Jerimaya 51:42 - Ika

⁴² Ohimin k'e rukpumẹ Babilọnụ; okẹn ẹbiri mirin ohimin k'e rukpumẹ ẹ.

Jerimaya 51:42 Iomraidhean Croise

Ẹbụ-ọma 18:16

Osolobuẹ nọ gha elu tịnpụ ẹka, kwọndọn m — ọ dọpụha m imẹ mirin ahụn mini.

Ẹbụ-ọma 18:4

Ọnwụn te kẹn m ẹgbụn, ntikpọ e rukpumẹ m lekẹ okẹn-mirin.

Ẹbụ-ọma 42:7

Okẹn mirin hụ a zụn ụzụn a zụnkwasị, okẹn mirin i hụn rị e hutu elu ugu ndịnị; wẹ hụ a kpọshi elu, a kpọlụa, e rukpumẹ m!

Ẹbụ-ọma 65:7

Ịyụ a kụsị okẹn-ụzụn ohimin, ụzụn hụn ẹbi ohimin rị a zụn; y'a kụsị mban alị ndị ọzọ rị a ban.

Ẹbụ-ọma 93:3

Euu Osolobuẹ, iyi ndịnị e te zụnghọ ụzụn; okẹn-mirin ndịnị e te zụnghọ ụzụn kẹ w'a zụn; okẹn-mirin ndịnị a zụnghọ okẹn ụzụn,

Azaya 21:1

Ọnwan wụ ihiẹn Chuku ku banyeni Alị ọkpọ-nkụn ahụn nọkunmẹ Ohimin: Kẹ okẹn ufere dọn a gha ẹbamịn ndịdan-mirin wụ Nẹgẹvụ a fehẹ, ẹrịra kẹ wẹ gha nwan alị-ọkpọnkụn lala d'a maye i, Babilọnụ; wẹ gha eje-alị w'a tụ egun ẹ lala.

Jerimaya 51:55

Osolobuẹ e d'e tikpọ Babilọnụ; o d'a kụsị okẹn-ụzụn Babilọnụ rị a zụn. Ụzụn ndị k'e tikpọn'a k'a nọ kẹ nke okẹn mirin; olu wẹ k'a han ọda-ọda.

Izikẹlụ 26:3

Osolobuẹ Nwọn Ihiẹn Ile sị nwan: M k'e mẹ yụ wụ Taya ihiẹn! M wela alị bu ọda d'a maye i nọkẹ ẹbiri-ohimin.

Daniẹlụ 11:10

Mmụ a k'a kwademẹ agha, wegbama igunrun hi ogbe ndị jẹnkọ d'a lụ agha, e huru wẹ kẹ okẹn mirin wẹ ghalẹni a sa ẹka e gbọndọn lụ ọgụn ahụn d'e rukwọrị obi-eze eze alị rị ẹbamịn-ndịdan.

Daniẹlụ 7:2

Daniẹlụ sị: “Imẹ nrọ hụ m rọ imẹ uhinhin, e lee m ẹnya, e lee kẹ ufere rị a ghasọnmẹ ẹbamịn ẹnọ ọ gha e fe imẹ igwere e fe, e gberụrụ okẹn ohimin.

Daniẹlụ 9:26

‘Ẹsa ụzọ ẹbụọ-kwasị-ọgụn-ẹtọ hụ’ ghafegụ, e gbu wẹ Onyẹ hụ Osolobuẹ tumẹ bụ onwọnni ihiẹn ọ latọ. Ndị-agha hụn wẹ lẹ onyẹ ọkịkị ohu k'a wị bịa k'e tikpọ obodo nsọ lẹ Ụlọ-nsọ hụ. Isi njẹndemẹ k'a bịa idẹnmizi kẹ okẹn mirin rị e huni: Agha k'a lụsọnmẹ d'e ru njẹndemẹ, Osolobuẹ e kugụọ a nị okẹn ntikpọ jẹnkọ d'a rị.

Luku 21:25

“Wẹ jẹnkọ d'a hụn ihiẹn ahịma ihun ẹnyanwụn lẹ ifọn lẹ kokisẹ rị igwere. Imẹ ụwa, alị ichẹn-ichẹn jẹnkọ d'a rị imẹ nsọngbu, makẹ okẹn ụzụn ohimin rị a zụn lẹ k'o dọn rị e mẹhunmẹ ọda-ọda; o sikọ d'a gba wẹ ngharị-ẹnya.