Jerimaya 51:21 - Ika

²¹ ịyụ kẹ m gi e gbu ẹshin lẹ ndị-agha rị e nyinni wẹ; ịyụ kẹ m gi e tikpọ ụgbọ-ẹshin lẹ ndị-agha rị a nyannị wẹ;

Jerimaya 51:21 Iomraidhean Croise

Ẹbụ-ọma 46:9

Ọ mẹ wẹ a lụbehi agha imẹ ụwa ile; ọ kpagisọnmẹ ụta, e gungwọnpụ obo, a dụn akpaịn ọkụn.

Ẹbụ-ọma 76:6

Ogẹn yụ wụ Chuku Jekọpụ gi bigbọ, ndị-agha lẹ ẹshin-agha wẹ nọ ranhịn ụran wẹ ghalẹni e tẹnhin!

Ọpụpụ 15:1

Ya kẹ Mozizi lẹ ndị Izrẹlụ nọ bụnị Osolobuẹ ẹbụnị: “M k'a bụnị Osolobuẹ ẹbụ, makẹni o mẹriọlẹ mmẹri hi-ogbe. Kẹ anyịnyan kẹ onyẹ rị e nyinn'ẹ, ọ tụgụọ wẹ ye imẹ ohimin.

Ọpụpụ 15:21

Miriam hụ a buyeni wẹ ẹbụnị: “Bụnị nị Osolobuẹ ẹbụ, makẹni o mẹriọlẹ mmẹri hi-ogbe. Kẹ anyịnyan kẹ onyẹ rị e nyinn'ẹ, ọ tụgụọ wẹ ye imẹ ohimin!”

Ọpụpụ 15:4

Kẹ ụgbọ-anyịnyan Fẹro kẹ ndị-agha a, ọ tụgụọ wẹ ile ye imẹ ohimin. Ndị ọkị-agha pụ-ichẹn Fẹro a ragbugụọ enwẹn wẹ imẹ Ohimin-ufie.

Azaya 43:17

Osolobuẹ hụn mẹ ụgbọ-ẹshin lẹ ẹshin ndị ahụn chụrụ wẹ, hụn mẹ ndị-agha hụ lẹ ndị ile wẹ gi dọn ẹnya chụrụ wẹ, hụn bu wẹ gbama alị imẹ okẹn-ohimin ahụn, elihikọzị wẹ — wẹ nọ tinyụn, tinyụnchanrịn kẹ ukpẹ-ẹka —

Jerimaya 50:37

“Ọpịa-agha ya bunụmanị ẹshin lẹ ụgbọ-ẹshin Babilọnụ; ya d'e gbu itumunyẹ ile rị ndị-agha a! Obi k'e dẹnhin wẹ kẹ ikpoho. Ọpịa-agha ya weri akụ-lẹ-ụba Babilọnụ! Wẹ sikọ d'e kpọnrin wẹ ile.

Izikẹlụ 39:20

Ụnụ sikọ d'e ri anụ m k'e buye ụnụ rijun ẹfọ: anụ ẹshin lẹ ndị e nyinni wẹ lẹ anụ ndị odogun-agha lẹ ndị agha ile.’ Ya kẹ Osolobuẹ Nwọn Ihiẹn Ile ku.

Maịka 5:10

Osolobuẹ sị, “O ru ogẹn ahụn, m jẹnkọ d'e gbuchanrịn ẹshin-agha ụnụ, tikpọ ụgbọ-anyịnyan agha ụnụ;

Nahum 2:13

Mmẹ lẹ ịyụ rọ, Ninivẹ! Ya kẹ Osolobuẹ ihiẹn ile rị okpuru ẹ ku. M k'a dụn ụgbọ-anyịnyan ndị ahụn Ninivẹ nwọn ọkụn, e họnrin wẹ ẹnwụnrụn; ọpịa-agha k'e gbuchanrịn ndị nke i hụn wụ ụmụ ẹwọrọ ị, a napụ m'ị alị ndịnị ị rị e gbu a kwarị ihiẹn wẹ; anụkọzị wẹ olu ndị ụkọ ị!

Hagaị 2:22

M k'e wepụ ndị-nze alị-eze ichẹn-ichẹn ukpo, e tikpọ m ihiẹn ile alị-eze ichẹn-ichẹn gi a kpa ikẹn; m k'e titu ụgbọ-anyịnyan lẹ ndị rị a nyannị wẹ; ẹshin lẹ ndị rị e nyinni wẹ k'a dan, makẹni ndị rị e nyinni wẹ k'e gi ọpịa-agha gbu ibe wẹ.

Zẹkaraya 10:5

Wẹ k'a lụ agha kẹ odogun-agha, zọgbusọnmẹ ndị-iṅẹnrẹn imẹ ịkpọtọ rị ọgbara-ogbe; wẹ k'a lụshi ikẹn makẹni Osolobuẹ k'a nọyeni wẹ, e gbe wẹ ifẹnrẹn ye ndị gidẹ ẹshin-agha ihun — ndị gi ẹshin-agha a lụsọn wẹ agha.

Zẹkaraya 12:4

Osolobuẹ sị: o ru ogẹn hụ, m k'e bu egun che ẹshin ile ẹnya, tụ ndị rị e nyinn'ẹ ẹra. Kanị, m k'e dọnrin ẹnya lepụ ndị Juda ẹnya, mẹ ẹnya kpu ẹshin-agha alị ndị ọzọ ishi.

Rẹvẹleshọnụ 19:18

D'e ri ni anụ ndị-nze lẹ ndị ọkị-agha uku lẹ ndị odogun-agha; anụ ẹshin lẹ ndị e nyinni wẹ; anụ ịhịan ile — kẹ ndị nwọn enwẹn wẹ kẹ igbọn, kẹ ndị uku kẹ ndị nta!”