Jerimaya 51:15 - Ika

¹⁵ “Kanị, Chuku gi ikẹn ẹ ke ụwa; ịya gi akọ-lẹ-uche ẹ mẹmẹ ụwa, gi nghọta a shịshịapụ igwere.

Jerimaya 51:15 Iomraidhean Croise

Jobu 9:8

Ịya sụọ ke igwere hụn shịagbu enwẹn ẹ; ịya sụọ kẹ ẹbiri ohimin rị okpuru ẹ;

Ẹbụ-ọma 104:2

Ukpẹ k'i yi nọkẹ ẹwuru. Ịyụ shịshịapụ igwere rịkẹ okpukpu ụlọ;

Ẹbụ-ọma 104:24

Euu Osolobuẹ, ihiẹn i ke e bukẹkwọ ọda! Akọ-lẹ-uche k'i gi ke wẹ ile; ihiẹn i ke e jun elu-ụwa ile.

Ẹbụ-ọma 107:25

k'o dọnmẹ gi oku-ọnụ mẹ okẹn ẹbi kpọma Ohimin, mirin Ohimin e bulimẹ elu.

Ẹbụ-ọma 136:5

Kpanmịn nị Onyẹ ahụn gi ẹka a ke igwere; makẹni ihiẹn-ọsụsụọ a rị jẹnrin ejẹn.

Itẹn 3:19

Amamihiẹn kẹ Osolobuẹ gi gbe iyetọ ụwa, nghọta k'o gi dọnmẹ igwere ebe o dọnmẹ ẹ;

Azaya 40:22

Osolobuẹ nọdị alị ebe mẹ ohi-ohi ghahunmẹ ụwa, ndị ile bi elu ụwa rị kẹ kpamkpam ẹnya a. Ọ shịapụ igwere kẹ ịhara, ọ shịapụ a kẹ okpukpu ụlọ w'e bi.

Azaya 40:26

Weshidẹ ni ẹnya elu lee igwere: Onyẹ ke ihiẹn ndịnị ile? Onyẹ hụ hụn a kịpụha kokisẹ ile ohu-ohu, a kpọ wẹ ẹfan. Onwọnni akpụ-ohu e tuhuni, Makẹni ọ wụ dikẹn nwọn ikẹn ọda-ọda,

Azaya 42:5

Lee ihiẹn Chuku wụ Osolobuẹ ku — Chuku hụn ke igwere ile, gbama wẹ; hụn gbama elu-ụwa lẹ ihiẹn ile a gha imẹ ẹ a pụha, Chuku hụn e ye ndị rị elu-ụwa uzun, e ye ndị ile rịn'a ndụn:

Azaya 44:24

Lee ihiẹn Osolobuẹ ku — ihiẹn Onyẹ hụn gbapụhan'ị ku, Onyẹ hụn mẹmẹ i imẹ ẹfọ-nnẹ i: ọ sị: “Mmẹ wụ Osolobuẹ hụn ke ihiẹn ile; mmẹ sụọ setịnpụ igwere; gi ẹka m gbama ụwa kẹ ẹkwa.

Azaya 45:12

Mmẹ ke ụwa, mmẹ ke ịhịan butọ elu ẹ; mmẹ gi ẹka m shịshịapụ igwere, kịpụha ihiẹn ile rịn'a che ebe wẹ rịsọnmẹ nwan.

Azaya 48:13

Ẹka m gbe iyetọ ụwa, ẹka-nni m shịshịapụ igwere; m kpọ wẹ, a pụha wẹ.

Azaya 51:13

Onyẹ k'ị wụ hụn i gi a zọ Osolobuẹ hụn ken'i, hụn shịshịapụ igwere, gbe iyetọ ụwa? Onyẹ k'ị wụdẹ nwan egun gi a tụ ị ụhụọkịn ile makẹ ọnụma onyẹ rị a bịangbuni, hụn rị a sị n'o k'e tikpọrịrị? Kịnị kẹ ọnụma onyẹ hụ rị a bịangbuni k'e mẹdẹ nwan?

Jerimaya 27:5

mmẹ gi ẹka m lẹ ikẹn m hi-ogbe ke ụwa lẹ ịhịan lẹ anụmanụ rịn'a; m'e wezikwọ a e ye onyẹ m chọnị m ye ẹ.

Jerimaya 32:17

“Euu, Osolobuẹ ihiẹn ile rị okpuru ẹ, yụ gi ikẹn i hi-ogbe lẹ ẹka ị tịnpụ mẹmẹ igwere lẹ ụwa! Onwọnni ihiẹn a karị ị ẹka.

Zẹkaraya 12:1

Ọnwan wụ ihiẹn Osolobuẹ ku banyeni alị Izrẹlụ: “Lee ni ihiẹn Osolobuẹ ku, Osolobuẹ hụn gbama igwere, hụn ke ụwa, hụn ke mmọn rị imẹ ịhịan:

Ọrụn Ndị-ozi 14:15

“Ibe ẹnyi, kị ụnụ rị e mẹ ihiẹnni?! Ẹnyi wụhụ ịhịan mmaka nọ kẹ ụnụ!! Ẹnyi wẹhẹni ụnụ oziọma, kẹni ụnụ hụn ụzọ gbehutọ, la ihiẹn ndịnị nwọnlẹni-isi tọ, pụha d'e kunrun Osolobuẹ rị ndụn, onyẹ hụn ke elu-igwee lẹ ụwa lẹ ohimin lẹ ihiẹn ile rị imẹ wẹ.

Ọrụn Ndị-ozi 17:24

“Osolobuẹ hụn ke ụwa lẹ ihiẹn ile rị imẹ ẹ, Onyẹ hụn nwọn elu-igwee lẹ ụwa, ara bi ụlọ-mmọn wẹ gi ẹka tụn;

Ndị Rom 1:20

Ebe o mẹ ni kete Osolobuẹ kelẹ ụwa, ihiẹn ile wẹ ghalẹni e legha banyeni Osolobuẹ pụhachanrịn ifọn, kẹ ikẹn-itẹbitẹ ẹ kẹ ihiẹn o gi wụrụ Osolobuẹ; makẹni w'e gi ihiẹn o ke a ghọta wẹ. Onwọnzini nwan ihiẹn wẹ k'e kin!

Ndị Rom 11:33

Euu! Osolobuẹ e mẹkẹnmẹkẹ ọdanfịn! Amamihiẹn ẹ lẹ akọ-lẹ-uche ẹ e mikẹ! W'a ra saẹka ghọta iroro ẹ! W'a ra saẹka ghọta k'o mẹ!

Rẹvẹleshọnụ 4:11

“Chuku-nwọnni ẹnyi, i furu onyẹ w'a ja mma makẹni ọghọ lẹ mgbaye lẹ ikẹn wụ nke i. Makẹni, ịyụ ke ihiẹn ile. Ịyụ chọ nị wẹ rị; ịyụ chọ n'ị ke wẹ.”