Jerimaya 7:18 - Ika

¹⁸ Ụmụẹka kpashimẹ ọkụn, ndị nẹdi wẹ a mụye ọkụn, ikpoho e shi ihiẹn-oriri wẹ gi a rụa mmọn wẹ w'a kpọ ‘Eze-okpoho Elu-igwee.’ Wẹ hụ a tụ manya e yeni mmọn ichẹn-ichẹn, e gi ẹ a kpasu m iwe.

Jerimaya 7:18 Iomraidhean Croise

Ndị-nze Nke Ibuzọ 14:9

Y'e mẹkarịgụọ ndị ile buni i ụzọ eje-ihiẹn. Y'a kọmarịngụọ mmọn-lẹ-iyi, ihiẹn ndị wẹ gisọnmẹ igwe mẹmẹ; y'a kpasugụọ m iwe, gbakitọ m azụụn.

Ndị-nze Nke Ibuzọ 16:2

“Mmẹ gha imẹ uzunzun ị rị weshi i elu, tumẹ i n'ị kị ndị nke m wụ Izrẹlụ ndị rị azụụnnị. Kanị y'e sọnmẹ nzọmụkụ Jerobụam, dọ ndị nke m wụ Izrẹlụ ye imẹ njọ, e gi wẹ njọ wẹ kpasu m iwe.

Ẹbụ-ọma 16:4

Ndị rị e fe ihiẹn ọzọ gi ẹ hụ e seri nsọngbu bu ọda! Ehuyekọ m ẹdeke hụ wẹ e huyeni mmọn ndị ahụn, akpọkọdẹ m ẹfan mmọn ndị ahụn.

Azaya 3:8

Jerusalẹm rị a kpọgburu; Juda ile rị a dan; makẹ oku-ọnụ wẹ gi e sọn Osolobuẹ lẹ eje-omumẹ wẹ rị e mẹsọn ẹ, e nupụ isi okpuru ẹ, ọsụọn'a nị ọ hụ imẹ igunrun wẹ, e legha wẹ.

Azaya 57:6

Ọmụma riẹnni hụn jun ọdanmgbugbu iyi udu-mirin kẹ ụnụ gi dọn ẹnya; uwẹ kẹ ụnụ hanrịn. Ẹghẹẹ, ụnụ hụ e huyeni wẹ oyiye-manya e ye wẹ oyiye-ọka. Nị m hụngụ ihiẹn ndịnị ile etikpọnị m ụnụ?

Azaya 65:11

Kanị, ụnụ ile hụn gbakitọ Osolobuẹ azụụn, zọchanrịn ofufe ụnụ e fe m Ugu nsọ m; ụnụ ile hụn e fe Isi-ẹwẹrẹ, e butọn'a ihiẹn-oriri, e fe Okeri, e hugbaman'a manya, e mẹjunn'ẹ mkpu;

Azaya 65:3

ndịnị hụn a kpasu m iwe elee-m, elee-i, ghahanị ese w'a kwasọnmẹ imẹ ugbo-nta wẹ, a mụ nsẹnsi elu ukpo ụrụa ndị hụ;

Jerimaya 1:16

M k'a hangbu ndị nke m eṅẹn makẹ ihiẹn jọgbu enwẹn ẹ wẹ mẹ ebe wẹ nọ gbakitọ m azụụn ebe wẹ nọ mụyeni mmọn nsẹnsi, ebe wẹ nọ fe ihiẹn ẹka wẹ mẹmẹ.

Jerimaya 11:17

Osolobuẹ ihiẹn ile rị okpuru ẹ, hụn kụnn'ị e kugụọ a nwan nị okẹn-ihiẹn k'e mẹ i, makẹni ụnụ ndị Izrẹlụ lẹ Juda e mẹgụọ eje-ihiẹn, kpasu m iwe yeni nsẹnsi ụnụ rị a mụyeni mmọn wụ Baalụ.

Jerimaya 17:2

Kẹ ụmụ wẹ ara zọdẹ ijẹn ukpo nchụn-ẹjan lẹ osisi mmọn Ashẹra wẹ hụn rịsọnmẹ ukun osisi ile duni lẹ elu òke ile jẹn elu.

Jerimaya 19:13

Ụlọ ndị rị Jerusalẹm lẹ obi-eze ndị-nze Juda jẹnkọ d'a rụ nọkẹ Tofẹtị ebeni, ụlọ ile wẹ nọ elu wẹ chụnyesọnmẹni ihiẹn ile rị igwere ẹjan nsẹnsi, nọ elu wẹ huyesọnmẹni mmọn ndị ọzọ manya.’ ”

Jerimaya 25:7

Osolobuẹ sị, “Kanị, ụnụ egọnni m ntịn. Ụnụ e gigụọ ihiẹn ẹka ụnụ rụn kpasu m iwe. Ụnụ a dọhagụọnị enwẹn ụnụ eje-ihiẹn.”

Jerimaya 32:29

Ndị Babilọnụnị rị ụsụọ a maye obodoni ọgụn jẹnkọ nwan d'a banhan imẹ ẹ. Wẹ k'a mụ ọkụn ye ẹ, kpọ a ọkụn — ya lẹ ụlọ ndị rịn'a hụn ndị obodoni nọ elu wẹ mụye ni mmọn wụ Baalụ nsẹnsi, tụyesọnmẹni mmọn ichẹn-ichẹn manya, hụn wẹ gisọnmẹ kpasu m iwe.”

Jerimaya 44:25

Osolobuẹ ihiẹn ile rị okpuru ẹ hụn wụ Chuku Izrẹlụ, sị: ụnụ lẹ inyẹnmẹ ụnụ e kugụọ a ọnụ, mẹ ẹ ẹka, ebe ụnụ nọ sị, ‘Ẹnyi sikọ d'e mẹrịrị nkwa ẹnyi kwe Eze-okpoho Elu-igwee: ẹnyi k'a mụyen'ẹ nsẹnsi, tụyen'ẹ manya.’ Dikẹnmẹ ni nwan! Mẹmẹ ni nwan nkwa ụnụ kwe! Mẹsọnmẹ ni ihiẹn hụ ụnụ kwe nkwa a!

Jerimaya 44:4

E zisọnmẹ m idibo m wụ ndị-amụma d'a gwa ụnụ oku. Wẹ nọ gbasọnmẹ ụnụ mkpịnsịn-ẹka ẹnya, a sị ụnụ, ‘Emẹzilẹ ni arụnị e ze m ize!’

Jerimaya 7:17

Y'a rị a hụn ihiẹn wẹ rị e mẹ imẹ obodo ile rị alị Juda lẹ ọgbara-ogbe ile rị Jerusalẹm?

Ẹkwan 5:13

Ikorọbịa hụ a tagbu enwẹn wẹ afụnfụn ebe wẹ n'a kwọnị ndị gini ẹnyi ihiẹn; mmụna-ikẹnnyẹ hụ a dangbuhunmẹ yeni ibu nkụn rị a nyingbuni wẹ.

Izikẹlụ 16:26

Y'e bu ẹhụ ị ye ndị Ijiptu lekẹ ịgbaraja, ndị ahụn bikunmẹni i ihiẹn a lagbu ẹnya; ị hụ e gi ịgbaraja ị a kpasu m iwe.

Izikẹlụ 20:28

e webanhan m wẹ imẹ alị ahụn m kun enwẹn m kwe wẹ nkwa, wẹ nọ kwama ese elu òke ọwụlẹ wẹ hụn n'o jẹn elu lẹ ukun osisi ọwụlẹ duni, e gi ẹjan ndị hụ a kpasu m iwe; a mụyeni mmọn nsẹnsi, e hu manya wẹ e yeni wẹ.

Izikẹlụ 8:16

Ọ nọ nwan wẹhẹ m ihun-ezi rịchanrịn imẹ hụn rị Ụlọ-nsọ Osolobuẹ: e lee ihiẹn nọkẹ madụ isẹn kwasị ọgụn rị ihun Ụlọ-NSỌ Osolobuẹ ebẹhụ e fe ẹnyanwụn!! Wẹ rị ẹgbata ẹtu-ụlọ rị ebẹhụ lẹ ukpo nchụn-ẹjan Osolobuẹ! Wẹ ile bu azụụn zinmẹ Ụlọ-NSỌ Osolobuẹ, bu ihun zinmẹ ẹbamịn ọwụwa ẹnyanwụn, a kụnị ẹnyanwụn isi alị!

Izikẹlụ 8:17

Ọ nọ sị m, “Nwa-ịhịan, y'a hụn? Arụ ndịnị ile ndị Juda rị e mẹ ebeni e hini nwan? Wẹ hụzịdẹ e gizi egbu-lẹ-egbu mẹjun alịnị ile, e mẹsọnmẹ ihiẹn we gi a kpasu m iwe? Enwẹn wẹ kẹ wẹ rị a kpa nsịn e ye ọnụ — ẹlẹ mmẹ!

Ndị Kọrẹntị Ibuzọ 10:22

Ẹnyi rịdẹ nwan e mẹ nị ẹnya fụma Osolobuẹ ra?! Ịyụ ka Osolobuẹ e ze?

Ditrọnọmi 32:16

E gi wẹ ife mmọn-lẹ-iyi mẹ ẹnya fụma a, gi ihiẹn ndị ahụn rụnị wẹ kpụ kpasu ẹ iwe.

Ditrọnọmi 32:21

E gigụọ wẹ ihiẹn ahụn wụlẹni Chuku mẹ ẹnya fụma m, gi ihiẹn nwọnlẹni isi wẹ kpụ kpasu m iwe. M k'e gi ndị wụlẹni ihiẹn ọwụlẹ mẹ ẹnya fụma wẹ; m k'e gi alị nwọnlẹni nghọta kpasu wẹ iwe.

Ditrọnọmi 4:19

Ụnụ lekwọ ẹnya elu-igwere, hụn ẹnyanwụn lẹ ifọn lẹ kokisẹ, ihiẹn ile rị igwere, anịkwọlẹni wẹ chanban ụnụ ẹnya, ụnụ a kpọma nị wẹ isi alị, femẹ ihiẹn-okike mmaka ndị ahụn Osolobuẹ wụ Chuku ụnụ ketọnị ụwa ile.