Jerimaya 7:20 - Ika

²⁰ Ufiri ẹ, Di-nwọnni-ẹnyi wụ Osolobuẹ sị, ‘M k'e gi okẹn olulu mẹ alịnị ihiẹn — kẹ ịhịan kẹ anụ kẹ osisi rị ọfịa kẹ ihiẹn gha alị pupụha; o k'a dụn kẹ ọkụn, ọ dụbehikọ.’

Jerimaya 7:20 Iomraidhean Croise

Ndị-nze Nke Ẹbụọ 22:17

Makẹni a jụgụọ wẹ m tọ, mụmanị mmọn-lẹ-iyi nsẹnsi, gi mmọn-lẹ-iyi ẹka wẹ mẹmẹ kpasu m iwe, m k'e gi olulu m sọn obodoni; onunu m k'e gi sọn ẹ arọkọ.’

Azaya 10:17

Ukpẹ Izrẹlụ hụn wụ Osolobuẹ k'a wụrụ ọkụn; Onyẹ-nsọ wẹ hụn wụ Osolobuẹ k'a wụrụ ọkụn rị e nwunni; o k'e gi akpọhịn ohu dụnpụchanrịn kẹ ogun ẹ kẹ ọkịnkan a.

Azaya 42:25

Ya ọ nọ gi eje-olulu ẹ sọn wẹ, gi agha lẹ ogbugbu lẹ ntikpọ rịn'a sọn wẹ; agha nọ kpumẹ wẹ lekẹ ọkụn rị e nwunni — aghọtakwọnị wẹ; agha e bu wẹ ri kẹ ọkụn, egizikwọnị w'a dọn.

Azaya 66:24

Wẹ k'a gha a pụ d'e lee ozun ndị ahụn feni m isi, makẹni ọhọrị k'e rini wẹ anwụnkọ, ọkụn k'a rị a dụn wẹ etinyụnkọ. Wẹ k'a wụrụ ihiẹn-ize ẹnya ịhịan ile.”

Jerimaya 11:16

Mmẹ wụ Osolobuẹ te kpọ ị osisi-olivu duni, hụn mkpụrụ a a la ẹnya. Kanị okẹn ẹbi sikọ nwan d'a kpọ ị, bi ọkụn ye i, agalaba ị a dụnpụ ọkụn.

Jerimaya 12:4

Elee mgbe alịnị ile k'a kpọbehi nkụn? Elee mgbe ẹfịfịa rị ugbo ile k'e shinwụnbehi? Makẹni eje-omumẹ ndị bi alịnị a karị ẹka, anụmanụ lẹ nnụnụ a gụgụzịghọ. Kanị wẹ hụkwọ a sị, ‘Ihiẹn ọ rị e ro emẹkọ ẹnyi.’ ”

Jerimaya 14:16

Ọpịa-agha lẹ ụnwụn k'e gbuzikwọ ndị ahụn wẹ rị e buni amụma tọ ọgbara-ogbe Jerusalẹm. Onwọnkọ onyẹ k'e lini wẹ lẹ inyẹnmẹ wẹ lẹ ụmụ wẹ ikẹnnyẹ lẹ ikpoho. M jẹnkọ d'e hu afụnfụn ahụn furuni wẹ kpu wẹ.

Jerimaya 17:27

Kanị, omẹni ụnụ emẹni ihiẹn m ku banyeni idọnmẹ Ụhụọhịn Ezumikẹn nsọ, bughabehi ibu ọnụ-mgbọn rịsọnmẹ Jerusalẹm Ụhụọhịn Ezumikẹn, a mụ m ọkụn wẹ ghalẹni a s'ẹka e tinyụn ye ọnụ-mgbọn ile rị Jerusalẹm, ọ dụnpụchanrịn ụlọ-uku ile rị Jerusalẹm hụn w'a gbaban.”

Jerimaya 17:4

Ufiri ihiẹn ụnụ mẹ, ihiẹn m ye ụnụ jẹnkọ d'a nahịn ụnụ; m jẹnkọ d'e mẹ ụnụ wụrụ igbọn ndị iṅẹnrẹn ụnụ, makẹni ụnụ a kpasugụọ m iwe, gi ẹ fụnwun okẹn ọkụn jẹnkọ d'a dụnsọnmẹni.”

Jerimaya 18:23

Kanị Osolobuẹ, y'a marịnghọ kẹ wẹ dọn rị e zu eje-umẹ nị wẹ gbu m. Agbagharịkwọlẹ wẹ eje-ihiẹn wẹ mẹ! efinchanpụkwọlẹ njọ wẹ ebe ị rị. Ndị iṅẹnrẹn wẹ wẹ mẹri wẹ ru alị idẹnya ị. Mẹ wẹ ihiẹn ebe olulu i kelẹni rọ.

Jerimaya 21:12

Ụnụ ndị ikpụlọ Defidi, lekwọ nị ihiẹn Osolobuẹ ku: E gikwọ nị ezioku a kị ụhụọhịn-ụhụọhịn; a zụọpụhakwọ nị ndị wẹ rị a bịangbu ẹka ndị rị a bịangbuni wẹ — amamgbe m'e gi ufiri eje-ihiẹn ụnụ mẹ gi ọnụma m mẹ ụnụ ihiẹn lekẹ ebe ọkụn nọ a dụn, ọkụn wẹ jẹnkọlẹni d'e tinyụn.

Jerimaya 42:18

Makẹni, Osolobuẹ ihiẹn ile rị okpuru ẹ, hụn wụ Chuku Izrẹlụ, sị, ‘Ụnụ jẹn alị Ijiptu, e gi m iwe-lẹ-olulu mẹshi ụnụ ikẹn kẹ m dọn mẹ ndị Jerusalẹm. M mẹgụ ụnụ ya, ụnụ e họnrin ihiẹn wẹ bụ ọnụ lẹ ihiẹn w'a sọ lẹ ihiẹn wẹ gi a bụ ọnụ, ihiẹn ifẹnrẹn. Ẹnya ụnụ ahụnkọzị alịnị.’

Jerimaya 44:6

Ya m nọ gi olulu sọn wẹ nọkẹ ọkụn. Ọ dụn alị ichẹn-ichẹn rị Juda lẹ ọgbara-ogbe rị obodo Jerusalẹm, wẹ gi nwan gba okpokoro, họnrin mkpọkọ-mkpọkọ k'o rị nwan tannị.

Jerimaya 6:11

Kanị olulu hụn rị e bu Osolobuẹ junzikwọ mmẹ nwẹn obi, nkewụnị asa m ẹka dinzi ẹ. Osolobuẹ nọ sị Jerimaya, “Hu ẹ nwan kẹ mirin kpu mmụ-ẹka rị ọgbara-ogbe, y'e hu ẹ kpu ikorọbịa ebe wẹ rị e zu; huzikwọ a kpu di lẹ nwunyẹ, y'e hudẹ ẹ kpu ndị ẹgẹdi kakpụkpọgụnị.

Jerimaya 6:12

Ụlọ wẹ jẹnkọ d'a bansọnmẹ ndị ọzọ ẹka, ya lẹ ugbo wẹ lẹ inyẹnmẹ wẹ — makẹni m k'e mẹshi ndị bi alịnị ikẹn.” Ịya kẹ Osolobuẹ ku.

Jerimaya 8:13

Osolobuẹ sị, “M k'a napụ wẹ ihiẹn-ugbo wẹ: mkpụrụ arịkọ elu vaịnị wẹ; mkpụrụ arịkọ elu osisi figi wẹ; ẹhụhụọ ile rịn'a k'e shinwụn. Wẹ k'a napụ wẹ ihiẹn m ye wẹ.”

Ẹkwan 4:11

Osolobuẹ ebuhọdụnị olulu; o hupụhagụọ okẹn-olulu ẹ. Ọ mụgụọ ọkụn ye Zayọnụ, ọkụn hụn dụnpụ a ru iyetọ a.

Izikẹlụ 22:22

Ụnụ jẹnkọ d'a rịnranpụ kẹ siliva a rịranpụ imẹ okẹn ọkụn, ogẹn hụ kẹ ụnụ k'a marịn nị mmẹ, Osolobuẹ, gi ọnụma m mẹ ụnụ ihiẹn.’ ”

Izikẹlụ 7:12

“Ogẹn e rugụọ; ụhụọhịn ahụn a bịagụọ! Hụn e ṅọnni ya aghọghọlẹ; hụn e reni ya akwanlẹ, makẹni olulu Osolobuẹ k'e kunrun ịhịan ile.

Izikẹlụ 7:14

“Opi a hangụọ nwan hụn wẹ e gi kọnrin agha, kanị onwọnni onyẹ jẹnkọ agha, makẹni e gigụọ m olulu kwọndọn alịnị.

Daniẹlụ 9:11

Izrẹlụ ile a dangụọ iwu i, gbakitọ ị azụụn, ekweni wẹ mẹ ihiẹn ị sị wẹ mẹ. “Ya kẹ ọnụ-ẹsọn lẹ ihiẹn ile Osolobuẹ kun enwẹn ẹ n'o k'e mẹ, hụn wẹ deye imẹ Iwu Mozizi wụ odibo Osolobuẹ, gi nwan hukpu ẹnyi, makẹni ẹnyi e mẹọlẹ ị njọ.

Lẹvitikọsụ 26:28

m k'e gi olulu bunụmanị ụnụ; mmẹ lẹ enwẹn m k'e ye ụnụ afụnfụn njọ ụnụ mmagi-mmagi, ụzọ ẹsa.

Nahum 1:6

Ọ kpọma ọnụma, onyẹ k'a saẹka turu? Onyẹ k'a saẹka dingbu uwowo olulu ẹ? Iwe lẹ ọnụma a e hupụha rịkẹ ọkụn — Osolobuẹ e tikpọchanrịn ọmụma.

Zẹfanaya 1:2

Osolobuẹ sị, “M jẹnkọ d'a zapụchanrịn ihiẹn ile rị elu ụwa;

Zẹfanaya 1:3

m k'e tikpọchanrịn ịhịan lẹ anụmanụ; m k'e tikpọchanrịn nnụnụ e feni lẹ azụn rị imẹ ohimin lẹ ihiẹn ndị hụ ndị njọ gi rị a kpọgburu. M k'a zapụchanrịn ịhịan elu ụwa. Ya kẹ mmẹ wụ Osolobuẹ ku.

Zẹkaraya 7:12

a kpọkinkẹnmẹ wẹ obi wẹ amamgbe w'a nụ Iwu lẹ oku ndị hụn Osolobuẹ ihiẹn ile rị okpuru ẹ gi Mmọn-nsọ a zihẹni wẹ ghahanị ndị-amụma mbụ. Ịya haịn Osolobuẹ ihiẹn ile rị okpuru ẹ gi gi okẹn iwe-lẹ-ọnụma tikpọ wẹ.

Malakaị 4:1

“Lee ẹ, nị ụhụọhịn hụ lala! O k'a nọ kẹ ọkụn rị ẹnya-mgba, ndị ile rị e mẹkarị enwẹn wẹ lẹ ndị e mẹ eje-ihiẹn a wụrụ ẹfịfịa ọkpọ-nkụn o gi dụn. Ya kẹ Osolobuẹ ihiẹn ile rị okpuru ẹ ku. Ọ latọkọnị wẹ mkpọgụn ụhụọhịn hụ, ọ latọkọnị wẹ agalaba.

Matiu 3:12

Ihiẹn o gi a fụchan ọka rị a ẹka: o k'a fụchanchanrịn ọka ile rị ebe ọ nọ a kụkpọ ọka a, kpọnrin ọka a ile ye ebe o butọ ọka, kpọn ẹfịfịa ọka che imẹ ọkụn hụ ghalẹni e tinyụn.”

Rẹvẹleshọnụ 14:10

o k'a ra manya ahụn wụ iwe-lẹ-ọnụma Osolobuẹ hụn Osolobuẹ gburọlẹni, o k'e gi mkpu iwe-lẹ-ọnụma a ye wẹ ya. Wẹ k'e gi ọkụn lẹ nsịn-ẹnyanwụn ye wẹ eje-afụnfụn idẹnya ndị mmọn-ozi rị nsọ lẹ idẹnya Nwa-ebulu hụ;