Jerimaya 50:44 - Ika

⁴⁴ “Lee ẹ! Kẹ ẹwọrọ dọn a gha ọfịa mkpẹnrẹn iyi-Jọdanị a pụha ebe atụnrụn nọ a kpa nni mkpẹnrẹn mirin hụ ghalẹni a tahị, ẹrịra kẹ m k'a dọn maye ndị Babilọnụ idẹnmizi, mẹ wẹ gba alị wẹ tọ. Onyẹ m chọ kẹ m'e gi mẹ ẹ. Onyẹ nọ kẹ mmẹ? Onyẹ k'a jụ m ihiẹn ọwụlẹ? Elee eze k'a s'ẹka che m ọgụn?”

Jerimaya 50:44 Iomraidhean Croise

Ẹbụ-ọma 89:6

Onyẹ nọ kẹ Osolobuẹ imẹ igwere? E lee mmọn nọ kẹ Osolobuẹ?!

Ẹbụ-ọma 89:8

Osolobuẹ, Chuku ihiẹn ile rị okpuru ẹ, onyẹ wụ dikẹn lekẹ yụ, Osolobuẹ? Ọ pụhachanrịn ifọn azụụn ile n'ị wụ Onyẹ wẹ gi e dọn ẹnya.

Ọpụpụ 15:11

“Euu Osolobuẹ, elee mmọn nọ kẹ yụ? Onyẹ nọ kẹ yụ — hụn rị nsọ pụ-ichẹn; hụn e mẹ ihiẹn a tụ egun w'a ja mma; hụn a rụn ọrụn atụmẹnya?

Azaya 40:18

Onyẹ kẹ ụnụ e gi nwan jeni Chuku? Kịnị kẹ ụnụ k'a sị nị ịya k'o yi?

Azaya 40:25

“Onyẹ kẹ ụnụ e gi nwan jeni m? Onyẹ kẹ mmẹ lẹ ịya han?” Ịya kẹ Onyẹ ahụn rị nsọ ku.

Azaya 41:25

A kpọligụọ m onyẹ ohu rị ẹbamịn-ugu; ọ lala, onyẹ ohu hụn rị ẹbamịn ọwụwa-ẹnyanwụn — hụn a kpọku ẹfan m. Ọ zọ ndị-ọkịkị ụkụ nọkẹ sị wẹ wụ ụrụa, nọkẹ ọkpụ-ite rị a zọ ụrụa o gi a kpụ ite.

Azaya 43:10

Osolobuẹ sị, “Ụnụ wụ ọshẹri m, odibo m hụn m họrị n'ọ marịn m, kweri oku m, ghọtazịkwọ nị mmẹ rọ. Onwọnni mmọn buni m ụzọ, onwọnzikwọnị hụn k'a nọkin ẹnya m.

Azaya 46:11

M'a gha ẹbamịn ọwụwa-ẹnyanwụn a kpọha nnụnụ e ri anụ; m'a gha alị hụn tegbu enwẹn ẹ a kpọha okẹnnyẹ hụn k'e mẹ ihiẹn m bu obi. Ihiẹn hụn m ku, m k'e mẹzurịrị a, ihiẹn hụn m romẹ, m k'e mẹrịrị a.

Azaya 46:9

Nyanhan nị ihiẹn ndị hụn mẹni, ihiẹn ndị hụn mẹ mbụ-mbụ; mmẹ wụ Osolobuẹ, ọzọ arịa. Mmẹ wụ Osolobuẹ, onwọnni onyẹ nọ kẹ mmẹ.

Azaya 48:14

Kokomẹ ni d'e gọn ntịn, ụnụ ile: Ele mmọn gwatu ụnụ ihiẹn ndịnị ushin? Onyẹ ahụn Osolobuẹ họrị, k'e mẹ Babilọnụ ihiẹn Osolobuẹ chọ; o k'e mẹshin'ẹ ndị Babilọnụ ikẹn.

Jerimaya 12:5

Osolobuẹ nọ sị m, “Omẹni ndị-ụkụ k'i sọn gba ọsọ, e mẹ wẹ ndụn gụ ị, nanị y'a dọn nwan sọn ẹshin gba ọsọ? Ị hụ ebe fọnni a kpọgburu, k'i k'e mẹzi nwan imẹ ọfịa kinni rị mkpẹnrẹn Iyi Jọdanị?

Jerimaya 25:38

Ọ ghagụọ ebe o bi pụ nọkẹ ẹwọrọ; alị wẹ k'a gba okpokoro, yeni olulu onyẹ rị e mẹshi wẹ ikẹn, olulu ẹ hụn rị a dụn kẹ ọkụn.

Jerimaya 30:21

Onyẹ nke wẹ jẹnkọ d'a kị wẹ; imẹ igunrun wẹ kẹ onyẹ k'a kịnị wẹ k'a gha pụha. M k'e wezụnhan a, ọ nọkunmẹ m — makẹni onwọnni onyẹ k'a sa ẹka nọkunmẹ m sokpan mmẹ wezụnhan a. Ya kẹ Osolobuẹ ku.

Jerimaya 50:15

Yi ni n'ẹ oro-agha azụụn ile! Ọ rịọmagụọ dodo! Ụlọ-agha a ile a dangụọ! E tikpọchanrịn wẹ mgbọn ẹ! makẹni mmẹ wụ Osolobuẹ rị e mẹgwarị a. Mẹgwarị n'a! Mẹ n'ẹ ihiẹn o mẹ ndị ọzọ!

Zẹkaraya 11:3

Ndị e du anụ rị e goo, makẹni ihiẹn wẹ gi e bi e wiwigụọ! Ẹwọrọ rị ẹgboko Iyi Jọdanị rị e dẹn, makẹni ẹgboko Iyi Jọdanị a lagụọ iwi!

Ọgụngụn 16:5

Ya ọ nọ sị Kora lẹ ndị ile sọnkọn'a, “O ru ụtụntụn ekile, Osolobuẹ a ghọsị onyẹ hụn wụ nke ẹ lẹ onyẹ hụn rị nsọ — mẹ onyẹ ahụn nọkunmẹ ẹ. Onyẹ hụn ọ họrị k'o k'a nị nọkunmẹ ẹ.