Jerimaya 51:47 - Ika

⁴⁷ Makẹni, ogẹn k'a bịarịrị hụn m'e gi ye ihiẹn ndị ahụn wẹ e fe imẹ Babilọnụ ihiẹn wẹ chọ; alị hụ ile k'a fa, ozun ndị alị hụ wẹ k'e gbu k'e jun imẹ ẹ.

Jerimaya 51:47 Iomraidhean Croise

Azaya 21:9

Lee ẹ, okẹnnyẹ ohu gi ụgbọ-ẹshin lala — lẹ ẹshin ndị wẹ kwọngbama ẹbụọ-ẹbụọ dọnkpụkọn'a. Ihiẹn ọ shịarị m wụ, ‘Babilọnụ a dangụọ! Mmọn ile wẹ kpụ e gungwọnpụgụọ tọ alị!’ ”

Jerimaya 11:22

Ya Osolobuẹ ihiẹn ile rị okpuru ẹ nọ nwan sị, “M jẹnkọ d'e ye wẹ afụnfụn. Ọpịa-agha k'e gbu ikorọbịa wẹ la iwi; ẹgụn e gbu ụmụ wẹ ikẹnnyẹ lẹ ikpoho.

Jerimaya 13:21

K'i k'e ku ogẹn Osolobuẹ k'e bu i che okpuru ndị ị rị a han ọwụ? Ọ tụrụkọ ị nọkẹ ebe imẹ rị e mẹ okpoho?

Jerimaya 23:34

“Kẹ ndị-amụma kẹ ndị nchụn-ẹjan kẹ ndị-mmaka, hụn ọwụlẹ sị, ‘Osolobuẹ e buyegụọ m ibu amụma’, m sikọ d'e ye hụnyẹ lẹ ikpụlọ a ile afụnfụn.

Jerimaya 25:12

“Kanị, ahụa iri kwasị ọgụn-ẹtọ ahụn zugụ, m k'e ye eze Babilọnụ lẹ ndị alị a, ndị Kal'di, afụnfụn njọ wẹ. Mmẹ wụ Osolobuẹ e kugụọ a. M k'e mẹ ẹ gba okpokoro jẹnrin ejẹn.

Jerimaya 50:2

Osolobuẹ sị, “Gi ẹ yi oro; gwa wẹ ya imẹ alị ichẹn-ichẹn. Weshi ihiẹn-ahịma elu hị a! Ekuhọdụkwọlẹ! Sị wẹ, ‘Wẹ k'e mẹri Babilọnụ weri; ifẹnrẹn k'e mẹ mmọn wẹ wụ Bẹlụ! Wẹ jẹnkọ d'e tikpọchanrịn mmọn wẹ wụ Maduku; ifẹnrẹn k'e mẹ ihiẹn ndị ahụn wẹ kpụ wẹ e fe; wẹ k'e tikpọchanrịn ihiẹn ndị ahụn ile wẹ a rụa.’

Jerimaya 51:18

Abannị wẹ erere, wẹ wụhụ ihiẹn wẹ gi a kpa ẹmụ; wẹ jẹnkọ d'a la iwi ogẹn m'e gi mẹ wẹ ihiẹn furuni wẹ.

Jerimaya 51:24

“M jẹnkọ nwan d'a nọ idẹnya ụnụ mẹgwarị Babilọnụ lẹ ndị ile bi alị wẹ wụ Kal'di eje-ihiẹn ile wẹ mẹ imẹ Zayọnụ. Mmẹ wụ Osolobuẹ rị e ku.

Jerimaya 51:43

Obodo ndị rịn'a k'a gba okpokoro, họnrinsọnmẹ alị ọkpọ-nkụn lẹ atụ; alị ịhịan bilẹni alị wẹ ghalẹni a gha.

Jerimaya 51:52

“Ufiri ẹ, Osolobuẹ sị, ‘Ogẹn lala m'e gi mẹ ihiẹn ile ndị Babilọnụ kpụ w'e fe ihiẹn wẹ chọ, wẹ k'a gha a nụ udẹn ndị m k'a rụ eje-ẹhụ rị a sụn, imẹ alị hụ ile.