Jerimaya 7:25 - Ika

²⁵ Ghakwọrị ogẹn hụ ndị nẹdi ụnụ gi gha alị Ijiptu pụha d'e ru ogẹnni, m hụ e zihẹni ụnụ idibo m ndị-amụma m ụhụọhịn-ụhụọhịn, e zi wẹ e zikwasị.

Jerimaya 7:25 Iomraidhean Croise

Ihiẹn Mẹni Nke Ẹbụọ 24:19

Osolobuẹ e zihẹni wẹ ndị-amụma n'o wekinhẹn wẹ, kanị, egini wẹ oku ile ndị-amụma ahụn gwa wẹ dọn.

Ihiẹn Mẹni Nke Ẹbụọ 36:15

Osolobuẹ wụ Chuku ndị nẹdi wẹ hụ e zi ndị ozi d'a gwa wẹ oku, a gwa wẹ ọgụgwa-ọgụgwa, makẹni omikẹn ndị nke ẹ lẹ ebe obibi ẹ rị e mẹ ẹ.

Ẹzra 9:7

Gha ogẹn ndị nẹdi ẹnyi wẹ d'e ru tannị ikpe eje-ihiẹn ẹnyi rị e mẹ hụ a ma ẹnyi ọda-ọda. Njọ ẹnyi haịn agha gi e gbu ẹnyi lẹ ndị-nze ẹnyi lẹ ndị nchụn-ẹjan ẹnyi; ịya haịn wẹ gi a nwụnrụn ẹnyi, a kwarị ihiẹn ẹnyi, ẹnyi hụ e ri ụya ẹka ndị-nze alị ndị ọzọ k'o dọn nwan rị tannị.

Nehemiah 9:26

“Kanị e nupụkwọnị wẹ i isi; e nu wẹ Iwu i ye ụsụọ; e gbu wẹ ndị-amụma ị hụn gwa wẹ njọ wẹ kẹni wẹ gi ẹ rogharị buruhẹz'i; e mẹsọnmẹ wẹ ihiẹn bu ọda wẹ gi kpari i.

Nehemiah 9:30

Ị nọ gi ndidin sọn wẹ ahụa bu ọda, gi Mmọn ị dọsọnmẹ wẹ ẹka-ntịn ghahanị ndị-amụma ị. Kanị egọnni wẹ ntịn. Ya ị nọ bu wẹ che ẹka ndị alị ọzọ nọhunmẹni wẹ.

Azaya 5:4

Kẹ m k'e mẹzini alị vaịnị m karị hụn m mẹn'ẹ? Kẹ m chọjẹn vaịnị rị mma, k'ọ mịnịnị m nwan vaịnị rịlẹni mma?

Jerimaya 11:7

Gha ogẹn m gi gha alị Ijiptu wepụha ndị nẹdi ụnụ d'e ru tannị, ẹnịna kẹ m'a gba wẹ mkpịnsịn-ẹka ẹnya, a gba wẹ ya a gbakwasị, a sị wẹ, “Mẹ ni ihiẹn m sị ụnụ mẹ.”

Jerimaya 25:3

“Kete ahụa ẹtọ kwasị ọgụn, ya wụ kete ahụa nke mmẹtọ Josaya nwa Amọnụ kịma, Osolobuẹ hụ e zi m ozi, m hụ e zi ụnụ ya e zikwasị, kanị ụnụ egini dọn.

Jerimaya 25:4

“Ọsụọzịkwọn'a nị Osolobuẹ e zihẹsọnmẹgụọ ndị-amụma a d'a gwa ụnụ oku, ụnụ egọnni ntịn, ụnụ achọnị nị ụnụ nụ.

Jerimaya 29:19

Makẹni egini wẹ oku m dọn, oku hụn m gi idibo m wụ ndị-amụma gwa wẹ ọgụgwa-ọgụgwa. Ya kẹ Osolobuẹ ku. Ụnụ nwẹn wẹ kpụnshi alị ndị-ọzọ egizikwọnị oku m dọn. Ya kẹ Osolobuẹ ku.

Jerimaya 35:14

Jonadabụ nwa Rekabụ sị ebọn ẹ aralẹ manya, wẹ nọ gi ihiẹn hụ ọ gwa wẹ dọn: d'e rukwọ nwan tannị w'a ra ra manya, makẹni wẹ rị e mẹ ihiẹn nẹdi wẹ kanị sị wẹ mẹ. Kanị, mmẹ nwẹn wụ Osolobuẹ hụ nwan a gwa ụnụ oku ọgụgwa-ọgụgwa, ụnụ arị e gi oku m e dọn.

Jerimaya 35:15

M hụ e zihẹni ụnụ idibo m ndị amụmanị ile ozihẹ-ozihẹ. Wẹ hụ a sị ụnụ, “Onyẹ ọwụlẹ ya mẹbehikwọ eje-ihiẹn ọ rị e mẹ, mẹmẹ ihiẹn rị mma; arụazịlẹ ni mmọn — kẹni ụnụ bisọnmẹ alịnị m ye ụnụ lẹ ndị nẹdi ụnụ.” Kanị, ụnụ achọnị nị ụnụ nụ, ụnụ egọnni m ntịn.

Jerimaya 44:4

E zisọnmẹ m idibo m wụ ndị-amụma d'a gwa ụnụ oku. Wẹ nọ gbasọnmẹ ụnụ mkpịnsịn-ẹka ẹnya, a sị ụnụ, ‘Emẹzilẹ ni arụnị e ze m ize!’

Jerimaya 7:13

Kẹ ụnụ rị e mẹ ihiẹn ndịnị, m hụ a gwa ụnụ ọgụgwa-ọgụgwa, kanị ụnụ egini dọn; a kpọ m ụnụ, ụnụ azanị. Ya kẹ Osolobuẹ ku.

Izikẹlụ 2:3

Ọ sị m, “Nwa-ịhịan, m zikọ ị d'e kunrun ndị Izrẹlụ, alị nnupụ-isi hụ, hụn rị e feni m isi; wẹ hụ a pa oku m d'e ru tannị kẹ ndị nẹdi wẹ dọn mẹ.

Hosia 11:7

Ndị nke m sị wẹ k'a larịrị m tọ. Wẹ kpọku onyẹ wẹ sị ya kẹ wẹ rị e fe n'o d'e yeni wẹ ẹka, kanị onwọnni onyẹ k'e yeni wẹ ẹka, onwọnni onyẹ k'e welini wẹ.

Hosia 12:10

Mmẹ gwa ndị-amụma ihiẹn wẹ ku; mmẹ ghọsịsọnmẹ wẹ ihiẹn wẹ hụn gwa ụnụ, gizi wẹ tụnị ụnụ ilu ndị hụ wẹ gi gwa ụnụ oku.

Emọsụ 2:11

E mẹ m ụfọdụ ụmụ ụnụ wụrụ ndị-amụma, mẹ ụfọdụ ikorọbịa ụnụ wụrụ ndị-nazịraịtị. Gwanị m ndị Izrẹlụ, ẹlẹ ẹrịra k'o mẹ? Ya kẹ Osolobuẹ ku.

Malakaị 3:7

makẹni gha ogẹn ndị nẹdi ụnụ lala kẹ ụnụ latọma iwu m, ụnụ edọnmẹni wẹ. Bihutọ nị nwan ẹka buruhẹ m, kẹni m buruhẹzi ụnụ. Ya kẹ Osolobuẹ ihiẹn ile rị okpuru ẹ ku. “Kanị ụnụ hụ a jụ, ‘Elee ẹka kẹ ẹnyi k'e bihutọ?’

Luku 11:49

Ufiri ihiẹnni kẹ Amamihiẹn Osolobuẹ gi sị, ‘M jẹnkọ d'e zijẹnni wẹ ndị-amụma lẹ ndị-ozi pụ-ichẹn: wẹ jẹnkọ d'e gbu ndị wẹ k'e gbu, kpokpo ndị wẹ k'e kpokpo.’

Ditrọnọmi 9:7

Nyanhan nị, azọkwọlẹ ni, kẹ ụnụ dọn kpasu Osolobuẹ wụ Chuku ụnụ iwe imẹ atụ. Gha ụhụọhịn ụnụ gha Ijiptu pụha d'e ru hụnnị ụnụ ru ebeni, isi-isi kẹ ụnụ rị e nupụnị Osolobuẹ.