Jerimaya 50:1 - Ika

¹ Ọnwan wụ ihiẹn Osolobuẹ gwa Jerimaya onyẹ-amụma banyeni Babilọnụ isi-alị ndị Kal'di lẹzi banyeni alị ndị Kal'di ile.

Jerimaya 50:1 Iomraidhean Croise

Jẹnẹsisi 10:10

Obodo Babẹlụ lẹ Ẹrẹkị lẹ Akadị lẹ Kal'nẹ kẹ alị-eze Nimrọdụ gha bidọn — alị ndịnị ile rịsọnmẹ alị Shina wụ Babilọnụ.

Jẹnẹsisi 11:31

O mẹgụ, Tẹra nọ weri Ebram nwa a lẹ nwa-nwa a wụ Lọtụ lẹ Saraị nwunyẹ nwa a, nwunyẹ Ebram nwa a, wẹ nọ gha obodo Uru hụn rị alị ndị Kal'di wụ Babilọnụ pụ, kẹni wẹ kwashi alị Kenaanị. Kanị, e ru wẹ alị w'a kpọ Haranị, wẹ nọ biri ebahụn.

Jẹnẹsisi 11:9

Ya haịn wẹ gi a kpọ ebahụn “Babẹlụ”, makẹni ebahụn kẹ Osolobuẹ nọ mẹ ụwa ile sụma asụsụ ichẹn-ichẹn. Osolobuẹ nọ gha ebẹhụ feyịya wẹ elu ụwa ile.

Samuẹlụ Nke Ẹbụọ 23:2

“Mmọn Osolobuẹ gi m ku; oku ẹ rị m ire.

Ndị-nze Nke Ẹbụọ 17:24

Eze Asiria nọ nwan kpọnhẹn ndị rị ichẹn-ichẹn: ndị Babilọnụ, ndị Kọta, ndị Ava, ndị Hamatị lẹ ndị Sẹfavụ. O mẹ wẹ birisọnmẹ obodo ndị rị Sameria, gi wẹ nọkin ẹnya ndị Izrẹlụ Ẹbamịn ugu. Wẹ nọ weri Sameria, biri imẹ obodo ndị rịn'a.

Jobu 1:17

Odibo hụ eke kugụ kẹ onyẹ ọzọ bịazị, sị, “Ndị Kal'di alị Babilọnụ dọn enwẹn wẹ itu ẹtọ zụnbanhan igunrun anyịnyan-mkpukpuke i, kpụnrụn wẹ, gi ọpịa gbuchanrịn idibo i. Mmẹ sụọ wanahịn d'a gwa ị.”

Azaya 14:4

ụnụ jẹnkọ d'a rị a mụ eze Babilọnụ ẹmụ, a sị: Onyẹ nwẹn a kịgbu ịhịan, nke ẹ a gụgụọ! Ẹka-ikẹn ẹ hụ ile e bigụọ!

Azaya 23:13

Lee kẹ alị ndị Kal'di wụ Babilọnụ nọ nwan, ndị hụ nwọnzilẹni nwan ebe wẹ rị! Ndị Asiria e gigụọ alị hụ họnrin ebe anụ-ọfịa ichẹn-ichẹn e bi; ndị Asiria rụnhụ mkpọnyin wẹ gi a lụsọn obodo nwọn mgbọn agha, nọ a gba ebe ile Babilọnụ gi dọn ẹnya okpokoro, mẹ alị hụ họnrin mkpọkọ-mkpọkọ!

Jerimaya 25:12

“Kanị, ahụa iri kwasị ọgụn-ẹtọ ahụn zugụ, m k'e ye eze Babilọnụ lẹ ndị alị a, ndị Kal'di, afụnfụn njọ wẹ. Mmẹ wụ Osolobuẹ e kugụọ a. M k'e mẹ ẹ gba okpokoro jẹnrin ejẹn.

Jerimaya 27:7

Alị ile jẹnkọ d'e humẹn'ẹ isi, humẹni nwa a isi, humẹzini nwa-nwa a isi d'e ru ogẹn m'e gi tikpọzịkwọ alị ya nwẹn wụ Babilọnụ. O ru ogẹn hụ, alị bu ọda lẹ ndị-nze bu ọda a kpazịkwọ ikẹn jẹnkọ d'e mẹri Babilọnụ, kịma a.

Daniẹlụ 1:1

Imẹ ahụa nke ẹtọ Jehoyakim wụ eze Juda kịma, Nebukadineza wụ eze Babilọnụ nọ bịa Jerusalẹm, gi ndị-agha a kehunmẹ ẹ.

Ọrụn Ndị-ozi 7:4

Ya k'ọ nọ la alị ndị Kal'di tọ, jẹn d'e biri alị Haranị. Ogẹn nẹdi ẹ gi nwụnhụn, Osolobuẹ nọ zihẹ ẹ alịnị ụnụ bi nwan —

Pita Nke Ẹbụọ 1:21

makẹni, onwọnni ihiẹn rị imẹ Ẹkụkwọ-nsọ gha uche ịhịan pụha. Kama, Mmọn-nsọ nu ndị kuni, wẹ nọ ku ihiẹn gha ebe Osolobuẹ rị bịa.

Rẹvẹleshọnụ 14:8

Mmọn-ozi ọzọ, hụn mẹ ẹ ẹbụọ, nọ pụha, a sị, “Ọ dangụọ! Obodo uku ahụn wụ Babilọnụ a dangụọ! Okpoho ahụn mẹ alị ile ra manya a hụn wụ ịgbaraja a!”