Jerimaya 50:6 - Ika

⁶ “Ndị nke m a wụrụgụọ atụnrụn tuhuni; ndị-ndu wẹ e duhuhugụọ wẹ, mẹ wẹ wahunmẹmẹ elu ugu rị ichẹn-ichẹn. Wẹ hụ a wahunmẹ elu ugu lẹ òke, zọ ebe wẹ nọ e zu ikẹn.

Jerimaya 50:6 Iomraidhean Croise

Ẹbụ-ọma 116:7

Obi m, zumẹzi nwan ikẹn, nị Osolobuẹ e mẹkẹmẹkẹni m.

Ẹbụ-ọma 119:176

A kpahugụọ m nọkẹ atụnrụn tuhuni; dodo chọha odibo i, nị azọnị m iwu i.

Ẹbụ-ọma 23:2

O mẹ m e ri a makpuru ebe irurue rị; o dujẹn m mkpẹnrẹn mirin mẹ jụụ d'a ra,

Ẹbụ-ọma 32:7

Ịyụ wụ ebe m'a warị; y'e chemẹ m ogẹn nsọngbu — e mẹ wẹ e yi oro azụụn ile nị y'a zụọpụhagụọ m. Sẹla

Ẹbụ-ọma 90:1

Osolobuẹ, ịyụ wụ ebe obibi ẹnyi, gha alị lala.

Ẹbụ-ọma 91:1

Onyẹ hụn warị okpuru Chuku Kachanrịnnị, a rịsọnmẹ igungun Onyẹ Nwọn Ikẹn Ile.

Azaya 1:3

Efin a marịnghọ onyẹ-nwọnn'ẹ; jaki nkẹ a marịnzịghọ ihiẹn di-nwọnn'ẹ gi e butọn'a ihiẹn-oriri, kanị Izrẹlụ amarịn, ndị nke m aghọtanị!”

Azaya 30:15

Di-nwọnni-ẹnyi, hụn wụ Osolobuẹ, Onyẹ-nsọ Izrẹlụ, sị: “Ibihutọ ẹka lẹ igi ndidin cheri m kẹ ụnụ k'e gi wanahịn, ịgba-nkịtịn lẹ igi m dọn ẹnya a wụrụ ikẹn ụnụ, kanị ụnụ ekwerini.

Azaya 32:2

Onyẹ-onyẹ imẹ wẹ sikọ d'a wụrụ ebe ịhịan a warị ogẹn okẹn ufere lẹ ebe w'a gbaban ẹbi gha a kpọ; wẹ k'a nọ kẹ mirin iyi imẹ alị ọkpọ-nkụn, lekẹ igungun okẹn-ọmụma imẹ alị anwụn nọ a mụ ọda-ọda.

Azaya 53:6

Ẹnyi ile a kpahugụọ nọkẹ atụnrụn; onyẹ-onyẹ a warị ẹbụ a — Osolobuẹ e bukwasị a njọ ẹnyi ile.

Jerimaya 10:21

Ndị-ndu ẹnyi enwọn uche — w'a ra jụ Osolobuẹ uche ẹ; ya haịn ihiẹn gilẹni a rịnị wẹ nwan mma, ndị wẹ rị e du a gbayịyagụọ.

Jerimaya 13:16

Kwerikwọ nị hụn Osolobuẹ wụ Chuku ụnụ ku gi ye ẹ ọghọ — o gini d'e mẹ ishi gbakpumẹ ụnụ, ụnụ gini d'a kpọgburumẹ lekẹ onyẹ-ijẹn ghakọ elu òke ebe eki rị e gi. Ụnụ rị a tụ ẹnya ukpẹ, kanị Osolobuẹ k'e mẹ ẹ wụrụ ẹkpa-ishi; o k'e mẹ ẹ wụrụ okẹn ishi.

Jerimaya 2:20

O teọlẹ ị kpagipụ ihiẹn m gi limẹ i, tibepụ eriri ẹ; ị sị, ‘Efekọ m'ị!’ Eziẹ-eziẹ, y'a nọ elu òke ọwụlẹ jẹn elu lẹ okpuru osisi ọwụlẹ duni e we enwẹn ụnụ a kwanị mmọn lẹ iyi — kẹ ịgbaraja dọn e mẹ ịhịan.

Jerimaya 2:32

Nị nwagbọọ zọ yiri ejije ẹ? Nị okpoho rị a gba ẹkụkwọ zọ yiri ihiẹn-mma a? Bụ ndị nke m a zọgụọ m — zọgele m.

Jerimaya 23:1

Eje-nsọngbu rị e che ndị-ndu ndị nke m hụn rị e mẹ wẹ a la iwi, a gbayịya. Ya kẹ Osolobuẹ ku.

Jerimaya 3:23

Eziẹ, ụzụn ile ẹnyi a zụn ebe ẹnyi rị a rụa mmọn elu òke lẹ elu-ugu enwọn isi; ezioku, ẹka Osolobuẹ wụ Chuku ẹnyi sụọ kẹ nzụọpụha k'a gha bịanị Izrẹlụ.

Jerimaya 3:6

Ogẹn Josaya gi wụ eze Juda, Osolobuẹ nọ sị m, “Y'a hụngụọ ihiẹn Izrẹlụ Ẹbamịn-ugu danpụgụnị mẹ? O jẹnsọnmẹgụọ elu òke jẹn elu lẹ okpuru osisi ọwụlẹ duni d'a gba ịgbaraja a wụ ife mmọn ichẹn-ichẹn.

Jerimaya 33:12

“Mmẹ wụ Osolobuẹ, hụn ihiẹn ile rị okpuru ẹ sị: ọsụọn'a nị ebeni a gbagụọ nwan okpokoro, nke wụnị onwọnzini ịhịan mọbụ anụmanụ họdụnị, omẹgụ, ọfịa ndị e du anụ k'e wejẹn anụ wẹ d'a kpa nni k'a rịzị imẹ obodo ile rịn'a, anụ a nọ wẹ rijun ẹfọ, makpuru.

Jerimaya 50:17

“Izrẹlụ a wụrụgụọ atụnrụn gbayịyanị, atụnrụn ẹwọrọ chụzịza. Eze ndị Asiria bu ụzọ nwụnri ẹ, Nebukadineza eze Babilọnụ nọ nwan tachan ọkpụkpụ a.”

Jerimaya 50:19

Kanị m k'e welụa Izrẹlụ alị wẹ wẹ nọ a kpa nni. Wẹ k'a nọzị ugu Kamẹlụ lẹ alị-aradan Bashanị e ri, ebẹhụ ihiẹn-oriri jun, nọzị elu-òke Ifrem lẹ ẹgbẹrẹ Gilẹdị e ri ihiẹn gụnị wẹ.

Izikẹlụ 13:10

“Makẹni e gigụọ wẹ wẹ ile duhuhu ndị nke m, a sị wẹ, ‘Nsọngbu arịa,’ bụ nsọngbu jun ejun; ịhịan hụ a tụn ẹhụ-ụlọ zelẹni, ndị amụmanị hụ e gi ihiẹn-ọchan e te ẹ n'ọ la ẹnya!

Izikẹlụ 34:14

Ebe ezigbo ẹfịfịa rị kẹ m'a nọ zụn wẹ; elu ugu ndị rị Izrẹlụ kẹ wẹ k'a nọ a kpa nni. Ẹghẹẹ, wẹ k'e ri, dinẹ ebe ẹfịfịa rị mma jun, wẹ k'a nọ elu ugu Izrẹlụ ebe ẹfịfịa rị mma rị a kpa nni.

Izikẹlụ 34:15

Mmẹ k'e du atụnrụn m, mẹ wẹ ri, dinẹ. Ya kẹ Osolobuẹ Nwọn Ihiẹn Ile ku.

Izikẹlụ 34:16

M k'a chọ ndị tuhuni; m k'e wekinhẹn ndị kpahuni. M k'e kẹnmẹ ndị rụ ẹhụ ebe wẹ rụ ẹhụ, e mẹ m ndị kẹnrẹnlẹni kẹnrẹn. Kanị m k'e tikpọ ndị tutuni lẹ ndị kẹnrẹnni hụn rị a kpangbu ibe wẹ. M k'e du wẹ ile k'o dọn furu.

Matiu 10:6

Ka jẹnmẹ ni d'e kunrun atụnrụn Izrẹlụ huni.

Matiu 15:24

Jesu nọ sị, “Wẹ zi m d'e kunrun atụnrụn Izrẹlụ huni sụọ.”

Matiu 9:36

Ọ hụ a hụn igunrun ịhịan rịsọnmẹ imẹ obodo ndị ahụn, omikẹn wẹ hụ e mẹ ẹ, makẹni wẹ wụ ndị rị imẹ nsọngbu, marịnlẹni hụn w'e mẹ, rịkẹ atụnrụn nwọnlẹni onyẹ-ndu.

Pita Ibuzọ 2:25

Ụnụ te rị a kpahu kẹ atụnrụn, kanị ụnụ e kinhẹngụọ nwan d'e kunrun onyẹ hụn e du ụnụ kẹ atụnrụn, onyẹ hụn e lepụ umẹ-ndụn ụnụ ẹnya.