Jerimaya 6:10 - Ika

¹⁰ M nọ sị, “Onyẹ kẹ m'a gwa oku, dọ ẹka-ntịn? Onyẹ jẹnkọ d'e gọn m ntịn? Ntịn wẹ kpọkin akpọkin; anụkọ wẹ. Oku Osolobuẹ e we wẹ iwe; ara sụọ wẹ kaka!”

Jerimaya 6:10 Iomraidhean Croise

Ẹbụ-ọma 1:2

Kanị, Iwu Osolobuẹ nwọn a sụọ a — iwu Osolobuẹ kẹ obi ẹ rịchanrịn uhinhin lẹ efinnaị.

Ẹbụ-ọma 119:16

Ọdịnalị i tumẹsọnmẹni ẹnyi k'a gha a sụọ m; azọkọ m ihiẹn i ku.

Ẹbụ-ọma 119:174

M rị e che i n'ị zụọpụha m, Osolobuẹ, iwu i a sụọ m ụsụọ.

Ẹbụ-ọma 119:24

Hụn i ku wụ hụn a sụọnị m; uwẹ a dụn m ọdụn.

Ẹbụ-ọma 119:35

A ghọsị m kẹ m'a dọn dọnmẹ iwu i, makẹni iwu i a sụọ m ụsụọ.

Ẹbụ-ọma 119:70

Obi wẹ kpọkin akpọkin lekẹ ihiẹn ụtọrọ gbakin, kanị iwu i a sụọ m ụsụọ.

Ẹbụ-ọma 119:77

Mẹ omikẹn i ru m ẹka, kẹni m rị ndụn; makẹni iwu i a sụọ m asụọ.

Ẹbụ-ọma 40:8

M chọ nị m mẹ uche i, Chuku m; iwu i rị imẹ obi m.”

Ọpụpụ 6:12

Kanị Mozizi nọ sị Osolobuẹ, “Omẹni ndị Izrẹlụ egọnni m ntịn, nanị kẹ Fẹro k'a dọn gọn m ntịn hụnnị m malẹni ku oku?!”

Azaya 42:20

Y'a hụngụọ ihiẹn bu ọda, kanị y'e gini wẹ dọn; ntịn ị hụ oghe, kanị onwọnni ihiẹn y'a nụ.”

Azaya 53:1

Onyẹ kweri nwan ozi ẹnyi? Onyẹ kẹ Osolobuẹ ghọsị ihiẹnni Osolobuẹ mẹ?

Jerimaya 35:13

“Osolobuẹ ihiẹn ile rị okpuru ẹ, hụn wụ Chuku Izrẹlụ sị: Jẹn d'a gwa ndị Juda lẹ ndị obodo Jerusalẹm oku. Sị wẹ nị mmẹ wụ Osolobuẹ sị, ‘Ụnụ a mụrụnkọ ihiẹn, mẹmẹ ihiẹn m sị ụnụ e mẹ?!

Jerimaya 4:4

Kwanị nị Osolobuẹ ugun; kwapụ nị eje-ihiẹn rị ụnụ obi, ụnụ ndị alị Juda lẹ ndị bi obodo Jerusalẹm, amamgbe ọnụma m e kunrun ụnụ, dụn ụnụ kẹ ọkụn wẹ ghalẹni e tinyụn, yeni eje-ihiẹn ụnụ mẹ.

Jerimaya 5:21

Sị wẹ: Ndị nzuzu marịnlẹni ihiẹn, gọn nị ntịn, ndị nwọn ẹnya bụ w'a ra legha ụzọ, ndị nwọn ntịn bụ w'a ra nụ ihiẹn:

Jerimaya 7:13

Kẹ ụnụ rị e mẹ ihiẹn ndịnị, m hụ a gwa ụnụ ọgụgwa-ọgụgwa, kanị ụnụ egini dọn; a kpọ m ụnụ, ụnụ azanị. Ya kẹ Osolobuẹ ku.

Jerimaya 7:26

Kanị ndị mụkwasị ụnụ nkẹ egọnzikwọnị m ntịn, efeyeni wẹ oku m ẹnya. E busọnmẹ wẹ isi-ikẹn, mẹkarịdẹ ndị nẹdi wẹ eje-ihiẹn.’

Jerimaya 9:26

ndị Ijiptu, ndị Juda, ndị Ẹdọm, ndị Amọnụ, ndị Mụabụ, uwẹ lẹ ndị ile bi atụ rịsọnmẹ ebe teni hụn a kọ ẹtu azụụnnị lẹ azụụnnị. Ndị alị ndịnị ile akwanị ugun nke-esi — nọkẹ kẹ ikpụlọ Izrẹlụ ile dọnlẹni kwa ugun imẹ obi wẹ.”

Izikẹlụ 3:7

Kanị ikpụlọ Izrẹlụ egọnkọ ị ntịn, makẹni achọnị wẹ nị wẹ gọn m ntịn, makẹni ikpụlọ Izrẹlụ ile wụ ndị isi-ikẹn obi wẹ ze.

Izikẹlụ 33:3

omẹni onyẹ nche hụ a hụn kẹ ọpịa-agha lala alị hụ, o gbu opi (ọdụ) gi gwa ndị alị nị nsọngbu lala,

Izikẹlụ 33:9

Kanị omẹni y'a gwagụọ eje-ịhịan ahụn latọ eje-obibi ẹ, bụ o kwerini, ịya jẹnkọ d'a nwụn yeni njọ a, kanị yụ nwẹn a zụọrịgụọ isi i.

Emọsụ 7:10

Ya kẹ Amazia, hụn eze tumẹ onyẹ nchụn-ẹjan obodo Bẹtẹlụ nọ zi ozi jẹnni Jerobụam eze Izrẹlụ Ẹbamịn-ugu, sị a, “Emọsụ rị e zun'i eje-umẹ, imẹ isi-alị ẹnyi ebeni kẹti-kẹti! Alịnị asakọkwọ ẹka din ihiẹn ile ọ rị e ku.

Matiu 3:7

Kanị, ogẹn o gi hụn kẹ ndị bu ọda imẹ ndị itu-Farisi lẹ ndị itu-Sadusi rị a bịa n'o mẹ wẹ mirin-Chuku, ọ nọ sị wẹ, “Igunrun agwọ! Onyẹ sị ụnụ gba nị iwe lẹ ọnụma Osolobuẹ lalanị ọsọ?!

Luku 11:45

Onyẹ ohu imẹ ndị-nkuzi Iwu nọ sị a, “Onyẹ-nkuzi, ị gha e ku ihiẹn ndịnị wẹ, ị rị a kparizikwọ ẹnyi nwẹn!”

Luku 20:19

Ya kẹ ndị-nkuzi Iwu lẹ ndị-isi nchụn-ẹjan nọ mẹ nị wẹ nwụnrụn Jesu ozigbo, makẹni a ghọtagụọ wẹ nị uwẹ k'ọ tụnị ilu hụ; kanị, egun igunrun ahụn anịnị wẹ.

Jọnụ 7:7

Ize ụnụ ezekọ ụwa, kanị ize m rị e ze wẹ, makẹlẹ m rị e ku ẹ nị wẹ rị e mẹ eje-ihiẹn.

Jọnụ 9:40

Ndị Itu-Farisi nọkunmẹn'ẹ a nụ ihiẹnni o ku, wẹ nọ jụ a, sị, “Ẹnyi nwẹn wụzịdẹ ndị ẹnya-ishi ra?”

Ọrụn Ndị-ozi 7:51

“Ndị isi-ikẹn! Ndị kwalẹni ugun imẹ obi lẹ ntịn! Ogẹn ile kẹ ụnụ gi e gbọndọn Mmọn-nsọ, e mẹ kẹ ndị nẹdi ụnụ!

Ọrụn Ndị-ozi 7:60

Ya ọ nọ gbu osekpu, weshi olu elu, yi, “Di-nwọnni-ẹnyi, agụnkwọlẹ njọnị yeni wẹ!” O kugụ a, ọ nọ nwụnhụn.

Ndị Rom 7:22

Eziẹ, imẹ m, Iwu Osolobuẹ a sụọ m ụsụọ.

Ditrọnọmi 29:4

Kanị Osolobuẹ eke yekwọ nwan ụnụ obi a ghọtanị mọbụ ẹnya e leghanị mọbụ ntịn a nụnị.

Ndị Kolosị 1:28

Kraịstịnị kẹ ẹnyi rị nwan a ghahunmẹ e ku oku ẹ, e gi amamihiẹn ile Osolobuẹ ye ẹnyi a dọ onyẹ ọwụlẹ ẹka-ntịn, a kuzi onyẹ ọwụlẹ, kẹni ẹnyi saẹka wepụha wẹ ile ihun Osolobuẹ nọkẹ ndị ka-ẹhụ imẹ Kristi.

Timoti Nke Ẹbụọ 4:3

Makẹni ogẹn lala hụn ịhịan jẹnkọlẹni d'e kweri ezigbo nkuzi. Kama, ebe ntịn wẹ rị a chọsọnmẹ n'ọ nụ ihiẹn a sụọnị wẹ, wẹ k'a chọrị ndị k'a kuzi wẹ ihiẹn wẹ chọ nị wẹ nụ.

Hibru 11:7

Makẹni Nụa nwọn okukwe, ogẹn Osolobuẹ gi gwatọ a ihiẹn mẹtulẹni jẹnkọ d'e mẹni, o gi ẹ dọn, gi egun Osolobuẹ rụn ụgbọ-mirin ahụn pụ-ichẹn, hụn Osolobuẹ gi nwan zụọpụha ezi-lẹ-ụlọ a. Nụa gi ihiẹnni o mẹ shịagbu ụwa ẹri, gi okukwe ẹ họnrin onyẹ ezi-omumẹ.