Jerimaya 6:28 - Ika

²⁸ Wẹ ile wụ ndị nnupụ-isi hụn obi wẹ ze, hụn a ghahunmẹ e kuja oku ịhịan. Igwe-bronzu lẹ ọmụma kẹ wẹ wụ; onwọnni onyẹ gi ezioku e bi.

Jerimaya 6:28 Iomraidhean Croise

Ẹbụ-ọma 14:1

Ẹwobi sị enwẹn ẹ, “Chuku arị.” A rụgụọ wẹ; ihiẹn rụnị kẹ wẹ e mẹ. Onwọnni onyẹ e mẹ ihiẹn rị mma.

Ẹbụ-ọma 50:20

Ụnụ hụ e kuja oku ndị nke ụnụ, e kujadẹ oku onyẹ ụnụ lẹ ịya wụ nnẹ ohu!

Itẹn 10:18

Onyẹ zuemẹ iwe rị a ẹfọ, oku-ọnụ a wụ ntụ-ntụ; onyẹ a ghahunmẹ e kuja oku ịhịan wụ onyẹ-nzuzu.

Azaya 31:6

“Euu ndị Izrẹlụ, kin ni nwan azụụn buru Osolobuẹ, ọ sụọn'a nị ụnụ e gigụọ nnupụ-isi ụnụ mẹ ẹ njọ ọda-ọda.

Jerimaya 18:18

O nwọn ndị sị, “Bịa nị, nị ẹnyi chọ ihiẹn ẹnyi e mẹ Jerimaya, makẹni, ẹnyi e nwọnghọ ndị nchụn-ẹjan a kuzi ẹnyi Iwu lẹ ndị marịn ihiẹn hụn a dụn ẹnyi ọdụn lẹ ndị-amụma e ku ọnụ Osolobuẹ. Pụha nị, nị ẹnyi gi ọnụ gbu ẹ; nị ẹnyi gọnbehi ni ntịn ihiẹn ọ rị e ku!”

Jerimaya 20:10

M hụ a nụ kẹ ndị bu ọda rị a ka-ụka: a kpọ m ‘Ihiẹn-egun E Jun Azụụn ile!’ A sị ‘Kpe n'ẹ! Nị ẹnyi kpe n'ẹ!’ Ndị ile m kpọ ndị ọwụ m hụzịdẹ nwan e che nị m dan. Wẹ hụ a sị, ‘Ikẹnkwọ nị ẹnyi s'ẹka rẹrẹrị a — ẹka ẹnyi a karị nke ẹ, ẹnyi a hụn ụzọ mẹgwarị a.’

Jerimaya 5:23

Kanị, ndịnị wụ ndị isi-ikẹn, obi wẹ zegbu enwẹn ẹ; a kpahugụọ wẹ, jẹnmẹ nke wẹ.

Jerimaya 6:30

Siliva wẹ jụ kẹ w'a kpọ wẹ, makẹni Osolobuẹ a jụgụọ wẹ.”

Jerimaya 7:28

Sị wẹ nwan: Ọnwan wụ alị hụn jụ n'o mẹkọ ihiẹn Osolobuẹ wụ Chuku wẹ sị wẹ mẹ; ihiẹn ile o mẹ wẹ, egini w'ẹ bihutọ ẹka. Ezioku a lagụọ, ọ rịzịdẹ wẹ ụgb'ọnụ.

Jerimaya 9:3

Osolobuẹ sị, “Wẹ e bu ire wẹ e zinmẹ lekẹ ụta — ntụ hụ a tụpụha lekẹ ọbara-ụta; arị wẹ e gi ezioku a wụrụ okẹn-ịhịan wẹ rị a wụ imẹ alịnị. Wẹ hụ e mẹsọnmẹ njọ; amarịn wẹ m.

Jerimaya 9:4

“Kpachanpụkwọnị ndị ọwụ ẹnya; egidẹlẹ umunẹ i dọn ẹnya. Makẹni nwẹnẹ hụ e mẹgbu nwẹnẹ ẹ, ọwụ hụ e kuja oku ọwụ a.

Izikẹlụ 2:7

Ị k'a gwarịrị wẹ ihiẹn m ku, wẹ gọn ntịn egọnni wẹ, makẹni ndị nnupụ-isi kẹ wẹ wụ.

Izikẹlụ 24:13

“ ‘Ẹnwụnrụn ị tụ wụ eje-obibi i. Ebe o mẹni a chanchangụọ m'ị, kanị unyin i apụnị, y'e nwunchankọzị d'e ru n'e mẹgụ m'ị ihiẹn kẹ olulu m han.

Lẹvitikọsụ 14:43

“Omẹni mbu hụ a pụhazị ebe wẹ wepụgụ blọkụ ndị hụ, kọchanpụgụ ụlọ hụ tedọnzi,

Lẹvitikọsụ 19:16

Awụlẹ onyẹ a talọ ịhịan imẹ igunrun ụnụ. “Agbalẹ nkịtịn ebe ọnwụn n'a kpọ ibe i ihun. Mmẹ wụ Osolobuẹ.

Rẹvẹleshọnụ 11:18

Alị ile e te kpọghọ ọnụma; kanị y'e gigụọ iwe-lẹ-ọnụma ị mẹ wẹ ihiẹn. Ogẹn y'e gi kin ndị nwụnhụnnị ikpe e rugụọ. Ogẹn y'e gi kụ idibo i ụgwọ e rugụọ nwan — idibo i ndị-amụma — lẹ ndị-nsọ lẹ ndị a tụ egun i — kẹ ndị uku kẹ ndị nta. Ogẹn y'e gi tikpọ ndị rị e tikpọ ụwa e rugụọzị!”

Rẹvẹleshọnụ 19:2

makẹni ọ han ezigbo eṅẹn furuni; O yeọlẹ okẹn ịgbaraja hụ afụnfụn ta ịgbaraja hụ gi ughẹrẹ ẹ wiwi ndị rị ụwa. O gbugwarịgụọ a ogbugbu o gbu idibo Osolobuẹ.”