mmọn-nsọ, e mẹ kẹ ndị nẹdi ụnụ!

Ndị Rom 2:5

Kanị, ebe ị nọ a kpọkin obi i, a jụ nị y'e rogharịkọ, ị rị e kpọn afụnfụn e cheni afụnfụn hụn wẹ jẹnkọ d'e ye i Ụhụọhịn iwe-lẹ-ọnụma, ụhụọhịn ahụn Osolobuẹ k'e gi han eṅẹn ahụn zinrinni.

Ditrọnọmi 8:20

Kẹ Osolobuẹ dọn tikpọ alị ndị ahụn bu ụnụ ụzọ bi ebahụn k'ọ k'a dọn tikpọ ụnụ makẹni ụnụ emẹni ihiẹn Osolobuẹ wụ Chuku ụnụ sị ụnụ mẹ.