Jerimaya 7:21 - Ika

²¹ “Osolobuẹ hụn ihiẹn ile rị okpuru ẹ, hụn wụ Chuku alị Izrẹlụ, sị: Ọ sụọ ụnụ, chụnma nị ẹjan ile ụnụ gi ọkụn a chụn cheni ẹjan ndị ọzọ ile ụnụ a chụnzịnị m — kanị ụnụ chụngụ, rikwọ nị ihiẹn ụnụ —

Jerimaya 7:21 Iomraidhean Croise

Ẹbụ-ọma 50:8

Ẹlẹ ẹjan ụnụ rị a chụnyeni m kẹ m rị a jụgbọnị ụnụ, ẹlẹ ẹjan ụnụ rị a dụnnị m ọkụn ogẹn ile.

Azaya 43:23

Y'e wẹhẹni atụnrụn gi chụnyeni m ẹjan w'a kpọ ọkụn mọbụ chụnyesọnmẹni m ẹjan gi ye m ọghọ. Asịnị m'ị ye m oyiye-ọka, nkẹ ọ wụrụ nị m buye i ibu; egini m oku ịmụyeni m nsẹnsi mẹ ndụn gụ ị.

Jerimaya 14:12

Ọsụọn'a wẹ bu ọnụ, egọnkọ m ntịn ẹkwan wẹ; ọsụọn'a wẹ chụn ẹjan w'a kpọ ọkụn lẹ ẹjan ọka, ewekọ m. Hụn nkẹ m'e gi narịn wẹ, m k'e gidẹ ọpịa-agha lẹ ẹgụn lẹ eje-emu gbu wẹ.”

Jerimaya 6:20

Kịnị kẹ m gi nsẹnsi ụnụ e mẹ — ọsụọn'a alị Shẹba kẹ ụnụ gha wẹhẹ? Kịnị kẹ m gi udẹn-ọma kalamusu ụnụ e mẹ — ọsụọn'a alị tegbu enwẹn ẹ kẹ ụnụ gha wẹhẹ ẹ? Ewekọ m anụ ụnụ gi a chụnnị m ẹjan w'a dụn ọkụn; ẹjan ụnụ ara sụọ m.”

Izikẹlụ 33:25

Sị wẹ nwan nị Osolobuẹ Nwọn Ihiẹn Ile sị, ‘Ụnụ hụ e ri ẹdeke anụ, e fe mmọn, e gbu ịhịan, nanị ụnụ e dọn nwan nwọnrin alị hụ?

Hosia 8:13

Wẹ hụ a chụnyeni m ẹjan, e ri anụ a, kanị Osolobuẹ anarịnkọ ẹjan wẹ. M jẹnkọ d'a nyanhandẹ njọ wẹ, ye wẹ afụnfụn a. Wẹ k'a lakin alị Ijiptu.

Ditrọnọmi 12:27

Nọ ukpo nchụn-ẹjan Osolobuẹ wụ Chuku ụnụ sụọ chụn ẹjan ị ile w'a dụn ọkụn — kẹ anụ a kẹ ẹdeke ẹ. Hu ni ẹdeke anụ ndị ụnụ gi chụn ẹjan ye ẹhụ ukpo nchụn-ẹjan Osolobuẹ wụ Chuku ụnụ; kanị, ụnụ nwọn ikẹn ri anụ wẹ.