Jerimaya 6:22 - Ika

²² Osolobuẹ sị, “O nwọn okẹn alị lalanị: okẹn alị hụn rị ẹbamịn-ugu; okẹn alị ohu rị a kwademẹ, alị hụn rị ebe ụwa ru.

Jerimaya 6:22 Iomraidhean Croise

Nehemiah 1:9

kanị, ụnụ kinhẹn d'e kunrunzi m, dọnmẹmẹ iwu ndị m ye ụnụ, ọsụọn'a nị ndị nke ụnụ m chụpụ rị ebe kachanrịn e te, m sikọ d'a gha ebẹhụ kpọnlụa wẹ, e wẹhẹ m wẹ alịnị m họrị nị ịya jẹnkọ d'a za Ẹfan m.’

Jerimaya 10:22

Gọn ntịn! Ẹnyi hụ a nụ ozi, okẹn mkpọtụ ndị agha alị rị ẹbamịn-ugu! Wẹ k'e mẹ obodo ndị rịsọnmẹ alị Juda gba okpokoro, ọ wụrụ ebe nkitẹ-ọfịa e bi.

Jerimaya 13:20

Jerusalẹm, lee ẹnya, n'ị hụn ndị-iṅẹnrẹn gha ẹbamịn-ugu lala. Elebe kẹ igunrun atụnrụn wẹ buche i ẹka rị? Atụnrụn ndị nwẹn i gi a nyan isi nwan?

Jerimaya 25:32

Osolobuẹ ihiẹn ile rị okpuru ẹ sị, “Lee n'ẹ, wẹ hụ e tikpọ otikpọ-otikpọ a gha alị, a pu alị; nsọngbu a kpọmagụọ nọkẹ okẹn ẹbi — ọ ghakwọrị ebe ụwa ru lala.”

Jerimaya 25:9

m jẹnkọ d'a kpọhanị ụnụ ndị alị ile rị ẹbamịn-ugu — uwẹ lẹ odibo m wụ Nebukadineza eze Babilọnụ. M k'e wẹhẹ wẹ d'e mẹ alịnị lẹ ndị rịn'a lẹ alị ndị ọzọ ile fihunmẹ alịnị ihiẹn. M k'e tikpọchanrịn wẹ, mẹ wẹ gba okpokoro, mẹ wẹ wụrụ ihiẹn w'a manị ọsụa (ọsụọ) lẹ ebe mẹ mkpọkọ-mkpọkọ jẹnrin ejẹn.

Jerimaya 30:5

“Osolobuẹ sị: ‘Oro egun kẹ wẹ rị a nụ. Oro okẹn egun; obi eruni ịhịan alị.

Jerimaya 4:16

“D'a gwa nị ndị alị ichẹn-ichẹn, ụnụ a gwazịkwọ Jerusalẹm ya: ‘Ndị-agha hụn e kehunmẹ alị gha alị teni lala, e yini obodo ile rị Juda oro-agha.

Jerimaya 4:6

Weshi ahịma elu nị ịhịan ile jẹnmẹ Zayọnụ! Gbakwọ nị ọsọ ndụn, egbukwọlẹ ni ogẹn! Makẹni m gha ẹbamịn-ugu wela ntikpọ, eje-ntikpọ k'o k'a wụkwọ!”

Jerimaya 47:2

Osolobuẹ sị: “Lee kẹ iyi rị alị rị ẹbamịn-ugu dọn rị e ru — Wẹ jẹnkọ d'e jun pụ ọnụ, huru — huru alị lẹ ihiẹn ile rịn'a huru obodo ndị rị alị hụ lẹ ndị bi imẹ wẹ. Ịhịan ile k'a rị e yi oro; ndị bi alị hụ k'a rị e goo,

Jerimaya 5:15

Osolobuẹ sị, “Yụ wụ ikpụlọ Izrẹlụ, m wela alị rị ebe teni d'a maye i, alị rị ẹdẹi, alị hụn rị kete-kete; ndị ụnụ marịnlẹni asụsụ wẹ, ndị ụnụ jẹnkọlẹni d'a ghọta asụsụ wẹ.

Jerimaya 5:16

Ihiẹn-ọgụn wẹ e bu ịhịan e ri nọkẹ ili, wẹ ile wụchanrịn okẹn odogun-agha.

Jerimaya 6:1

“Zụọrịkwọ nị isi ụnụ, ụnụ ndị Bẹnjamini! Ghakwọ nị Jerusalẹm gbapụ! Gbu ni ni wẹ (opi) ọdụ imẹ obodo Tẹkụa nị wẹ gbapụ! Weshini ni wẹ ihiẹn-ahịma elu imẹ Bẹt-Hakẹrẹm kẹni wẹ gbapụ. Makẹni ẹregede nsọngbu gha ẹbamịn-ugu lala, okẹn ntikpọ hụn k'a jọgbu enwẹn ẹ.

Izikẹlụ 21:31

M k'e hu ọnụma m kpu i, fụ olulu ọkụn m kpu i; m k'e we i che ẹka ndị ẹfọ jọ, ndị ahụn marịn ẹnya ntikpọ.

Izikẹlụ 23:22

“Oholiba, lee nwan ihiẹn Osolobuẹ Nwọn Ihiẹn Ile ku: M sikọ nwan d'a kpọli ndị yụ lẹ wẹ te gba a sụọ, ndị hụ ị jụgụ, e mẹ m wẹ maye i azụụn ile;

Habakọkụ 1:6

M rị nwan a kpọli ndị Kal'di alị Babilọnụ, ndị hụ ẹfọ jọ, hụn e mẹ ikẹn-ikẹn; hụn rị a kpa ikẹn elu ụwa ile, e werisọnmẹ obodo wụlẹni nke wẹ.

Ditrọnọmi 28:49

Osolobuẹ k'e wẹhẹni ụnụ ndị alị ohu tegbu enwẹn ẹ, alị rị isi-njẹndemẹ ụwa, hụn k'a zụnbanhan d'a jụrụ ụnụ kẹ ugọn a jụrụ ihiẹn, alị ụnụ jẹnkọlẹni d'a ghọta asụsụ wẹ,