Jerimaya 50:16 - Ika

¹⁶ Gbunarịn nị Babilọnụ ndị a kụn ihiẹn ugbo lẹ ndị a ghọ ihiẹn ugbo. Egun ọpịa-agha eṅẹnrẹn k'a chụdẹ abịamabịa ile. Onyẹ-onyẹ a gbaburu ndị nke ẹ; onyẹ-onyẹ a gbashi alị a.

Jerimaya 50:16 Iomraidhean Croise

Azaya 13:14

Kẹ ele wẹ rị a chụ dọn a gba ọsọ lẹzi kẹ atụnrụn nwọnlẹni onyẹ e duni wẹ dọn a gbayịya, ẹrịra kẹ onyẹ-onyẹ k'a dọn gbapụ, gbaburu ndị nke wẹ; onyẹ-onyẹ a gbapụ, gbashi alị a.

Jerimaya 25:38

Ọ ghagụọ ebe o bi pụ nọkẹ ẹwọrọ; alị wẹ k'a gba okpokoro, yeni olulu onyẹ rị e mẹshi wẹ ikẹn, olulu ẹ hụn rị a dụn kẹ ọkụn.

Jerimaya 46:16

M k'e mẹ ndị bugbu enwẹn wẹ ọda a kpọgburu a dan; wẹ k'a rị a dankwasị ibe wẹ gbakọnị. Wẹ k'a rị a sị ibe wẹ, ‘Lihi ni, nị ẹnyi laburu ndị nke ẹnyi, nị ẹnyi lakin alị ẹnyi, wanahịn ọpịa-agha ndị-iṅẹnrẹn ẹnyi.’

Jerimaya 51:23

ịyụ kẹ m gi e gbu onyẹ e du anụ lẹ igunrun-anụ; ịyụ kẹ m gi e gbu onyẹ-ugbo lẹ okẹn-efin o gi a rụn ugbo; ịyụ kẹ m gi e gbu ndị ọkịkị lẹ ndị-isi.

Jerimaya 51:9

“Ịhịan k'a gha a sị, ‘Ẹnyi a zụọghọ Babilọnụ, kanị ọ nịnị zụọ; nị ẹnyi lan'a tọ; onyẹ-onyẹ ya la alị a. Makẹni afụnfụn Osolobuẹ rị e ye ẹ jẹnhan elu kẹ igwere, elumelu ẹ e jẹnhanghọ elu kẹ orukpu.’

Juwẹlụ 1:11

Ya fụma ụnụ, ndị ugbo! Ndị ugbo vaịnị, gomẹ ni! ịhịan ile kwanma nị, nị ọka-witi lẹ ọka-bali e wiwigụọ! Ihiẹn wẹ k'a ghọ imẹ ugbo e wiwigụọ!

Emọsụ 5:16

Makẹ njọ ndị Izrẹlụ, Osolobuẹ, Chuku ihiẹn ile rị okpuru ẹ, sị, “Wẹ k'a rị e goo imẹ ughere ile; wẹ k'a rị a kwan ‘Ụya! Ụya!!’ ọgbara ogbe ile; Wẹ k'a kpọ ndị-ugbo d'a kwan ẹkwan, sị ndị ma kwan ụya d'e gomẹ.