Jerimaya 50:4 - Ika

⁴ “Osolobuẹ sị, ‘O ru ogẹn ahụn, ndị Izrẹlụ Ẹbamịn-ugu lẹ ndị Juda k'e gi ẹnya-mirin chọma Osolobuẹ wụ Chuku wẹ.

Jerimaya 50:4 Iomraidhean Croise

Ihiẹn Mẹni Nke Ẹbụọ 7:14

omẹni ndị nke m, ndị rị a za ẹfan m, e welụaghọ enwẹn wẹ alị, mẹ ekpere, chọ ihun m, latọ eje-ihiẹn w'e mẹ, m k'a gha elu-igwee nụ olu wẹ, a gbagharị m wẹ njọ, zụọ alị wẹ emu rị a kụn'a.

Ẹbụ-ọma 105:4

A chọ nị Osolobuẹ lẹ ikẹn ẹ; a rịọn'a ogẹn ile.

Azaya 14:1

Osolobuẹ jẹnkọ d'e mẹ omikẹn ebọn Jekọpụ; o k'a họrịzị ebọn Jekọpụ wụ Izrẹlụ, mẹ wẹ birizi alị wẹ. Ndị alị ọzọ k'e sọn wẹ biri ebẹhụ, wẹ lẹ ikpụnọ Jekọpụ e họnrin ohu.

Azaya 45:19

Ekuni m'ẹ nzuzue, anọnị m ebe tegbu enwẹn ẹ gba ishi ku ẹ — asịnị m ebọn Jekọpụ ‘femẹ m mmaka’, Ezioku k'e mmẹ wụ Osolobuẹ e ku; ntụ arị oku m.

Azaya 55:6

Chọ Osolobuẹ ogẹn y'e gi hụn a; kpọku ẹ ogẹn o gi rị nsue.

Azaya 63:4

Makẹni ọ rịọlẹ m obi nị m k'e mẹgwarị; makẹni ahụa m'e gi gbapụha e rugụọ.

Jerimaya 31:31

Osolobuẹ sị, “Ezioku, ogẹn lala hụn m k'e gi mẹmẹ nkwerigbama ọhụn, hụn k'e kwọngbama mmẹ lẹ ndị Izrẹlụ lẹ ndị Juda.

Jerimaya 33:15

O ru ogẹn hụ daị, m k'e wepụhanị Defidi ịhịan lekẹ agala osisi, onyẹ ezi-omumẹ hụn k'a nọ ukpo ẹ kị alịnị, e mẹ ihiẹn furuni, e mẹ ezi-omumẹ,

Jerimaya 41:6

Ya Ishmẹlụ nwa Nẹtanịa nọ gha Mizpa pụha d'e kunrun wẹ, a kwan. O kunrun wẹ, ọ nọ sị wẹ, “D'e lee ni Gẹdalia nwa Ahikam.”

Izikẹlụ 16:61

Ị k'a nyanhan obibi i, ifẹnrẹn e mẹ i ogẹn i sikọ d'e nwọnhẹnzi mmunẹ i, kẹ ndị dịann'ị kẹ ndị ị dịan. M k'e we wẹ ye i, a wụrụ wẹ mmụ ị, kanị ẹlẹ ufiri nkwerigbama mmẹ lẹ yụ.

Izikẹlụ 39:25

“Osolobuẹ Nwọn Ihiẹn Ile sị: M k'e wepụha nwan ebọn Jekọpụ ẹka ndị gini wẹ. Ẹghẹẹ, m sikọ nwan d'e mẹ omikẹn Izrẹlụ ile; m sikọ d'e mẹ nị m dọnmẹ Ẹfan-nsọ m.

Hosia 1:11

Ndị Juda lẹ ndị Izrẹlụ Ẹbamịn-ugu k'a kịgbama, a họrị wẹ onyẹ-isi ohu jẹnkọ d'a kịnị wẹ, a palizi wẹ, ghamazị ihun imẹ alịnị. Eziẹ, ụhụọhịn Jezriẹlụ k'a wụ okẹn ụhụọhịn!

Hosia 11:10

Omẹgụ, wẹ k'e kinhẹn: wẹ k'a gbasọn Osolobuẹ, ogẹn m'e gi dẹn kẹ ẹwọrọ. M dẹnhụ kẹ ẹwọrọ, ụmụ m rị ẹbamịn ọdịdan-ẹnyanwụn e gi ẹhụ ọmụma-nni buruhẹ m.

Hosia 3:5

Kanị, omẹgụ, ndị Izrẹlụ k'a lụahazị, chọmazị Osolobuẹ wụ Chuku wẹ lẹ onyẹ ebọn Defidi ahụn k'a wụ eze wẹ. Wẹ k'a ma piripiri bịa d'e kunrun Osolobuẹ lẹ ngọzi ẹ — ogẹn ikpanzụụn.

Hosia 6:1

Wẹ k'a sị, “Nị ẹnyi kinni azụụn ebe Osolobuẹ rị! Ọ dọkịkagụọ ẹnyi, kanị, o k'a zụọ ẹnyi; ọ rụgụọ ẹnyi ẹhụ, kanị, o k'e kẹnmẹ ẹtẹ ẹnyi.

Juwẹlụ 2:12

Kanị Osolobuẹ sị, “Echẹn kẹ oghere rịkwọ nwan! Gichanrịn nị nwan obi ụnụ ile kinhẹn ya lẹ ibu-ọnụ lẹ ẹkwan lẹ ihulụa-isi;

Zẹkaraya 12:10

M k'e hu mmọn omikẹn lẹ arịrịọ ye ebọn eze-Defidi lẹ ndị bi Jerusalẹm obi, nke wụnị, wẹ k'e lee m ẹnya, onyẹ hụn wẹ dụn ihiẹn, a kwannị w'a ẹkwan kẹ ịhịan a kwan akpụ nwa ohu ọ mụ; wẹ k'a kwangbu enwẹn wẹ nọkẹ onyẹ okẹnnyẹ ibuzọ a nwụnnahịn.

Jemisi 4:9

Goo ni! Kwan nị! Kwan nị ẹnya-mirin! Gi ni ẹkwan nọkin ẹnya ẹmụ ụnụ, ụnụ a la ịghọghọ tọ, rọnmẹ ihun!