Jerimaya 6:26 - Ika

²⁶ “Heuu, ndị nke m, yiri ni ẹkwa-achọ, ụnụ e kperemẹ imẹ ntụn; kwan nị ụya kẹ onyẹ akpụ nwa-okẹnnyẹ ohu nwụnnahịn, makẹni onyẹ e tikpọnị lala idẹnmizi d'e tikpọ ẹnyi!”

Jerimaya 6:26 Iomraidhean Croise

Jẹnẹsisi 21:16

Ya nwẹn nọ pụ ebẹhụ, shi ebe tekarị ebe ụta e ru d'a nọdị alị, ọ sị enwẹn ẹ, “Asa m ẹka e lee nwatanị ọ hụ a nwụn.” Ọ nọ gha ebẹhụ ọ rị azụụn hụn ẹbọ kwanshi ẹkwan elu.

Jobu 15:21

Ụzụn e rọn egun kẹ ntịn a a nụ; ihiẹn mẹmẹ nọkẹ sị ọ rịchanrịngụọ mma, onyẹ e tikpọnị a maye ẹ.

Jobu 2:8

Ya Jobu nọ gwọrị imẹ ikpọn-ntụn nke onyẹ ihiẹn mẹ, gi mpekele ite a kọ ẹhụ a.

Azaya 22:12

Osolobuẹ, Onyẹ hụn nwọn ikẹn ile, a kpọghọ ọnụ oku ogẹn ahụn, sị ụnụ kwanma ẹkwan, gomẹ, sị ụnụ kọpụ ntutu rị ụnụ isi, yiri ẹkwa-achọ.

Azaya 22:4

Ya haịn m gi a sị, “Pụ nị nị m; nị m kwan, kwangbu enwẹn m. Arọkọlẹ ni m obi kaka — nị e tikpọgụọ wẹ ndị nke m.”

Azaya 3:24

Hụn nkẹ w'e gi kun fuẹin, wẹ k'e shinja; ẹgbụn k'a nọkin ẹnya nfifie wẹ; isi-akpan k'a nọkin ẹnya ntutu wẹ te dọnmẹ ọhụnma; ẹkwa-achọ k'a nọkin ẹnya ẹwuru rị mma; ahịma w'e ye igbọn k'a nọkin ẹnya mma-ẹhụ wẹ.

Azaya 30:13

njọnị jẹnkọ d'e mẹ ụnụ kẹ mgbọn jẹn elu gbawanị hụn rị a ṅanpụnị, hụn e ziẹntu idẹnmizi, njụbe ẹnya ohu —

Azaya 32:11

Ikpoho ndịnị enwẹn wẹ jun ẹfọ, tụkwọ nị egun! Sọngbumẹkwọ nị enwẹn ụnụ, ụmụ nwọnlẹni ihiẹn e sọngbuni wẹ; yipụkwọ nị ẹwuru rị mma lẹ ihiẹn-mma ụnụ, ụnụ e jeri hụn wẹ gi a kwan ẹkwan, kwanma, makẹni okẹn nsọngbu rị!

Jerimaya 12:12

Kẹ elu ugu lẹ òke rị imẹ atụ, ndị lala d'e tikpọ alịnị k'e jun wẹ, makẹni uwẹ wụ ọpịa Osolobuẹ hụn k'e gburi ndị alịnị gha isini d'e ru isini; onwọnni onyẹ k'a hụn isi wanahịn.

Jerimaya 13:17

Kanị, omẹni ụnụ egọnni ntịn, ya wụ nị m k'e zueri a kwan ẹkwan-ẹkwan, makẹ mpache ụnụ; ẹnya m k'a chansọnmẹ, ẹnya-mirin m e huru — makẹni wẹ jẹnkọ d'a kpụnrụn igunrun atụnrụn Osolobuẹ.

Jerimaya 14:17

Lee ihiẹn i k'a gwa wẹ: Ẹnya-mirin ẹnya-mirin kẹ m'a kwan uhinhin lẹ efinnaị; makẹni nwagbọọ wụ alị m a rụgụọ eje-ẹhụ, a dụgụọ w'a eje-ịkpa.

Jerimaya 15:8

M k'e mẹ ikpoho wẹ di nwụnnahịn barahị, a karị wẹ ẹjan rị mkpẹnrẹn ohimin ọda. M k'e gi efinaị wẹhẹ onyẹ e tikpọnị d'e wiwi ndị nnẹ mụ ikorọbịa wẹ ihiẹn; e hukpu m wẹ eje-ihiẹn idẹnmuzi — hụn k'a fụgbu wẹ, tụgbu wẹ egun.

Jerimaya 18:22

Ẹkwan ya rị iwe wẹ, ogẹn y'e gi zi wẹ d'a maye wẹ idẹnmizi. Makẹni e gutọgụọ wẹ olu w'e gi nwụndọn m, kpọtọsọnmẹ ọnyan kẹni m zọye ụkụ.

Jerimaya 30:5

“Osolobuẹ sị: ‘Oro egun kẹ wẹ rị a nụ. Oro okẹn egun; obi eruni ịhịan alị.

Jerimaya 4:11

O ru ogẹn ahụn, wẹ k'a sị ndịnị lẹ Jerusalẹm: “Ufere rị a nụ ọkụn k'a ghasọnmẹ ebe jẹn elu imẹ atụ fehẹ ebe ndị nke m rị, kanị ẹlẹkwọ hụn k'a fụchannị wẹ ọka mọbụ mẹ wẹ nwunchan,

Jerimaya 4:20

Ntikpọ hụ a bịa, ọbịbịa-ọbịbịa; alịnị ile e mẹ mkpọkọ-mkpọkọ. Imẹ njube-ẹnya ohu e tikpọchanrịn wẹ ụlọ m ile, imẹ njube-ẹnya ohu e tikpọ wẹ ebe m'e butọ isi.

Jerimaya 4:8

Yiri ni nwan ẹkwa-achọ kwanma ụya, a kwan nị, e goo ni, makẹni okẹn olulu Osolobuẹ gi e sọn ẹnyi eke rọ.

Jerimaya 6:14

Wẹ hụ a zụọ ndị nke m rụ eje-ẹhụ nọkẹ sị arụkanị wẹ ẹhụ: a sị, ‘Nsọngbu arịa! Nsọngbu arịa!’ bụ nsọngbu e jun.

Jerimaya 8:19

Lee ihiẹn ndị nke m rị a kwan ẹkwan imẹ alịnị ile: ‘Osolobuẹ arịzịdẹ nwan Zayọnụ ra? Osolobuẹ Eze Zayọnụ arịzị ebahụn?’ ” Osolobuẹ nkẹ sị, “Kị wẹ gini nwan ihiẹn ndịnị wẹ kpụ kpasu m iwe — ya lẹ mmọn alị ndị-ọzọ nwọnlẹni isi wẹ kpụsọnmẹ?”

Jerimaya 8:21

Jerimaya sị, “Ndụn a gụ m makẹ ihiẹn rị e mẹ ndị nke m; m hụ a kwan a kwangbu enwẹn m.

Jerimaya 9:1

K'ọ rị m, isi m ile wụ iyi-iyi; k'o furu, ẹnya m wụ isi-mirin ẹnya-mirin! Nkẹ m hụ a kwan ẹkwan uhinhin lẹ efinnaị, a kwan ndị nke m wẹ gbu.

Jerimaya 9:10

Mmẹ wụ Jerimaya sị, “M k'a kwan ẹkwan elu ugu, e goo m; a bụ m ẹbụ, a kwan ọfịa wiwisọnmẹni hụn anụ te nọsọnmẹ a kpa nni imẹ atụ — makẹni wẹ ile a gbagụọ okpokoro, onwọnzini onyẹ a gha ebẹhụ; w'a ra nụzị olu anụ imẹ wẹ; kẹ nnụnụ kẹ anụ-ọfịa a gbachanrịngụọ a tọ.”

Ẹkwan 1:16

Ihiẹn ndịnị kẹ m rị a kwannị, ẹnya-mirin gi e jun m ẹnya. Onwọnni onyẹ a nọkunmẹni m n'ọ hụhụ m, enwọn m onyẹ e mẹ ndụn banzị m. Ụya rị nwan e ri ụmụ m makẹni eṅẹnrẹn e mẹrigụọ.

Ẹkwan 1:2

Ọ hụ a kwan ntan a kwan-imọn imẹ uhinhin, ẹnya-mirin e jun ẹ nti. Imẹ ndị ile ya lẹ wẹ gba a sụọ, onwọnni hụn a hụhụn'a. Ndị ọwụ a ile e regụọ a; e họnringụọ wẹ ndị-iṅẹnrẹn ẹ!

Ẹkwan 2:11

Ẹnya e d'a kpọhị m m gi a kwan ẹkwan, obi eruni m alị kaka, obi e dẹnhingụọ m makẹni e gbuchanrịngụọ wẹ ndị nke m, makẹni ụmụ-ẹka lẹ ndị wẹ pa ẹka rị a sọhịtọ ọgbara-ogbe imẹ obodo.

Ẹkwan 3:16

O gigụọ m ọnụ kikin akpụrụ-iyi rị alị, tikwọnpụ m eze; ọ zọgụọ m limẹni alị.

Ẹkwan 3:48

Ẹnya-mirin m e huru kẹ iyi, makẹni e tikpọgụọ wẹ ndị nke m.

Ẹkwan 4:10

Ikpoho ẹgozizi e mẹ gidẹ ẹka wẹ shi ụmụ ẹfọ wẹ, gi wẹ họnrin ihiẹn-oriri ogẹn ahụn wẹ gi tikpọ ndị nke m.

Ẹkwan 4:3

Eje-anụ wụ jakalụ e yedẹ ụmụ a ẹran, kanị ẹfọ a jọgbu ikpoho ẹnyi — nọkẹ nnụnụ ọstrichi rị alị ọkpọ-nkụn.

Ẹkwan 4:6

Afụnfụn wẹ ye ndị nke ẹnyi, ka nwan hụn wẹ ye ndị Sodọm — hụn wẹ tikpọpụ ozigbo-ozigbo onwọnni onyẹ bịa d'e yen'ẹ ẹka.

Emọsụ 8:10

M k'a napụ ụnụ oriri ụnụ, ye ụnụ ẹkwan, napụ m ụnụ ẹbụ, ye ụnụ ịkwan-ụya. M k'e mẹ ụnụ ile yirisọnmẹ ẹkwa-achọ, mẹ ụnụ ile kpụnpụ ntutu. M k'e mẹ ẹ n'ọ rịkẹ ebe wẹ rị a kwan akpụ nwa-okẹnnyẹ ohu; eje-ogẹn e lu ilu k'o k'a wụ!”

Jona 3:6

Makẹni, ogẹn eze Ninivẹ gi nụ ihiẹnni, ọ gha ukpo-eze ẹ lihi ọtọ, yipụ ẹwuru-nze, yiri ẹkwa-achọ, dịnọ ikpọn ntụn.

Zẹkaraya 12:10

M k'e hu mmọn omikẹn lẹ arịrịọ ye ebọn eze-Defidi lẹ ndị bi Jerusalẹm obi, nke wụnị, wẹ k'e lee m ẹnya, onyẹ hụn wẹ dụn ihiẹn, a kwannị w'a ẹkwan kẹ ịhịan a kwan akpụ nwa ohu ọ mụ; wẹ k'a kwangbu enwẹn wẹ nọkẹ onyẹ okẹnnyẹ ibuzọ a nwụnnahịn.

Luku 7:12

Ogẹn o gi rumẹ ọnụ-mgbọn obodo hụ, e lee ozun wẹ bupụkọ d'e li. Okpoho di ẹ nwụn kẹ wẹ bupụkọzị nwan akpụ okẹnnyẹ ohu ọ mụ d'e li. Igunrun ịhịan gha imẹ obodo hụ sọnkọ okpoho hụ.

Jemisi 4:9

Goo ni! Kwan nị! Kwan nị ẹnya-mirin! Gi ni ẹkwan nọkin ẹnya ẹmụ ụnụ, ụnụ a la ịghọghọ tọ, rọnmẹ ihun!

Jemisi 5:1

Ndị-ịdanfịn, gọn ni ntịn: kwanma nị ẹkwan, e goo, yeni nsọngbu hụn rị e kunrunni ụnụ!