Jerimaya 6:16 - Ika

¹⁶ Osolobuẹ sị, “Turu ni nwan ẹbụ-ẹnọ lehunmẹ ẹnya; jụ nị kẹ elee hụn wụ ụzọ ahụn rị ẹdẹi — jụ nị ukwere ụzọ hụ rị mma, ụnụ a gha a, kẹn'ọ rịnị ụnụ mma. Kanị ụnụ sị, ‘Ẹnyi aghakọ a.’

Jerimaya 6:16 Iomraidhean Croise

Ndị-nze Nke Ibuzọ 8:36

dodo, nọ elu-igwee nụ, y'a gbagharị idibo i njọ, ndị nke i wụ Izrẹlụ, y'a kuzi wẹ ezigbo ụzọ hụ furuni wẹ k'a gha, y'e zi mirin zueye alịnị i ye ndị nke i weri.

Ihiẹn Mẹni Nke Ẹbụọ 19:11

“Amaria onyẹ-isi nchụn-ẹjan k'a kị ụnụ imẹ ihiẹn ọwụlẹ gbasharị Iwu Osolobuẹ; Zẹbadịa nwa Ishmẹlụ hụn wụ onyẹ-ndu Juda k'a kị ụnụ imẹ ihiẹn ọwụlẹ gbasharị iwu eze; ndị Livaị k'a gha e yeni ụnụ ẹka a rụn ọrụnnị. Egikwọlẹ ni egun rụn ọrụnnị; Osolobuẹ ya nọyeni ndị sikọ d'a rụn a ọhụnma!”

Ẹbụ-ọma 116:7

Obi m, zumẹzi nwan ikẹn, nị Osolobuẹ e mẹkẹmẹkẹni m.

Azaya 2:5

Izrẹlụ wụ ikpụlọ Jekọpụ, nị ẹnyi gi ni ukpẹ Osolobuẹ e bi.

Azaya 28:12

ndị nwẹn o te kuyeni, sị, “Ebeni wụ ebe izu-ikẹn, ndị ndụn gụ wẹ zu ikẹn”, “Ebeni kẹ ndụn a nọ ban ụnụ” — kanị egọnni wẹ ntịn.

Azaya 30:21

Nke wụnị, ọ sụọn'a nị ụnụ kụye ẹka-nni mọbụ ẹka-ekpẹn, ụnụ k'a nụ olu rị ụnụ ibe azụụn, a sị, “Ọnwan wụ ụzọ, ghashi n'ẹ!”

Azaya 46:9

Nyanhan nị ihiẹn ndị hụn mẹni, ihiẹn ndị hụn mẹ mbụ-mbụ; mmẹ wụ Osolobuẹ, ọzọ arịa. Mmẹ wụ Osolobuẹ, onwọnni onyẹ nọ kẹ mmẹ.

Azaya 57:2

wẹ rị a lashi ebe obi a nọ ru wẹ alị, e dinẹ wẹ, e zu wẹ ikẹn; ẹrịra k'ọ rị ndị e bighanị.

Azaya 8:20

Jẹn ni d'e kunrun Iwu Osolobuẹ lẹ ihiẹn ile ọ gwa ụnụ! Omẹni oku ịhịan gwa ụnụ lẹ Iwu Osolobuẹ a dangbamanị, ịya wụ nị ukpẹ arị imẹ wẹ.

Jerimaya 12:16

Kanị omẹni a mụnarịn wẹ ndị nke m, bimẹ kẹ ndị nke m nke-esi, kunmẹ ẹfan m, a sị, ‘Ma Osolobuẹ’ rịkẹ kẹ wẹ dọn kuzi ndị nke m ikun Baalụ mbụ, a wụrụ wẹ ndị nke m, a gha wẹ ihun.

Jerimaya 18:12

“Kanị, wẹ jẹnkọ d'a sị, ‘Ẹlẹkwọ ẹnyi k'ị rị a gwa! Ihiẹn rị ẹnyi obi kẹ ẹnyi jẹnkọ d'e mẹ! Ihiẹn obi ẹnyi ye ẹnyi kẹ ẹnyi sikọ d'e mẹ — ọsụọn'a eje-ihiẹn rọ, ọsụọn'a isi-ikẹn rọ!’

Jerimaya 18:15

Kanị ndị nke m a zọgụọ m; wẹ hụ a mụyeni mmọn nwọnlẹni-isi nsẹnsi. O mẹgụọ wẹ kpọgburusọnmẹ, latọsọnmẹ ụzọ mbụ-mbụ hụ rị mma; o mẹ wẹ ghasọnmẹ ụzọ-ọfịa lẹ ụzọ rịlẹni mma.

Jerimaya 2:25

‘Kụsịkwọ makẹ akpụkụ ị gha e richanpụchanrịn, makẹ ẹkpịrị gha a kpọ ị nkụn.’ Kanị ị sị, ‘Agwazịlẹ m! Mmọn ndị ọzọ a sụọmarịngụọ m, m k'e sọnrịrị wẹ!’

Jerimaya 22:21

A dọghọ m ụnụ ẹka-ntịn ogẹn ẹhụ gi fu ụnụ, kanị ụnụ nọ sị, ‘Ẹnyi egọnkọ ị ntịn!’ Ẹrịra kẹ ụnụ e mẹ gha alị lala — ụnụ ara gi oku m dọn.

Jerimaya 31:21

“Tumẹsọnmẹ ni ahịma wẹ gi a kọma ụzọ ẹnya; zuyesọnmẹ ni osisi wẹ gi a marịn ụzọ. Kọma nị ụwaya ẹnya — ụzọ hụn ụnụ gha pụ. Kinhẹn azụụn, nwagbọọ wụ Izrẹlụ; lụaha nị obodo ụnụ ndịnị.

Jerimaya 42:3

Rịọ Osolobuẹ wụ Chuku i n'ọ gwa ẹnyi ebe ẹnyi jẹnkọ d'e jẹn lẹ ihiẹn ẹnyi jẹnkọ d'e mẹ.”

Jerimaya 44:16

“Ẹnyi e gọnkọdẹ ntịn ihiẹn ahụn ị sị nị ya kẹ Osolobuẹ sị ẹnyi mẹ!

Jerimaya 50:5

Wẹ k'a jụma kẹ elebe kẹ ụzọ Zayọnụ rị, e dọn wẹ ihun ebẹhụ. Wẹ k'a bịa d'e we enwẹn wẹ kwachanrịnnị Osolobuẹ, kwe ẹ nkwa nị wẹ k'e fe ẹ jẹnrin ejẹn, nkwa wẹ jẹnkọlẹni d'a zọ.’

Jerimaya 7:23

kanị, ihiẹn m gwa wẹ wụ, ‘E mẹ ni ihiẹn m sị ụnụ e mẹ, nị m hụn ụzọ wụrụ Chuku ụnụ, ụnụ a wụrụ ndị nke m. E bini kẹ m sị ụnụ e bi kẹni ọ rịnị ụnụ mma.

Jerimaya 7:24

Kanị, egọndẹni wẹ ntịn, achọdẹni wẹ nị wẹ nụ; a gbasọnmẹdẹ wẹ isi-akwanran, mẹsọnmẹ ihiẹn eje-obi wẹ ye wẹ. Hụn nkẹ w'e gi e shi ihun, wẹ hụ a la azụụn.

Jerimaya 7:3

Osolobuẹ ihiẹn ile rị okpuru ẹ hụn wụ Chuku Izrẹlụ sị: ‘Bihutọ nị ẹka, kẹni m nị ụnụ bisọnmẹ alịnị.’

Malakaị 4:4

“Nyanhankwọ nị Iwu odibo m wụ Mozizi, iwu lẹ ọdịnalị ile m ye ẹ elu Ugu Saịnaị wụ Horẹbụ n'o tumẹni Izrẹlụ ile.

Luku 16:29

“Kanị, Ebraham nọ sị a, ‘E nwọnghọ wẹ Iwu Mozizi lẹ ihiẹn ndị-amụma de; umunẹ i wẹ gọn wẹ ntịn.’

Jọnụ 12:35

Jesu nọ sị wẹ, “Ukpẹ jẹnkọ d'e sọnzi ụnụ nọdị ẹkẹrẹ sụọ. A ghahunmẹ ni nwan hụnnị ụnụ nwọn ukpẹ, amamgbe ọhịhị a gbakunrun ụnụ idẹnmuzi, makẹni onyẹ ghakọ imẹ ishi amarịn ebe o jẹnkọ.

Jọnụ 13:17

Ebe o mẹni ụnụ a marịnghọ ihiẹn ndịnị, Osolobuẹ jẹnkọ d'a gọzi ụnụ ụnụ mẹ wẹ.

Jọnụ 5:39

“Ụnụ a mụ Ẹkụkwọ-nsọ a mụshi ẹ ikẹn, makẹni ụnụ ro ni imẹ ẹ kẹ ụnụ a gha nwọn ndụn-itẹbitẹ; bụ Ẹkụkwọ-nsọ hụ rị a shịanị m ẹri,

Ọrụn Ndị-ozi 17:11

Ndị Ju rị Bẹrịa ka obi a shịapụ karị ndị rị Tẹsalonika. Makẹni, wẹ gichanrịn obi wẹ ile nabanhan oku Di-nwọnni-ẹnyi, e leban ẹnya Ẹkụkwọ-nsọ ụhụọhịn ile nị wẹ marịn kẹ ihiẹn ndị hụ Pọlụ ku wụ ezioku.

Ndị Rom 4:12

lẹni Ebraham wụrụzịkwọ nẹdi ndị hụn kwa ugun bụ ẹlẹ nị wẹ kwahụ ugun, kanị e nwọnzighọ wẹ okukwe ahụn Ebraham nẹdi ẹnyi nwọn n'o d'a kwa ugun.

Ditrọnọmi 32:7

Nyanhan ogẹn mbụ; leban ẹnya ogẹn ndị mbụ; jụ nẹdi i — n'ọ gwaghọ ị, jụ ndị-ichẹn nị wẹ kọwaghọnị ị:

Ndị Kolosị 2:6

Ebe o mẹ ni ụnụ a nabanhangụọ Jizọs Kraịstị nọkẹ Di-nwọnni ụnụ, e bi ni nwan kẹ ndị nke ẹ;

Hibru 11:2

Okukwe ndị mbụ-mbụ haịn Osolobuẹ gi kunni wẹ ọhụnma:

Hibru 6:12

amamgbe ụnụ a lama nzụnzụn; kama, nị ụnụ e sọn nzọmụkụ ndị gi okukwe lẹ ndidin nwọnhẹn ihiẹn Osolobuẹ kwe nkwa a.

Ndị Han Eṅẹn 2:17

Kanị, ndị Izrẹlụ egọnkọ ndị ahụn hannị wẹ eṅẹn ntịn, makẹni e wezi wẹ enwẹn wẹ kwanị mmọn-lẹ-iyi rị nọkẹ ịgbaraja, a kụnị wẹ isi-alị. A latọkẹnrinkẹ wẹ ụzọ ndị nẹdi wẹ hụn dọnmẹ iwu Osolobuẹ gha; emẹni w'ẹ.