Jerimaya 6:12 - Ika

¹² Ụlọ wẹ jẹnkọ d'a bansọnmẹ ndị ọzọ ẹka, ya lẹ ugbo wẹ lẹ inyẹnmẹ wẹ — makẹni m k'e mẹshi ndị bi alịnị ikẹn.” Ịya kẹ Osolobuẹ ku.

Jerimaya 6:12 Iomraidhean Croise

Ihiẹn Mẹni Nke Ibuzọ 21:16

Defidi e lee ẹnya elu, ọ nọ hụn mmọn-ozi Osolobuẹ hụ k'o wuzo ẹgbata igwere lẹ alị; ọpịa-agha o sepụha bu zinmẹ Jerusalẹm hụkwọ a ẹka. Ya Defidi lẹ ndị-ichẹn nọ dan alị bu ihun kpumẹ alị, wẹ ile yi ẹkwa-achọ (ahịọ) wẹ gi a kwan ụya.

Azaya 10:4

Onwọnzini ihiẹn k'a họdụnị ụnụ wezụka ịma-piripiri imẹ ndị wẹ kpụnshikọ alị ọzọ, mọbụ ịrị imẹ ndị wẹ gbu. Kanị, ihiẹnni ile arọkwọnị Osolobuẹ olulu, o wetukwọnị ẹka o gi rị e mẹshi ndị nke ẹ ikẹn.

Azaya 5:25

Ịya haịn Osolobuẹ gi gi olulu sọn ndị nke ẹ; o weshi ẹka, titu wẹ: ugu e mẹhunmẹ, ozun e jun rịkẹ ẹfịfịa rị ụwaya. Kanị, ihiẹnni ile arọkwọn'a nwan olulu, echẹn kẹ ẹka a rịkwọ elu n'o tizi wẹ.

Azaya 9:12

Ndị Aram gha ibe ọwụwa-ẹnyanwụn bịa lẹ ndị Filistia gha ndịdan-ẹnyanwụn bịa a shịapụchanrịngụọ ọnụ ripụ Izrẹlụ. Kanị, ihiẹnni ile arọkwọnị Osolobuẹ olulu, o wetukwọnị ẹka o gi e mẹshi wẹ ikẹn.

Azaya 9:17

Ufiri ẹ, Osolobuẹ eleni ikorọbịa wẹ ẹnya ihun, o mẹdẹni omikẹn ụmụ-ẹka nwọnlẹni nẹdi lẹ nnẹ lẹ ikpoho di wẹ nwụn, makẹni ndịnị ile wụ ndị eje-omumẹ ghalẹni a tụ egun Osolobuẹ; ọnụ ile rị e ku eje-ihiẹn! Kanị, ihiẹnni ile arọkwọnị Osolobuẹ olulu, o wetukwọnị ẹka o gi e mẹshi wẹ ikẹn.

Azaya 9:21

Manasẹ e ri Ifrem, Ifrem e ri Manasẹ; wẹ ẹbụọ e bunụmanị Juda. Kanị, ihiẹnni ile arọkwọnị Osolobuẹ olulu, o wetukwọnị ẹka o gi e mẹshi wẹ ikẹn.

Jerimaya 15:6

Osolobuẹ sị, ‘Y'a jụgụọ m; ọdanpụ-ọdanpụ kẹ y'a danpụsọnmẹ. M jẹnkọ nwan d'e mẹshi i ikẹn, tikpọ ị; ẹlẹ m k'e mẹzi omikẹn i.

Jerimaya 21:5

Mmẹ lẹ enwẹn m jẹnkọ d'e gi ikẹn m mẹ ụnụ ihiẹn. M k'e gi ẹka-ikẹn, okẹn iwe lẹ ọnụma mẹ ụnụ ya.

Jerimaya 38:22

Wẹ k'e duru ikpoho ile họdụ obi-eze Juda dupụhanị ndị isi-agha eze ndị Babilọnụ. Ikpoho ahụn k'a mụ ị ẹmụ, a sị, ‘Ndị ọwụ ị nwẹn i gi dọn ẹnya e dufiegụọ ị, mẹri i! Ụkụ ị a tọgụọ nwan imẹ ẹpẹtẹ; ndị ọwụ ị a gbagụọ ị tọ!’

Jerimaya 38:23

“Wẹ k'e duru inyẹnmẹ i ile lẹ ụmụ ị ile jẹnni ndị Babilọnụ, ịyụ lẹ enwẹn i awanahịnkọ wẹ! Eze ndị Babilọnụ k'a nwụndọn i; wẹ k'a kpọ obodoni ọkụn.”

Jerimaya 7:20

Ufiri ẹ, Di-nwọnni-ẹnyi wụ Osolobuẹ sị, ‘M k'e gi okẹn olulu mẹ alịnị ihiẹn — kẹ ịhịan kẹ anụ kẹ osisi rị ọfịa kẹ ihiẹn gha alị pupụha; o k'a dụn kẹ ọkụn, ọ dụbehikọ.’

Jerimaya 8:10

Ufiri ihiẹn wẹ rị e mẹ, m k'e we inyẹnmẹ wẹ ye ndị ọzọ, we ugbo wẹ ye ndị ọzọ weri. Kẹ ndị uku kẹ ndị nta, ẹnya wẹ ile rị ihiẹn k'a ban wẹ ẹkpa; kẹ ndị-amụma kẹ ndị nchụn-ẹjan wụchanrịn ndị ntụ-lẹ-aghịghọ.

Ẹkwan 2:8

Osolobuẹ e kughọ a n'o k'e tikpọrịrị mgbọn hụn ghahunmẹ Obodo Zayọnụ. Ọ ghọsịgụ n'ọ nọnị k'ọ chọ, o serini ẹka d'e ru n'o tikpọchanrịn a. Ọ la mgbọn ibuzọ lẹ nke ẹbụọ rịn'a tọnị wẹ tikpọ; wẹ ẹbụbụọ a dankpọpụ.

Ẹkwan 3:3

eziẹ-eziẹ, o mẹshigụọ m ikẹn, e mẹ m'ẹ, e mẹdọnzi, kẹ uhinhin kẹ efinaị.

Ẹkwan 5:11

E kwọngụọ wẹ inyẹnmẹ ẹnyi mẹ mgba wẹ imẹ obodo Zayọnụ, kwọn ịgbagba ẹnyi mẹ mgba wẹ imẹ obodo ndị rị alị Juda.

Ẹkwan 5:2

Ndị ẹnyi marịnlẹni e werigụọ alị ẹnyi, itumunyẹ e werigụọ ụlọ ẹnyi.

Ẹkwan 5:3

Ẹnyi e họnringụọ ndị nwọnlẹni nẹdi, ndị nnẹ ẹnyi a wụrụgụọ ndị di nwụnnahịn.

Izikẹlụ 35:3

sị, ‘Osolobuẹ Nwọn Ihiẹn Ile sị: Mmẹ lẹ yụ rọ, Ugu Sẹẹ, ẹka m k'e bitụ ị, e mẹ m'i gba okpokoro, mẹ i la iwi.

Izikẹlụ 7:24

M k'e wẹhẹni wẹ alị ẹfọ kachanrịn a jọ, a narịn wẹ wẹ ụlọ wẹ; m k'a napụ ndị hụ zegbu enwẹn wẹ isi hụ wẹ rị a nyan; wẹ k'e mẹrụ ebe ile rị nsọ w'a nọ e fe ofufe.

Maịka 2:4

O ru ogẹn hụ, wẹ k'a gba ị ẹbụ, sị, ‘Heuu, nke ẹnyi a gụ-o! Osolobuẹ e hutọgụọ ezigbo ọnọdị ndị nke ẹnyi! Ọ napụgụọ ẹnyi ihiẹn ẹnyi; o wegụọ alị lẹ ugbo ẹnyi keni ndị ghalẹni e fe ẹ!’

Zẹfanaya 1:13

Wẹ k'a kwanarịn wẹ akụ-lẹ-ụba wẹ, tikpọchanrịn ụlọ wẹ. Wẹ k'a tụn ụlọ, kanị ebikọ w'a; wẹ k'a rụn alị vaịnị, kanị arakọ wẹ manya a.

Zẹfanaya 1:4

M k'a tịnpụ ẹka mẹ alị Juda ihiẹn, ịya lẹ ndị ile bi isi-alị wẹ wụ Jerusalẹm. M sikọ d'a zapụchanrịn mmọn Baalụ lẹ ihiẹn ile gbashịarịn'a ebeni, a zapụ m ndị ihẹnrẹn-mmọn Baalụ, anyanhankọzị wẹ wẹ!