Jerimaya 7:23 - Ika

²³ kanị, ihiẹn m gwa wẹ wụ, ‘E mẹ ni ihiẹn m sị ụnụ e mẹ, nị m hụn ụzọ wụrụ Chuku ụnụ, ụnụ a wụrụ ndị nke m. E bini kẹ m sị ụnụ e bi kẹni ọ rịnị ụnụ mma.

Jerimaya 7:23 Iomraidhean Croise

Jobu 36:11

Omẹni e gighọ w'ẹ dọn, fem'ẹ, ihiẹn a ghasọnmẹni wẹ e we wẹ nwụn, e nwọnsọnmẹ wẹ ẹfọ-ojunjun ndụn wẹ ile.

Ẹbụ-ọma 119:3

ndị ghalẹni e mẹ eje-ihiẹn; kama, w'a ghasọnmẹ ụzọ Osolobuẹ.

Ẹbụ-ọma 40:6

Kẹ ẹjan kẹ oyiye onwọnni hụn ị chọ, kama y'a shịapụgụọ m ntịn nị m ghọta; kẹ ẹjan w'a dụn ọkụn kẹ ẹjan-njọ onwọnni hụn ị chọ.

Ẹbụ-ọma 81:13

Omẹni ndị nke m te k'e gọn m ntịn! Omẹni ndị Izrẹlụ te k'e sọn ụzọ m!

Ọpụpụ 15:26

sị wẹ, “Ụnụ kpachanpụ ẹnya mẹsọnmẹ ihiẹn Osolobuẹ wụ Chuku ụnụ ku, e mẹ ihiẹn rị a mma ẹnya, e mẹzu iwu ẹ lẹ uhi ẹ ile, atụkọ m ụnụ emu ọwụlẹ m tụ ndị Ijiptu; makẹni mmẹ wụ Osolobuẹ hụn a zụọ ụnụ emu.”

Ọpụpụ 16:32

Mozizi nọ sị, “Lee ni ihiẹn Osolobuẹ ku: ọ sị, ‘Weri ni mana jun mkpu-oma ohu dọnmẹni agbọ ndị lalanị, nị wẹ hụn ihiẹn-oriri m ye ụnụ ri imẹ atụ ogẹn m gha Ijiptu wepụha ọnụ.’ ”

Azaya 3:10

Gwa ndị ezi-omumẹ n'o k'a masịnị wẹ, makẹni wẹ jẹnkọ d'e ri ihiẹn wẹ rụn.

Jerimaya 11:4

ihiẹn ndị hụn m sị ndị nẹdi ụnụ kanị e mẹ kẹ m wepụha wẹ imẹ okẹn ọkụn hụ wụ alị Ijiptu.’ M sị wẹ, ‘Humẹni ni m isi, mẹsọnmẹ ihiẹn m sị ụnụ mẹ. Ụnụ mẹ wẹ, ụnụ a wụrụ ndị nke m, mmẹ nwẹn a wụrụ Chuku ụnụ.

Jerimaya 11:7

Gha ogẹn m gi gha alị Ijiptu wepụha ndị nẹdi ụnụ d'e ru tannị, ẹnịna kẹ m'a gba wẹ mkpịnsịn-ẹka ẹnya, a gba wẹ ya a gbakwasị, a sị wẹ, “Mẹ ni ihiẹn m sị ụnụ mẹ.”

Jerimaya 13:11

Makẹni m te we ikpụlọ Izrẹlụ ile lẹ ikpụlọ Juda ile che ẹhụ kẹ nwa-mpe dọn a rịchanrịn ịhịan ẹhụ, kẹni wẹ wụrụ ndị nke m, wụrụ ndị wẹ gi a nụ ẹfan m, wụrụ ndị wẹ gi a ja m mma lẹ ndị wẹ gi e ye m ọghọ. Kanị, egọnni wẹ m nwan ntịn.” Ya kẹ Osolobuẹ ku.

Jerimaya 22:21

A dọghọ m ụnụ ẹka-ntịn ogẹn ẹhụ gi fu ụnụ, kanị ụnụ nọ sị, ‘Ẹnyi egọnkọ ị ntịn!’ Ẹrịra kẹ ụnụ e mẹ gha alị lala — ụnụ ara gi oku m dọn.

Jerimaya 22:3

Osolobuẹ sị: mẹmẹ ni ihiẹn rị mma lẹ ihiẹn furuni. A gbapụha nị ndị wẹ rị a bịangbu ẹka ndị rị a bịangbuni wẹ. Emẹjalẹ ni abịamabịa lẹ ndị nwọnlẹni nẹdi lẹ ikpoho di wẹ nwụn mọbụ gi ẹka-ikẹn sọn wẹ, egbulẹ ni ndị nwọnlẹni ihiẹn wẹ mẹ ebeni.

Jerimaya 24:7

M k'e ye wẹ obi wẹ k'e gi marịn nị mmẹ wụ Osolobuẹ; a wụrụ wẹ ndị nke m, a wụrụ m Chuku wẹ — makẹni wẹ k'e gi obi wẹ ile kinhẹn d'e kunrun m.

Jerimaya 31:33

Osolobuẹ sị, “Hụnnị wụ nkwerigbama ọhụn hụ m jẹnkọ d'e tumẹ ẹgbata mmẹ lẹ ndị Izrẹlụ, ogẹn hụ: m k'e bu Iwu m che obi wẹ; m k'e de e ye akpobi wẹ; m k'a wụrụ Chuku wẹ, a wụrụ wẹ ndị nke m.

Jerimaya 32:23

Wẹ nọ banhan a, weri ẹ. Kanị, egini wẹ oku i dọn, e gini wẹ Iwu i ye wẹ bi: emẹni wẹ ihiẹn ị sị wẹ e mẹ. Ị nọ nwan hu eje-ihiẹnni ile kpu wẹ.

Jerimaya 38:20

Jerimaya nọ sị a, “Ewekọ wẹ i ye wẹ. Dodo gọn ntịn ihiẹn Osolobuẹ ku, hụn m rị a gwa ị. Mẹ ẹ kẹni ọ rịn'ị mma, y'a hụn isi.

Jerimaya 42:6

Kẹ ihiẹn Osolobuẹ ku a sụọghọ ẹnyi k'ọ sụọnị ẹnyi, ẹnyi jẹnkọ d'e mẹ ihiẹn Osolobuẹ wụ Chuku ẹnyi hụn ẹnyi rị nwan a sị ị rịọnị ẹnyi ku, kẹni ọ rịnị ẹnyi mma. Ẹnyi jẹnkọ d'e mẹ ihiẹn Osolobuẹ wụ Chuku ẹnyi sị ẹnyi mẹ.”

Zẹfanaya 3:2

Ara nụ ihiẹn kaka; “eze-agwalẹm” k'ọ wụ! Ara gi Osolobuẹ dọn ẹnya; ara nọkunmẹ Osolobuẹ!

Zẹkaraya 6:15

“Ndị rịdẹ ebe teni sikọ d'a bịa d'e ye ẹka tụn Ụlọ-NSỌ Osolobuẹ. Ogẹn ahụn, ụnụ e gi ẹ marịn nị Osolobuẹ lẹ enwẹn ẹ hụn ihiẹn ile rị okpuru ẹ zi m d'a gwa ụnụ oku. “Ihiẹnni k'e mẹ omẹni ụnụ hụ e mẹ ihiẹn Osolobuẹ wụ Chuku ụnụ ku, e mẹshi ẹ ikẹn.”

Zẹkaraya 7:7

“ ‘Ẹlẹ okuni wẹ rị a gwa ụnụ kẹ Osolobuẹ gi ndị-amụma mbụ ku, kẹ wẹ kelẹni tikpọ Jerusalẹm? Ogẹn ahụn Jerusalẹm lẹ obodo ndị nọhunmẹn'ẹ gi rị e bi udọn-lẹ-ndọnkwa, ogẹn ahụn ịhịan bizi imẹ Nẹgẹvụ rị ẹbamịn ndịdan-mirin ọda-ọda lẹ imẹ Shẹfẹla rị nkpọtu òke ibẹka ọdịdan-ẹnyanwụn.’ ”

Ndị Rom 16:26

hụn rị nwan a pụha ifọn; wẹ rị nwan e gi ihiẹn ndị-amụma de imẹ Ẹkụkwọ-nsọ a kọwanị ndị alị ile ya. Osolobuẹ rị ndụn jẹnrin ejẹn sị wẹ kọwanị wẹ ya, kẹni ndị alị ile hụn ụzọ kweri, gi okweri ahụn wẹ kweri humẹn'ẹ isi.

Ndị Kọrẹntị Nke Ẹbụọ 10:5

lẹ ihiẹn ọwụlẹ e bushi enwẹn ẹ elu e mẹ ịhịan amarịnlẹ Osolobuẹ; ẹnyi a nwụndọn iroro ile, e mẹ wẹ e kweyeni Kraịstị.

Ditrọnọmi 11:27

ngọzi rọ omẹni ụnụ e mẹ ihiẹn m rị a gwa ụnụ tannị hụn Osolobuẹ wụ Chuku ụnụ sị ụnụ mẹ;

Ditrọnọmi 13:4

Osolobuẹ wụ Chuku ụnụ kẹ ụnụ k'e sọn; ịya kẹ ụnụ k'a tụ egun ẹ. E mẹ ni ihiẹn ọ sị ụnụ mẹ, ụnụ a gbaye ẹ, fe ẹ, kwọnkẹnmẹ ẹ.

Ditrọnọmi 13:5

Wẹ k'e gburịrị onyẹ-amụma ahụn mọbụ onyẹ ahụn nrọ a a bụn, makẹni ọ sị wẹ nupụ isi okpuru Osolobuẹ wụ Chuku ụnụ, Onyẹ hụn gha Ijiptu wepụha ụnụ, gha alị ụnụ nọ wụ igbọn gbarị ụnụ! Hụnyẹ a chọgụọ n'o wepụ ụnụ imẹ ihiẹn Osolobuẹ wụ Chuku ụnụ sị ụnụ mẹ. Ụnụ k'e wepụrịrị eje-ihiẹn ahụn imẹ igunrun ụnụ, wepụchanrịn.

Ditrọnọmi 30:2

nị ụnụ lẹ ụmụ ụnụ e gbehutọ buru Osolobuẹ wụ Chuku ụnụ, gi obi ụnụ ile lẹ umẹ-ndụn ụnụ ile mẹmẹ ihiẹn ile m gwa ụnụ tannị,

Ditrọnọmi 30:20

lẹ ni ụnụ hụn ụzọ nwọn ihiẹn-ọsụsụọ Osolobuẹ wụ Chuku ụnụ, e gọn ẹ ntịn, kwọnkẹnmẹ ẹ. Makẹni Osolobuẹ wụ onyẹ e ye ụnụ ndụn, e mẹ isi e ru ụnụ ẹnyasị imẹ alị ahụn o kun enwẹn n'o k'e ye ndị nẹdi ụnụ kanị wụ Ebraham, Aziki lẹ Jekọpụ.

Ditrọnọmi 30:8

Ogẹn ahụn, ụnụ a gbayemẹzi Osolobuẹ, sọnmẹ iwu ẹ ile m rị e ye ụnụ tannị,

Ditrọnọmi 4:10

Nyanhan nị ụhụọhịn ahụn ụnụ wuzo ihun Osolobuẹ wụ Chuku ụnụ ẹhụ Ugu Horẹbụ, ogẹn ahụn o gi sị m, “Kpọkikomẹ ndị Izrẹlụ ihun m ebeni, nị wẹ nụ ihiẹn m k'e ku, mụ kẹ wẹ dọn a gbaye m e we wẹ bigụ alị ahụn, lẹni wẹ kuzi ụmụ wẹ ya.”

Ditrọnọmi 4:40

Dọnmẹ ni uhi ẹ, e mẹ ihiẹn ọ sị ụnụ mẹ hụn m rị a gwa ụnụ tannị, n'ọ hụn ụzọ rịnị ụnụ lẹ ụmụ ụnụ lalanị mma lẹni ụnụ hụn ụzọ tọ imẹ alị ahụn Osolobuẹ wụ Chuku ụnụ rị e ye ụnụ nị ụnụ weriferi.

Ditrọnọmi 5:16

“Gbaye nẹdi i lẹ nnẹ i, kẹ Osolobuẹ wụ Chuku ụnụ dọn gwa ụnụ, n'ị hụn ụzọ tọ lẹ n'ọ hụn ụzọ masịn'ị imẹ alị ahụn Osolobuẹ wụ Chuku ụnụ rị e ye ụnụ.

Ditrọnọmi 5:29

K'o furu egun m a rịsọnmẹ wẹ nwan obi ẹnịna, e gi w'ẹ e mẹ ihiẹn ile m sị wẹ mẹ, n'ọ hụn ụzọ masịnị wẹ lẹ ụmụ wẹ jẹnrin-ejẹn.

Ditrọnọmi 5:33

ghasọnmẹ ni ụzọ ile hụn Osolobuẹ wụ Chuku ụnụ sị ụnụ gha, kẹn'ọ masịnị ụnụ, ụnụ e nwọn isi-nka imẹ alị ahụn ụnụ k'e weri.

Ditrọnọmi 6:3

Euu ndị Izrẹlụ, gọnkwọ nị ntịn, dọnrin ni ẹnya mẹ ihiẹn ndịnị, kẹni ọ rịnị ụnụ mma, ụnụ a ba ụba ọda-ọda, alị ahụn a wụrụnị ụnụ alị mirin-ẹran anụ lẹ mirin-ẹnwụn jun, e hu, nọkẹ kẹ Osolobuẹ wụ Chuku ndị nẹdi ụnụ dọn kwe ụnụ nkwa.

Hibru 5:9

O gigụ a nwan ru ogo, ọ nọ wụrụ onyẹ hụn nzụọpụha itẹbitẹ gha ẹka a a bịanị onyẹ ọwụlẹ humẹn'ẹ isi —

Samuẹlụ Nke Ibuzọ 15:22

Kanị Samuẹlụ nọ sị a, “Ẹjan w'a dụn ọkụn lẹ ẹjan mmaka kadẹ nwan Osolobuẹ a sụọ karị igi oku ẹ dọn ra? Lee ẹnya, ihumẹ-isi ka ịchụn-ẹjan mma; i mẹ ihiẹn wẹ sị ị mẹ ka iye ụtọrọ ebulu mma.