Jerimaya 7:24 - Ika

²⁴ Kanị, egọndẹni wẹ ntịn, achọdẹni wẹ nị wẹ nụ; a gbasọnmẹdẹ wẹ isi-akwanran, mẹsọnmẹ ihiẹn eje-obi wẹ ye wẹ. Hụn nkẹ w'e gi e shi ihun, wẹ hụ a la azụụn.

Jerimaya 7:24 Iomraidhean Croise

Nehemiah 9:29

“Ị nọ gba wẹ mkpịnsịn ẹka, sị wẹ dọnmẹmẹzi Iwu i; kanị wẹ nọ mẹkarịma enwẹn wẹ, femẹn'i isi, pama iwu i tumẹsọnmẹ hụn o mẹ ni, onyẹ dọnmẹ wẹ, o gi ẹ rị ndụn. Wẹ nọ bọnmẹmẹ gbakitọ ị azụụn; bu isi-ikẹn, jụ n'e gọnkọ wẹ i ntịn.

Ẹbụ-ọma 81:13

Omẹni ndị nke m te k'e gọn m ntịn! Omẹni ndị Izrẹlụ te k'e sọn ụzọ m!

Jerimaya 13:10

ndị-ejẹni jụ nị egikọ wẹ oku m dọn, ndịnị rị a gba isi-akwanran kẹ eje-obi wẹ dọn gwa wẹ, e sọn mmọn, e fe wẹ, a kụnị wẹ isi-alị, wẹ jẹnkọ d'a nọkẹ nwa-mpeni wiwini nwọnlẹni ihiẹn wẹ k'e gi ẹ mẹ!

Jerimaya 13:11

Makẹni m te we ikpụlọ Izrẹlụ ile lẹ ikpụlọ Juda ile che ẹhụ kẹ nwa-mpe dọn a rịchanrịn ịhịan ẹhụ, kẹni wẹ wụrụ ndị nke m, wụrụ ndị wẹ gi a nụ ẹfan m, wụrụ ndị wẹ gi a ja m mma lẹ ndị wẹ gi e ye m ọghọ. Kanị, egọnni wẹ m nwan ntịn.” Ya kẹ Osolobuẹ ku.

Jerimaya 15:6

Osolobuẹ sị, ‘Y'a jụgụọ m; ọdanpụ-ọdanpụ kẹ y'a danpụsọnmẹ. M jẹnkọ nwan d'e mẹshi i ikẹn, tikpọ ị; ẹlẹ m k'e mẹzi omikẹn i.

Jerimaya 16:12

Kanị, ụnụ e mẹkarịgụọdẹ nwan ndị nẹdi ụnụ njọ! Onyẹ-onyẹ hụ e bu isi-ikẹn ebe ọ rị e mẹ ihiẹn eje-obi ẹ gwa a, jụ nị ụnụ egọnkọ m ntịn.

Jerimaya 17:23

Kanị ndị nẹdi ụnụ egọnni ntịn, achọdẹni wẹ nị wẹ nụ; e busọnmẹ wẹ isi-ikẹn, jụ n'e gọnkọ wẹ ntịn mọbụ gi ẹ bihutọ ẹka.

Jerimaya 17:9

“Onwọnni ihiẹn e dufie ịhịan nọkẹ obi ịhịan; ọ jọgbu enwẹn ẹ njọ! Onyẹ a saẹka a ghọta a?

Jerimaya 18:10

nị ndị ahụn e mẹmẹ eje-ihiẹn, nupụma isi okpuru m, m sikọ d'e rohutọ, emẹkọzị m ihiẹn-ọma hụ m te k'e mẹni wẹ.

Jerimaya 18:12

“Kanị, wẹ jẹnkọ d'a sị, ‘Ẹlẹkwọ ẹnyi k'ị rị a gwa! Ihiẹn rị ẹnyi obi kẹ ẹnyi jẹnkọ d'e mẹ! Ihiẹn obi ẹnyi ye ẹnyi kẹ ẹnyi sikọ d'e mẹ — ọsụọn'a eje-ihiẹn rọ, ọsụọn'a isi-ikẹn rọ!’

Jerimaya 2:27

Wẹ sị osisi wẹ pịn, ‘Ịyụ wụ nẹdi m,’ sị ọmụma wẹ tụ ‘Ịyụ mụ m.’ E bu wẹ azụụn zinmẹ m, ẹlẹzi ihun. Kanị nsọngbu bịa, a hịma wẹ m, ‘Dodo d'a zụọpụha ẹnyi!’

Jerimaya 22:21

A dọghọ m ụnụ ẹka-ntịn ogẹn ẹhụ gi fu ụnụ, kanị ụnụ nọ sị, ‘Ẹnyi egọnkọ ị ntịn!’ Ẹrịra kẹ ụnụ e mẹ gha alị lala — ụnụ ara gi oku m dọn.

Jerimaya 23:17

A tọ wẹ a sị ndị rị e lelịa Osolobuẹ, ‘Osolobuẹ sị o k'a rịnị ụnụ mma.’ A sị ndị isi-ikẹn rị e mẹ ihiẹn obi wẹ gwa wẹ, ‘Ihiẹn emẹkọ ụnụ.’

Jerimaya 3:13

Ka kwerihụ nị y'e mẹọlẹ njọ, nị y'e nupụgụọ isi okpuru Osolobuẹ wụ Chuku i, y'e wegụọ enwẹn i kwanị mmọn alị ọzọ rị ichẹn-ichẹn okpuru osisi ọwụlẹ duni, y'e mẹni ihiẹn m sị ị mẹ.” Ya kẹ Osolobuẹ ku.

Jerimaya 3:17

O ru ogẹn ahụn, wẹ k'a kpọ Jerusalẹm Ukpo-eze Osolobuẹ, alị ile k'a gha e zu imẹ Jerusalẹm ebẹhụ d'e ye ẹfan Osolobuẹ ọghọ. Esọnkọzị wẹ eje-obi wẹ hụn wẹ gi a gba isi-akwanran.

Jerimaya 32:23

Wẹ nọ banhan a, weri ẹ. Kanị, egini wẹ oku i dọn, e gini wẹ Iwu i ye wẹ bi: emẹni wẹ ihiẹn ị sị wẹ e mẹ. Ị nọ nwan hu eje-ihiẹnni ile kpu wẹ.

Jerimaya 32:33

“E bu wẹ azụụn zinmẹ m, ẹlẹ ihun; m hụ a kuzi wẹ ọkuzi-ọkuzi, w'a ra gọn ntịn, achọdẹni wẹ nị wẹ nụ.

Jerimaya 35:15

M hụ e zihẹni ụnụ idibo m ndị amụmanị ile ozihẹ-ozihẹ. Wẹ hụ a sị ụnụ, “Onyẹ ọwụlẹ ya mẹbehikwọ eje-ihiẹn ọ rị e mẹ, mẹmẹ ihiẹn rị mma; arụazịlẹ ni mmọn — kẹni ụnụ bisọnmẹ alịnị m ye ụnụ lẹ ndị nẹdi ụnụ.” Kanị, ụnụ achọnị nị ụnụ nụ, ụnụ egọnni m ntịn.

Jerimaya 6:16

Osolobuẹ sị, “Turu ni nwan ẹbụ-ẹnọ lehunmẹ ẹnya; jụ nị kẹ elee hụn wụ ụzọ ahụn rị ẹdẹi — jụ nị ukwere ụzọ hụ rị mma, ụnụ a gha a, kẹn'ọ rịnị ụnụ mma. Kanị ụnụ sị, ‘Ẹnyi aghakọ a.’

Jerimaya 7:26

Kanị ndị mụkwasị ụnụ nkẹ egọnzikwọnị m ntịn, efeyeni wẹ oku m ẹnya. E busọnmẹ wẹ isi-ikẹn, mẹkarịdẹ ndị nẹdi wẹ eje-ihiẹn.’

Jerimaya 8:5

Kị haịn nwan ndịnị gi a kpahusọnmẹ? Kị haịn Jerusalẹm gi a latọsọnmẹ m? E kwọnkẹnmẹ ihiẹn rị e dufieni wẹ, jụ nị ekinhẹnkọ wẹ?

Jerimaya 9:14

Kanị a gba wẹ isi-akwanran kẹ obi wẹ dọn gwa wẹ, fesọnmẹ Baalụ kẹ ndị nẹdi wẹ dọn kuzi wẹ.

Izikẹlụ 20:13

“Kanị ndị Izrẹlụ nọ pazịkwọ oku m imẹ atụ. Esọnni wẹ uhi m; a jụ wẹ ihiẹn ndị m sị wẹ e mẹ, hụn o mẹni onyẹ dọnmẹ wẹ ọ rị ndụn; e mẹrụ wẹ Ogẹn Ezumikẹn m ile, mẹrụ wẹ ọda-ọda. Ya m nọ sị nị m gi ọnụma sọn wẹ imẹ atụ, tikpọ wẹ.

Izikẹlụ 20:16

makẹni emẹni wẹ ihiẹn ndị m sị wẹ mẹ, egini wẹ uhi m bi; e mẹrụ wẹ Ogẹn Ezumikẹn m rị ichẹn-ichẹn, makẹni obi wẹ rịchanrịn mmọn wẹ rị ichẹn-ichẹn —

Izikẹlụ 20:21

“Kanị ụmụ wẹ nọ pazịkwọ oku m: Esọnni wẹ uhi m, emẹni wẹ ihiẹn ndị hụ m sị wẹ mẹ hụn o mẹni onyẹ mẹ wẹ ọ rị ndụn; e mẹrụ wẹ Ogẹn Ezumikẹn m rị ichẹn-ichẹn. Ya m nọ sị nị m gi ọnụma sọn wẹ, gi olulu mẹ wẹ ihiẹn imẹ atụ ebahụn.

Izikẹlụ 20:8

“Kanị e nupụnị wẹ m isi, jụ n'e gọnkọ wẹ m ntịn; onwọnni onyẹ kpọnpụ mmọn ndị ahụn rụnị ọ rị e fe, alatọnị wẹ mmọn ndị hụ wẹ rị a rụa alị Ijiptu. Ya m nọ sị nị m gi ọnụma sọn wẹ, gi olulu mẹ wẹ ihiẹn imẹ Ijiptu.

Daniẹlụ 9:6

Ẹnyi egọnni idibo i ndị-amụma ntịn — ndị amụma ị, hụn gi ẹfan ị gwa ndị-nze ẹnyi lẹ ndị-isi ẹnyi lẹ ndị nẹdi ẹnyi lẹ ndị alị ẹnyi ile oku.

Hosia 10:6

Wẹ k'e bujẹn mmọn ahụn Asiria d'e gi kele eze-uku Asiria ifẹnrẹn e mẹgbu ndị Ifrem, wẹ ile rị Izrẹlụ Ẹbamịn-ugu e gi mmọn hụ fa.

Hosia 4:16

“Ndị Izrẹlụ ẹbamịn-ugu wụ isi-akwanran rịkẹ onyẹnnyẹ-efin ghalẹni a nụ ihiẹn! Nanị Osolobuẹ e dọn nwan du wẹ kẹ atụnrụn d'e ri ẹfịfịa-oyiyi rijun ẹfọ?

Maịka 6:16

Makẹni ụnụ e sọngụọ ụzọ Omri lẹ ikpụlọ Ehabụ nẹdi ẹ, ụnụ e gigụọ ihiẹn wẹ kuzi ụnụ bi. M k'e gi ufiri ẹ tikpọchanrịn Jerusalẹm, ndị bi imẹ ẹ e họnrin ndị w'a mụ ẹmụ; yụ wụ Jerusalẹm k'e buru ifẹnrẹn ndị nke m.”

Zẹkaraya 7:11

Kanị ndị nẹdi ụnụ egọnni ntịn. A gbama wẹ isi-akwanran, kụkin ntịn wẹ amamgbe w'a nụ;

Ditrọnọmi 29:19

Onyẹ nọ ẹrịra nụ ihiẹn ndịnị wẹ rị e kun ẹfan Osolobuẹ e ku, ọ tụma enwẹn ẹ ntụ, sị, “Onwọnni ihiẹn k'e mẹni m, ọsụọn'a nị m gbasọnmẹ isi-akwanran.” Ọnwan k'e buhẹni alị Izrẹlụ ile ntikpọ, kẹ ndị rị mma kẹ ndị rịlẹni mma.