Jerimaya 5:9 - Ika

⁹ Osolobuẹ sị, Kị k'e mẹ m eyelẹ wẹ afụnfụn a? Kị k'e mẹ m emẹgwarịlẹ alị nọ ẹnịna?

Jerimaya 5:9 Iomraidhean Croise

Itẹn 6:29

Ẹrịra k'ọ rị onyẹ sọn nwunyẹ ịhịan ranhịn — onwọnni onyẹ e mẹtụ nwunyẹ ịhịan ẹka a la mmaka.

Azaya 1:24

Ufiri ẹ, Onyẹ hụn nwọn ihiẹn ile, Osolobuẹ ihiẹn ile rị okpuru ẹ, Dikẹn Izrẹlụ, sị nwan, “Hmm! Ndị-iṅẹnrẹn m k'a kụrịrị ụgwọ ihiẹn wẹ mẹ; m k'e mẹgwarị ndị-iṅẹnrẹn m!

Azaya 57:6

Ọmụma riẹnni hụn jun ọdanmgbugbu iyi udu-mirin kẹ ụnụ gi dọn ẹnya; uwẹ kẹ ụnụ hanrịn. Ẹghẹẹ, ụnụ hụ e huyeni wẹ oyiye-manya e ye wẹ oyiye-ọka. Nị m hụngụ ihiẹn ndịnị ile etikpọnị m ụnụ?

Jerimaya 23:2

Lee nwan ihiẹn Osolobuẹ hụn wụ Chuku Izrẹlụ ku banyeni ndị rị e du ndị nke m: “Makẹni ụnụ a chụzịzagụọ ndị nke m, chụpụ wẹ — hụn nkẹ ụnụ e gi lepụ wẹ ẹnya, m k'e ye ụnụ afụnfụn eje-ihiẹn ụnụ mẹ. Mmẹ wụ Osolobuẹ e kugụọ a!

Jerimaya 32:31

Ndị obodoni a kpasuọlẹ m iwe lẹ ọnụma ọda-ọda gha ogẹn wẹ gi tụn a d'e ru tannị. M jẹnkọ nwan d'e wepụ a ebe m rị.

Jerimaya 44:22

Makẹni Osolobuẹ asazịnị ẹka din eje-ihiẹn lẹ arụ ile ụnụ rị e mẹ haịn alị ụnụ gi nwan wụrụ ihiẹn wẹ gi a bụ ọnụ lẹ ebe gba okpokoro la iwi, alị ịhịan bizilẹni, k'o dọn rị tannị.

Jerimaya 5:10

D'e wiwisọnmẹ ugbo vaịnị a — ka ewiwichanrịnlẹ wẹ. Kwapụchanrịn a agala, nị ndịnị ẹlẹ nke Osolobuẹ.

Jerimaya 5:29

Kị wụ nị eyekọ m wẹ afụnfụn ihiẹnni?” Ya kẹ Osolobuẹ ku; “Kị wụ n'e mẹgwarịkọ m alị nọ ẹnịna?

Jerimaya 6:11

Kanị olulu hụn rị e bu Osolobuẹ junzikwọ mmẹ nwẹn obi, nkewụnị asa m ẹka dinzi ẹ. Osolobuẹ nọ sị Jerimaya, “Hu ẹ nwan kẹ mirin kpu mmụ-ẹka rị ọgbara-ogbe, y'e hu ẹ kpu ikorọbịa ebe wẹ rị e zu; huzikwọ a kpu di lẹ nwunyẹ, y'e hudẹ ẹ kpu ndị ẹgẹdi kakpụkpọgụnị.

Jerimaya 6:6

Lee ihiẹn Osolobuẹ ihiẹn ile rị okpuru ẹ ku, “Gbutusọnmẹ ni osisi ndị rị ụsụọ obodo Jerusalẹm gi rụnrụn mkpọnyin ndị kehunmẹ obodo nwọn mgbọn a nọ a lụ a agha. Wẹ k'e yerịrị obodoni afụnfụn — makẹni mmẹgbu-mmẹgbu jun imẹ ẹ.

Jerimaya 9:8

Ire wẹ wụ eje ọbara-ụta e gbuni — ntụ-ntụ k'ọ tụsọnmẹ. Onyẹ-onyẹ hụ e gi ọnụ-ọma a gwa ibe ẹ oku, kanị imẹ obi ẹ, ọ hụ e shitọn'a ọnyan.

Jerimaya 9:9

Kị k'e mẹ m eyelẹ wẹ afụnfụn ihiẹnni?” Ya kẹ Osolobuẹ ku — “Kị k'e mẹ m emẹgwarịlẹ alị nọ ẹnịna?”

Ẹkwan 3:42

“Ẹnyi e mẹgụọ njọ, nupụ isi, yụ nwẹn a jụgụọ nị y'a gbagharịkọ ẹnyi.

Ẹkwan 4:22

Ụnụ ndị Zayọnụ, afụnfụn Osolobuẹ ye ụnụ k'a kụsị; ọ nịkọ ụnụ biekẹ alị wẹ kpụnjẹn ụnụ. Kanị ụnụ ndị Ẹdọm, Osolobuẹ jẹnkọ d'e ye ụnụ afụnfụn njọ ụnụ, kpu eje-omumẹ ụnụ oghe.

Izikẹlụ 7:9

Elekọ m ụnụ ẹnya ihun; emẹkọ m omikẹn ụnụ. M jẹnkọ d'e ye ụnụ afụnfụn ihiẹn ụnụ mẹ lẹ arụ ile ụnụ mẹ imẹ igunrun ụnụ, ogẹn hụ kẹ ụnụ k'a marịn nị mmẹ wụ Osolobuẹ rị e mẹ ụnụ ihiẹnni.

Hosia 2:13

M k'e ye ẹ afụnfụn ọrọgbọ ile hụ o gi mụnị Baalụ ichẹn-ichẹn nsẹnsi; o gi rị e yi ihiẹn-ntịn a lẹ ihiẹn-mma a, a gbasọn ndị ya lẹ wẹ rị a sụọ — zọ mmẹ nwẹn. Osolobuẹ e kụgụọ a.

Hosia 8:13

Wẹ hụ a chụnyeni m ẹjan, e ri anụ a, kanị Osolobuẹ anarịnkọ ẹjan wẹ. M jẹnkọ d'a nyanhandẹ njọ wẹ, ye wẹ afụnfụn a. Wẹ k'a lakin alị Ijiptu.

Lẹvitikọsụ 18:25

kẹ alị lẹ enwẹn ẹ nọzịdẹ rụ, m nọ gi njọ a sọn ẹ, ọ nọ gbọpụ ndị bin'ẹ.

Lẹvitikọsụ 26:25

M k'e wẹhẹni ụnụ agha, gi ẹ mẹgwarị ụnụ omẹgwarị ndị tikpọ nkwerigbama. Ụnụ gbaban imẹ obodo ụnụ, e zi m eje-emu e feni ye imẹ igunrun ụnụ, mẹ ụnụ danban ẹka ndị iṅẹnrẹn ụnụ.

Nahum 1:2

Chuku ẹnya a fụ lẹ hụn e mẹgwarịnị kẹ Osolobuẹ wụ; Osolobuẹ e mẹgwarị emẹgwarị, e bu olulu ọda-ọda; Osolobuẹ e mẹgwarị ndị iṅẹnrẹn ẹ, ọ tọ e buni ndị-iṅẹnrẹn ẹ olulu.

Ditrọnọmi 32:35

Mmẹ nwọn mẹgwarị; m k'a kụ wẹ ụgwọ ihiẹn wẹ mẹ. O ru ogẹn hụ, ụkụ wẹ k'e kpori; ụhụọhịn w'e gi tikpọ wẹ a rịgụọ nsue, ọnwụn wẹ gbala ọsọ.

Ditrọnọmi 32:43

Alị ndị ọzọ rị ichẹn-ichẹn, sọn ni ndị nke ẹ ghọghọ, makẹni o jẹnkọ d'e mẹgwarị ndị gbu idibo ẹ; o jẹnkọ d'e mẹgwarị ndị-iṅẹnrẹn ẹ, mẹ ihiẹn gi gbarị alị a lẹ ndị nke ẹ.