Jerimaya 7:10 - Ika

¹⁰ Ụnụ mẹgụ, ụnụ a bịazị d'e wuzo ihun m imẹ ụlọnị rị a za ẹfan m, a sị, ‘Ihiẹn emẹkọ ẹnyi!’ Ụnụ rịdẹ nwan e ro nị ezioku-ezioku ihiẹn emẹkọ ụnụ ebe ụnụ rị e mẹsọnmẹ arụ ndịnị ile ra?

Jerimaya 7:10 Iomraidhean Croise

Ndị-nze Nke Ibuzọ 9:3

Osolobuẹ nọ sị a: “A nụgụọ m ekpere lẹ arịrịọ i gi bịa ihun m; e dọngụọ m Ụlọ-nsọnị ị tụn nsọ ghahanị imẹ Ẹfan m rịferi ẹ. Ẹnya m lẹ obi m jẹnkọ d'a rịferi ebẹhụ.

Ndị-nze Nke Ẹbụọ 21:4

Ọ tụnghọdẹ ukpo wẹ nọ a chụnnị mmọn ẹjan ye imẹ Ụlọ-nsọ Osolobuẹ, ebe nwẹn Osolobuẹ ku oku ẹ, sị, “Imẹ Jerusalẹm kẹ m k'e buche Ẹfan m.”

Ihiẹn Mẹni Nke Ẹbụọ 33:4

Ọ rụnsọnmẹ ukpo nchụn-ẹjan ye Ụlọ-nsọ Osolobuẹ, Ụlọ-nsọ nwẹn Osolobuẹ ku oku ẹ, sị, “Ẹfan m k'a rịsọnmẹ Jerusalẹm.”

Ihiẹn Mẹni Nke Ẹbụọ 33:7

O bu mmọn ọ tụ che imẹ Ụlọ-nsọ Chuku, ebe nwẹn Chuku ku oku ẹ, sị Defidi lẹ Solomọnụ nwa a, “Imẹ Ụlọ-nsọnị lẹ imẹ Jerusalẹm hụn m họrị imẹ ebọn Izrẹlụ ile kẹ m k'e buche Ẹfan m jẹnrin ejẹn.

Itẹn 15:8

Ẹjan onyẹ eje-omumẹ chụn wụ arụ ẹnya Osolobuẹ, kanị ekpere mmaka ndị ezi-omumẹ mẹ, a sụọ Osolobuẹ ụsụọ.

Azaya 48:2

ụnụ ndị a kpọ enwẹn ụnụ ụmụ-di-alị Obodo nsọ wụ Jerusalẹm, a sị nị Chuku Izrẹlụ kẹ ụnụ gi dọn ẹnya — Onyẹ ẹfan a wụ Osolobuẹ ihiẹn ile rị okpuru ẹ!

Jerimaya 32:34

“A kọmadẹ wẹ mmọn wẹ ndị ahụn, ihiẹn ndị ahụn m'a sọ, ye imẹ ụlọ ahụn rị a za ẹfan m, gi wẹ mẹrụ a.

Jerimaya 34:15

“O ru nwan ẹgbatanị, ụnụ nọ bihutọ ẹka, mẹ ihiẹn rị mma ẹnya m. Onyẹ-onyẹ imẹ ụnụ nọ sị igbọn ẹ weri enwẹn ẹ lẹ ihiẹn ẹ. Ụnụ nọdẹ nọ ihun m, imẹ ụlọ-nsọ m hụn rị a za Ẹfan m, kun Ẹfan m nị ụnụ jẹnkọ d'e mẹ ẹ.

Jerimaya 44:9

Ụnụ a zọgụọdẹ eje-ihiẹn ile ndị nẹdi ụnụ lẹ ndị-nze Juda lẹ inyẹnmẹ wẹ mẹsọnmẹ? Ra ụnụ a zọgụọ eje-ihiẹn ụnụ lẹ inyẹnmẹ ụnụ mẹsọnmẹ imẹ alị Juda lẹ ọgbara-ogbe Jerusalẹm?

Jerimaya 7:11

“Ụlọnị rị a za ẹfan m e họnringụọ ebe ndị ohin a hụarị? Lee ni ẹnya, m hụkwọ a hụn ihiẹn ụnụ rị e mẹ! “Ya kẹ Osolobuẹ ku.

Jerimaya 7:14

Ihiẹn m mẹ Shilo kẹ m jẹnkọ nwan d'e mẹ ụlọ hụ rị nwan a za ẹfan m, ụlọ-nsọ ahụn ụnụ gi e dọn ẹnya, ya lẹ alịnị m ye ụnụ lẹ ndị nẹdi ụnụ.

Jerimaya 7:30

“Osolobuẹ: Ndị Juda e mẹgụọ ihiẹn rịlẹni mma ẹnya m. A kọmagụọ wẹ mmọn ndị ahụn rụnị ye imẹ ụlọ hụn a za ẹfan m, mẹrụ a.

Izikẹlụ 20:39

“Ụnụ ndị Izrẹlụ, Osolobuẹ Nwọn Ihiẹn Ile sị: Jẹnmẹkwọ nị d'e femẹ mmọn ụnụ — onyẹ lẹ mmọn a, onyẹ lẹ mmọn a! Kanị, omẹgụ, ụnụ k'e gọnrịrị m ntịn, ụnụ egikọzị mmọn ụnụ ndị hụ lẹ oyiye ụnụ e ye wẹ budan ẹfan m rị nsọ.

Izikẹlụ 23:29

Wẹ k'e gi iwe i rị e weni wẹ mẹshi i ikẹn, kpọnrinchanrịn ihiẹn i ile. Wẹ k'a gbama ị ọtọ, gbama ị ẹka, eje-obibi i lẹ ịgbaraja ị a wa.

Izikẹlụ 23:37

A zọgụọ wẹ ụkụ ye ọfịa; ẹdeke rịzịkwọ wẹ ẹka: ụkụ wẹ zọye ọfịa wụ ife-mmọn; ẹdeke rị wẹ ẹka wụ ẹdeke ụmụ wẹ wẹ gbuni mmọn.

Izikẹlụ 23:39

Kẹ wẹ gbugụnị mmọn wẹ ụmụ wẹ ụhụọhịn hụ, e shi wẹ imẹ Ụlọ-nsọ m, mẹrụ a. Ihiẹnni kẹ wẹ mẹdẹ imẹ Ụlọ m!

Izikẹlụ 33:25

Sị wẹ nwan nị Osolobuẹ Nwọn Ihiẹn Ile sị, ‘Ụnụ hụ e ri ẹdeke anụ, e fe mmọn, e gbu ịhịan, nanị ụnụ e dọn nwan nwọnrin alị hụ?

Izikẹlụ 33:31

Ndị nke m hụ a bịa d'e kunrun i kẹ wẹ dọn a bịa, a nọdị ihun i, e gọn ntịn oku i, kanị a rị wẹ e mẹ ihiẹn wẹ rị a nụ. E nwọnkẹ wẹ ọnụ-ọma, kanị wẹ hụkwọ a chọ nke wẹ nke wẹ.

Izikẹlụ 5:11

“ ‘Mmẹ, Osolobuẹ nwọn ihiẹn ile rị nwan e kun enwẹn m, a sị ị nị ebe o mẹni y'e gigụọ mmọn ndị hụ ile rụnị ị kpụ lẹ arụ ile ị rị e mẹ mẹrụ Ụlọ-nsọ m, mmẹ lẹ enwẹn k'a kpụnpụ ị ntutu; elekọ m'ị ẹnya ihun, emẹkọnị m'ị omikẹn.

Daniẹlụ 9:18

Chuku, dodo, gọn ntịn n'ị nụ; lee ẹnya n'ị hụn kẹ obodo hụn rị a za Ẹfan ị mẹ nwan mkpọkọ-mkpọkọ. Ẹlẹni ẹnyi wụ ndị ezi-omumẹ haịn ẹnyi gi a rịọ ị, kanị ufiri okẹn omikẹn i.

Hosia 6:9

Kẹ ndị ohin dọn e chekin ịhịan ụzọ ẹrịra kẹ ndị nchụn-ẹjan e mẹ nwan; wẹ rị nwan e gbu ọchụn ụzọ Shẹkẹm, e mẹ eje-ihiẹn e mẹ ifẹnrẹn!

Emọsụ 4:5

E wẹhẹkwọ nị brẹdi wẹ buche yisti ụnụ gi e ye ekele! E ye ni oyiye gha ụnụ obi pụha, a gwa ịhịan ile ya. E mẹchanrịnnị wẹ ile, ndị Izrẹlụ Ẹbamịn-ugu makẹni ịya wụ ihiẹn a sụọnị ụnụ!” Ya kẹ Osolobuẹ nwọn ihiẹn ile ku.

Zẹfanaya 1:5

M k'e gbuchanrịn ndị ile a nọ elu ụlọ wẹ a rụa kokisẹ, ifọn lẹ ẹnyanwụn; ndị a kụnị Osolobuẹ isi alị e kun Osolobuẹ, e kunzikwọ mmọn wụ Molẹkị,

Malakaị 3:15

Ụnụ a sịzị nị ‘Ndị e mẹkarị enwẹn wẹ kẹ w'a ja mma, ndị eje-ịhịan nwọn nwan a gbọrị; wẹ hụzịd'a chọ ihiẹn rị Osolobuẹ ọnụ, onwọnni ihiẹn e mẹni wẹ.’ ”

Matiu 23:13

“Kanị nsọngbu rị e che ụnụ ndị-nkuzi Iwu lẹ ndị Itu-Farisi, ndị ihunnaị! Makẹni ụnụ a kpọkin ụzọ Alị-eze elu-igwee: ụnụ abanyeni, ụnụ eyekọ ndị chọ nị wẹ banye efe banye.

Jọnụ 13:18

“Ẹlẹ ụnụ ile kẹ m rị e ku, n'a marịnghọ m ndị m họrị. Kanị, ihiẹn Ẹkụkwọ-nsọ ku, nị ‘Onyẹ ri ihiẹn-oriri m e bugụọ nụmanị m’, k'a bụnrịrị.

Jọnụ 18:28

Ụzụtụntụn biribiri, wẹ nọ gha iwe Kayafasị weri Jizọsị shi ọgwa Gọvanọ rị a kịnị. Kanị, abanyeni wẹ imẹ ọgwa hụ, makẹni achọnị wẹ nị wẹ mẹrụ enwẹn wẹ, kẹni wẹ hụn ụzọ ri Oriri-nghafe hụ.