Jerimaya 6:19 - Ika

¹⁹ Elu-ụwa ile, gọnkwọ ntịn: m welanị ndịnị ntikpọ — ịya wụ erere eje-ihiẹn wẹ mama, makẹni egini wẹ oku m dọn, makẹni edọnmẹni wẹ iwu m.

Jerimaya 6:19 Iomraidhean Croise

Itẹn 15:26

Iroro onyẹ eje-omumẹ e ze Osolobuẹ ize, kanị ọnụ-ọma a sụọ a ụsụọ.

Itẹn 28:9

Onyẹ sị o gọnkọ ntịn Iwu-Osolobuẹ, ekpere ẹ wụdẹ arụ ebe Osolobuẹ rị.

Azaya 1:2

Igwere nụ a! Elu-ụwa, gọn ntịn! Makẹni Osolobuẹ sị: “Mmẹ zụn ụmụ, zụnpụha wẹ, kanị wẹ rị nwan a pa oku m.

Azaya 5:24

Ufiri ẹ, kẹ ọkụn dọn e ripụ irurue-ọkpọnkụn lẹzi kẹ ẹfịfịa-ọkpọnkụn rị ọkụn dọn a nyụnlụa, ẹrịra kẹ mkpọgụn wẹ k'a dọn rehi, ufere e bupụ obobo wẹ nọkẹ ntụn; makẹni a jụgụọ wẹ Iwu Osolobuẹ, Onyẹ ahụn kachanrịnnị, legberi oku Osolobuẹ Onyẹ-nsọ Izrẹlụ.

Azaya 59:7

Ụkụ a kẹrẹka wẹ ebe eje-ihiẹn rị, ara fụdẹ wẹ ọrụn igbu onyẹ nwọnlẹni ihiẹn o mẹ. Eje-ihiẹn sụọ kẹ w'e ro; ntikpọ lẹ nsọngbu kẹ w'e buhẹsọnmẹ.

Azaya 66:18

“Mmẹ nwẹn, ufiri omumẹ wẹ lẹ ihiẹn wẹ rị e ro, m lala d'e wegbama ndị alị ile lẹ ndị asụsụ ile, a bịa wẹ d'a hụn ọghọ m.

Jerimaya 11:11

Ya haịn Osolobuẹ gi nwan rị a sị, ‘M jẹnkọ d'e mẹ wẹ tikpọ wẹ hụn wẹ jẹnkọlẹni d'a s'ẹka wanahịn. Ọsụọn'a wẹ kwanghọsị m, egọnkọ m wẹ ntịn.

Jerimaya 15:6

Osolobuẹ sị, ‘Y'a jụgụọ m; ọdanpụ-ọdanpụ kẹ y'a danpụsọnmẹ. M jẹnkọ nwan d'e mẹshi i ikẹn, tikpọ ị; ẹlẹ m k'e mẹzi omikẹn i.

Jerimaya 17:10

“Mmẹ wụ Osolobuẹ e lele obi, e lele iroro — hụn m'e gi a kụ ịhịan ụgwọ omumẹ ẹ, ụgwọ ihiẹn ọ mẹ.”

Jerimaya 19:15

“Osolobuẹ ihiẹn ile rị okpuru ẹ hụn wụ Chuku Izrẹlụ sị, ‘Gọn ni ntịn! M jẹnkọ nwan d'e buhẹni obodoni lẹ mmụ alị ile fihunmẹn'ẹ nsọngbu ile m ku oku ẹ, makẹni e bugụọ wẹ isi-ikẹn, jụ n'e gọnkọ wẹ ntịn oku m.’ ”

Jerimaya 19:3

Sị wẹ: Gọn ni ntịn ihiẹn Osolobuẹ ku, ụnụ ndị-nze alị Juda lẹ ụnụ ile bi obodo Jerusalẹm. Osolobuẹ ihiẹn ile rị okpuru ẹ, hụn wụ Chuku alị Izrẹlụ, sị: m jẹnkọ d'e tikpọ ebeni otikpọ hụn o mẹni onyẹ nụ a ọ dan a ntịn taị!

Jerimaya 21:14

Kanị, m jẹnkọ d'e ye ụnụ afụnfụn ihiẹn ụnụ mẹ. Mmẹ wụ Osolobuẹ ku ẹ. M k'a mụ ọkụn ye ẹgboko ụnụ hụ, ọkụn hụn k'a dụnpụ ihiẹn ile rị ebe ụnụ rị.’ ”

Jerimaya 22:29

Alị Juda! Alị-Juda-ee! Alị-Juda-ee!! Gọnkwọ ntịn nị ị nụ ihiẹn Osolobuẹ ku:

Jerimaya 29:19

Makẹni egini wẹ oku m dọn, oku hụn m gi idibo m wụ ndị-amụma gwa wẹ ọgụgwa-ọgụgwa. Ya kẹ Osolobuẹ ku. Ụnụ nwẹn wẹ kpụnshi alị ndị-ọzọ egizikwọnị oku m dọn. Ya kẹ Osolobuẹ ku.

Jerimaya 4:14

Heuu ndị Jerusalẹm, chanchanpụ nị eje-ihiẹn rị ụnụ obi, kẹni Osolobuẹ zụọpụha ụnụ. Ele mgbe kẹ ụnụ k'e robehi eje-ihiẹn imẹ obi ụnụ?

Jerimaya 4:16

“D'a gwa nị ndị alị ichẹn-ichẹn, ụnụ a gwazịkwọ Jerusalẹm ya: ‘Ndị-agha hụn e kehunmẹ alị gha alị teni lala, e yini obodo ile rị Juda oro-agha.

Jerimaya 4:4

Kwanị nị Osolobuẹ ugun; kwapụ nị eje-ihiẹn rị ụnụ obi, ụnụ ndị alị Juda lẹ ndị bi obodo Jerusalẹm, amamgbe ọnụma m e kunrun ụnụ, dụn ụnụ kẹ ọkụn wẹ ghalẹni e tinyụn, yeni eje-ihiẹn ụnụ mẹ.

Jerimaya 49:37

M k'e mẹ ndị-iṅẹnrẹn alị Ẹlam mẹri ẹ, mẹ ndị chọkọ wẹ ogbugbu gbu wẹ; m k'e gi olulu sọn wẹ, tikpọ wẹ eje-ntikpọ. M k'e gi ọpịa-agha chụ wẹ d'e ru n'a gụchanrịn wẹ. Mmẹ wụ Osolobuẹ ku ẹ.

Jerimaya 6:10

M nọ sị, “Onyẹ kẹ m'a gwa oku, dọ ẹka-ntịn? Onyẹ jẹnkọ d'e gọn m ntịn? Ntịn wẹ kpọkin akpọkin; anụkọ wẹ. Oku Osolobuẹ e we wẹ iwe; ara sụọ wẹ kaka!”

Jerimaya 6:18

Alị ndị ọzọ rị ichẹn-ichẹn, nụ n'a; ụnụ wụ ọshẹri; lemẹ ni nwan ihiẹn jẹnkọ d'e kunrun Izrẹlụ.

Jerimaya 8:5

Kị haịn nwan ndịnị gi a kpahusọnmẹ? Kị haịn Jerusalẹm gi a latọsọnmẹ m? E kwọnkẹnmẹ ihiẹn rị e dufieni wẹ, jụ nị ekinhẹnkọ wẹ?

Jerimaya 8:9

Ndịnị ụnụ sị marịn ihiẹn jẹnkọ d'a fa! Ndụn k'a gụ wẹ; wẹ k'a danban ọnyan. Ebe o mẹni a jụgụọ wẹ oku Osolobuẹ, elee amamihiẹn kẹ wẹ nwọnzi?

Daniẹlụ 9:11

Izrẹlụ ile a dangụọ iwu i, gbakitọ ị azụụn, ekweni wẹ mẹ ihiẹn ị sị wẹ mẹ. “Ya kẹ ọnụ-ẹsọn lẹ ihiẹn ile Osolobuẹ kun enwẹn ẹ n'o k'e mẹ, hụn wẹ deye imẹ Iwu Mozizi wụ odibo Osolobuẹ, gi nwan hukpu ẹnyi, makẹni ẹnyi e mẹọlẹ ị njọ.

Hosia 10:13

Kanị eje-obibi kẹ ụnụ kụn, ụnụ nọ nwan ghọrị mmẹgbu, ụnụ nọ nwan ghọrị ntụ ri. Makẹni nke ụnụ kẹ ụnụ gi dọn ẹnya ya lẹ ndị-agha ụnụ bugbu enwẹn wẹ ọda.

Hosia 4:6

Amarịn rị e gbu ndị nke m. Ebe ụnụ sị ụnụ amarịnkọ ihiẹn wẹ sị ụnụ marịn, mmẹ nwẹn a chụgụọzị ụnụ ndị nchụn-ẹjan m! Ebe ụnụ gbakitọ Iwu Chuku ụnụ azụụn, mmẹ nwẹn k'a gbakitọ ụmụ ụnụ azụụn!

Emọsụ 2:4

Osolobuẹ sị: “Makẹ njọ ẹtọ ndị Juda mẹ, njọ ẹnọ dẹ, erohutọkọ m, m k'e yerịrị wẹ afụnfụn: makẹni a jụgụọ wẹ Iwu Osolobuẹ, e dọnmẹni wẹ ụmụ-iwu rịn'a; e giziọlẹ wẹ mmọn ndị ahụn wụlẹni Chuku dufie wẹ, mmọn ndị nẹdi wẹ kanị sọnkọ kpahu.

Maịka 1:2

Gọn ni ntịn, ndị alị ile; ụnụ ile, gọn ni ntịn! Elu-ụwa lẹ ihiẹn ile rịn'a, gọn ntịn! Gọn ni ntịn, nị Osolobuẹ nwọnni ẹnyi shịagbu ụnụ ẹri; n'ọ gha Ụnọ-NSỌ a rị nsọ ku ihiẹn ụnụ mẹ!

Maịka 6:2

“Ugu ndịnị, gọn ni ntịn-o, nị Osolobuẹ chọ n'o kin! Iyetọ ụwa hụn turusọnmẹni, gọn ni ntịn-o — nị Osolobuẹ kpe ndị nke ẹ, n'o kin ihiẹn wẹ mẹ:

Jọnụ 12:48

Onyẹ hụn jụ mmẹ lẹ oku m nwọn onyẹ k'a ma a ikpe: ihiẹn m ku, ịya jẹnkọ d'a ma a ikpe Ụhụọhịn ikpanzụụn.

Ọrụn Ndị-ozi 8:22

Rogharịkwọ nwan eje-ihiẹnni i mẹ, y'e mẹ ekpere, rịọ Di-nwọnni-ẹnyi; ikẹnkwọ ọ gbagharị ị iroroni.

Ditrọnọmi 30:19

M ri a kpọ elu-igwee lẹ elu-ụwa ọshẹri tannị nị e butọgụọnị m ụnụ ndụn lẹ ọnwụn, ngọzi lẹ ọnụ-ẹsọn. Hanrịn nị nwan ndụn nị ụnụ lẹ ụmụ ụnụ hụn ụzọ rị ndụn

Ditrọnọmi 32:1

Igwere, gọn ntịn nị m ku; elu-ụwa, nụ oku-ọnụ m.

Ditrọnọmi 4:26

m rị nwan a kpọ elu-igwee lẹ ụwa nị wẹ shịagbu ụnụ ẹri tannị, nị ụnụ mẹ ẹ, wẹ k'e kpọnchanpụkẹnrin ụnụ alị ahụn ụnụ fetukọ Iyi Jọdanị d'e weri. Ụnụ ebibiekọ ebahụn kaka; wẹ k'e gbuchanrịn ụnụ kọkọrọkọ.

Samuẹlụ Nke Ibuzọ 15:23

“Nnupụ-isi lẹ ịgba-ẹfa wụ ohu; imẹ-karị-enwẹn ịhịan lẹ ịrụa-mmọn wụ ohu. Ebe o mẹ ni ya jụgụọ oku Osolobuẹ, Osolobuẹ a jụgụọ ị nị y'e ẹlẹzi eze.”

Samuẹlụ Nke Ibuzọ 15:26

Kanị Samuẹlụ nọ sị a, “Esọnkinkọ m'ị, makẹni y'a jụgụọ oku Osolobuẹ, Osolobuẹ a jụ ị n'ị y'ẹ lẹzi eze Izrẹlụ!”