Jerimaya 52:3 - Ika

³ Ya haịn Osolobuẹ gi gi olulu mẹ obodo Jerusalẹm lẹ alị Juda ile ihiẹnni ile d'e ru ebe Osolobuẹ nọ wepụ wẹ ihun ẹ. Zẹdikaya feni Nebukadineza eze Babilọnụ wẹ rị okpuru ẹ isi.

Jerimaya 52:3 Iomraidhean Croise

Jẹnẹsisi 4:14

Y'e gigụọ m nwan họnrin onyẹ akpakalị jụ; y'a chụpụgụọzị m ebe ị rị; m k'a gha nwan a gba ọsọ-ọsọ nọkẹ onyẹ wẹ chụkọ; m k'a rị a wahunmẹ elu-ụwa. Onyẹ kunrun m tan, o gbupụ m!”

Jẹnẹsisi 4:16

Ya Keni nọ gha ihun Osolobuẹ pụ d'e biri alị Nọdụ hụn rị azụụn ọwụwa-ẹnyanwụn alị Idẹni.

Samuẹlụ Nke Ẹbụọ 24:1

O nwọn ogẹn Osolobuẹ gi weni ndị Izrẹlụ iwe, ọ nọ nu Defidi n'o mẹ wẹ ihiẹn; ọ sị “Jẹn d'a gụn ndị Izrẹlụ lẹ ndị Juda.”

Ndị-nze Nke Ibuzọ 10:9

Ọjịja-mma ya rịnị Osolobuẹ wụ Chuku i, hụn ihiẹn i sụọ, ọ nọ bu i che ukpo Izrẹlụ. Ufiri ihiẹn-ọsụsụọ itẹbitẹ Osolobuẹ nwọnni Izrẹlụ k'o gi tumẹ i eze, n'ị hụn ụzọ kwadọn ezi-omumẹ lẹ imẹ ihiẹn furuni.”

Ndị-nze Nke Ẹbụọ 17:18

Ya kẹ Osolobuẹ nọ gi iwe ahụn ndị Izrẹlụ Ẹbamịn ugu kpasu ẹ wepụ wẹ ihun ẹ. Ebọn Juda sụọ nọ họdụ.

Ndị-nze Nke Ẹbụọ 17:20

Ya kẹ Osolobuẹ nọ nwan jụ ụmụ Izrẹlụ ile; ọ nọ mẹshimẹ wẹ ikẹn, ọ nị wẹ e gbu wẹ a kwarị ihiẹn wẹ d'e ru nị ọ chụpụdẹ wẹ ihun ẹ.

Ndị-nze Nke Ẹbụọ 17:23

Osolobuẹ e we wepụ wẹ ihun ẹ, owepụ ahụn o gisọnmẹ ndị amụma ndị idibo ẹ ile gwatọ wẹ. E wepụ wẹ nwan ndị Izrẹlụ Ẹbamịn ugu alị wẹ, kpụnrụn wẹ shi Asiria, wẹ hụ nwan ebẹhụ d'e ru tannị.

Ndị-nze Nke Ẹbụọ 24:20

Olulu Osolobuẹ haịn ihiẹnni ile gi mẹ obodo Jerusalẹm lẹ alị Juda ile, o mẹgụ, Osolobuẹ nọ ma wẹ tuhu. Omẹgụ Zẹdikaya nọ nwan nupụ isi okpuru eze Babilọnụ.

Ihiẹn Mẹni Nke Ẹbụọ 36:13

Ọ pazịkwọ oku eze wụ Nebukadineza hụn mẹgụ a kunn'ẹ ẹfan Osolobuẹ n'o k'e humẹn'ẹ isi. O bumẹ isi-ikẹn, kpọkin obi, n'ọ rohutọkọ mẹ uche Osolobuẹ wụ Chuku Izrẹlụ.

Ẹzra 4:15

kẹni eze lele ebe wẹ detọsọnmẹ ihiẹn mẹ ogẹn ndị nẹdi ẹ. I k'a hụn a ebẹhụ nị obodoni wụ obodo nnupụ-isi, hụn e ye ndị-nze lẹ ndị a nọkin ẹnya wẹ Ẹgbẹrẹni nsọngbu; obodo nnupụ-isi k'ọ wụ ẹdẹi. Ya haịn wẹ gi tikpọ obodoni.

Itẹn 28:2

Alị nupụ isi okpuru Osolobuẹ, ndị ọkịkị e bu ọda, kanị onyẹ nwọn nghọta lẹ amamihiẹn e mẹ alị e nwọn udọn lẹ usọnrọn.

Ẹkịliziastisi 10:16

Nsọngbu rịkwọn'ị, alị hụn ogbori wụ eze ẹ, hụn eze ẹ te wụ igbọn nwọnlẹni ọzụnzụn, hụn ndị-isi ẹ e ri oriri ogẹn ụtụntụn.

Azaya 19:4

M k'e wẹ ndị Ijiptu che ẹka onyẹ ẹfọ jọ kịma; eze e mẹ ẹka-ikẹn ọda-ọda k'a kị wẹ.” Ya kẹ Di-nwọnni-ẹnyi ku — Osolobuẹ ihiẹn ile rị okpuru ẹ.

Azaya 3:1

Lee n'ẹ nwan! Di-nwọnni-ẹnyi, hụn wụ Osolobuẹ ihiẹn ile rị okpuru ẹ, e d'a napụ obodo Jerusalẹm lẹ alị Juda ile ihiẹn ile wẹ gi e dọn ẹnya: kẹ ihiẹn-oriri kẹ mirin,

Azaya 36:5

Nị m gwakwọ ị, ẹlẹkwọ imẹ-ọnụ kẹ wẹ gi e mẹ ẹ, kanị inwọn ndị-agha lẹ ịma lụ agha! Onyẹ wụ onyẹ hụn i gi e dọn ẹnya i gi nwan nupụ isi okpuru m?

Jerimaya 15:1

Osolobuẹ nọ sị m: “Ọsụọn'a nị Mozizi lẹ Samuẹlụ turu ihun m a rịọ m, omikẹn ndịnị emẹkọ m. Sị wẹ gha m ihun pụ! Wẹ jẹnmẹ!

Jerimaya 7:15

M k'a chụpụ ụnụ ebe m rị kẹ m dọn chụpụ mmunẹ ụnụ ile, ndị Ifrem.