Jerimaya 5:7 - Ika

⁷ Osolobuẹ sị, “Nanị m'a dọn gbagharị ị? Mmụ ị a lagụọ m tọ, hịma mmọn ichẹn-ichẹn furulẹni wẹ fe. Ọsụọn'a nị m yesọnmẹ wẹ ihiẹn ile rị wẹ mkpa, wẹ hụzịkwọ a ghẹrẹ, e rujẹn nke ndị ịgbaraja.

Jerimaya 5:7 Iomraidhean Croise

Ihiẹn Mẹni Nke Ẹbụọ 13:9

Ụnụ a chụpụgụọnị ndị nchụn-ẹjan Osolobuẹ, hụn wụ ụmụ Ẹrọnụ, uwẹ lẹ ndị Livaị, tumẹrin ndị nchụn-ẹjan ụnụ, kẹ ndị alị ndị ọzọ dọn e mẹ? Onyẹ wẹhẹhụ nwa-efin mọbụ mmụ ebulu ẹsa d'e fepụ ẹhụ, o họnrin onyẹ nchụn-ẹjan mmọn — mmọn ndị wụlẹni Chuku.

Jobu 31:12

Ọkụn hụn a dụnnị, e buhẹ Ntikpọ rọ — nkẹ o dụnpụchanrịn ihiẹn ile rị ugbo m.

Ẹbụ-ọma 50:18

Ihiẹn onyẹ-ohin a sụọ ụnụ a sụọ; ụnụ lẹ ndị ughẹrẹ hụ a kpa.

Jerimaya 12:16

Kanị omẹni a mụnarịn wẹ ndị nke m, bimẹ kẹ ndị nke m nke-esi, kunmẹ ẹfan m, a sị, ‘Ma Osolobuẹ’ rịkẹ kẹ wẹ dọn kuzi ndị nke m ikun Baalụ mbụ, a wụrụ wẹ ndị nke m, a gha wẹ ihun.

Jerimaya 13:27

hụn k'ị dọn e fe m, e fezi mmọn, a tụsọn ihiẹn ile, e mẹ kẹ ịgbaraja nwọnlẹni ifẹnrẹn! A hụngụọ m arụ ị rị e mẹ elu ugu lẹ òke ichẹn-ichẹn. Nke i a jọka-o, Jerusalẹm! Elee mgbe y'a wụbehi onyẹ rụnị?”

Jerimaya 16:11

Sị wẹ nị Osolobuẹ sị, ‘Makẹni ndị nẹdi ụnụ kanị gbakitọ m azụụn, sọnmẹ mmọn ichẹn-ichẹn, e fe wẹ, a kpọnị wẹ isi-alị; wẹ gbakitọ m azụụn; edọnmẹni wẹ Iwu m.

Jerimaya 16:20

Ịhịan e mẹmẹdẹ nwan ihiẹn o sikọ d'e fe ra? Ihiẹn wẹ e mẹmẹ ẹlẹ Chuku!”

Jerimaya 2:11

o nwọntughọ alị latọ mmọn wẹ femẹ ọzọ? Ọsụọn'a nị mmọn ndị ahụn ẹlẹ ezigbo ẹ. Bụ ndị nke m a latọgụọ mmẹ hụn wụ ọghọ wẹ, gi mmọn nwọnlẹni isi nọkin ẹnya m.

Jerimaya 2:31

“Ụnụ ndị agbọnị, lekwọ nị ihiẹn Osolobuẹ ku: “Ọ sị: M wụdẹ nwan atụ ẹnya Izrẹlụ ra? M wụdẹ nwan alị gbagbu enwẹn ẹ ishi ẹnya a ra? Kị haịn ụnụ ndị nke m gi a sị, ‘Ẹnyi e weri nwan enwẹn ẹnyi; ẹnyi abịakọzị ebe ị rị’?

Jerimaya 23:10

Alịnị ile e mẹ ndị ughẹrẹ ndị ughẹrẹ; abụmọnụ Osolobuẹ e mẹgụọ alị kpọpụ nkụn, ẹfịfịa rị ebe wẹ nọ a zụn anụ e shinwụn — makẹni wẹ rị e bi eje-obibi, e gi ikẹn wẹ e mẹ ihiẹn ile.

Jerimaya 3:19

“Mmẹ nwẹn, m te sị enwẹn m, ‘Nkẹ ọ sụọka m nị m mẹ ụnụ kẹ ụmụ, ye ụnụ alị rị mma, alị manahịn nke ndị alị ọzọ ile mma.’ M te ro ni ụnụ k'a kpọ m, ‘Baba’; nị ụnụ esọnbehikọ m.

Jerimaya 3:8

E yeghọ m Izrẹlụ Ẹbamịn-ugu danpụgụnị ẹkụkwọ-mpechan, chụpụ a — makẹ ughẹrẹ ẹ, ife mmọn ichẹn-ichẹn. M nọ hụn a nị egun atụnị Juda nwẹnẹ ẹ hụn ẹnya rịlẹni ụzọ ohu, ọ pụ ogbe d'a ghẹrẹmazị ughẹrẹ ife mmọn ichẹn-ichẹn.

Jerimaya 7:9

“Ụnụ hụ e zun ohin, e gbu ịhịan, a na ibe ụnụ nwunyẹ — a zọ ụkụ e ye ọfịa, e kun ẹfan m bụ ntụ kẹ ụnụ rị a tụ, a mụyeni Baalụ nsẹnsi, e sọn mmọn-lẹ-iyi ụnụ marịnlẹni mbụ.

Jerimaya 9:1

K'ọ rị m, isi m ile wụ iyi-iyi; k'o furu, ẹnya m wụ isi-mirin ẹnya-mirin! Nkẹ m hụ a kwan ẹkwan uhinhin lẹ efinnaị, a kwan ndị nke m wẹ gbu.

Jerimaya 9:2

K'ọ rị m, m nwọn ebe m'a gbashi imẹ atụ, ebe ndị-ijẹn a ranhịn, kẹni m yeni ndị nke m efe, kẹni m pụnị wẹ; makẹni wẹ wụ ndị ẹnya rịlẹni ụzọ ohu, igunrun ndị-ntụ!

Ẹkwan 3:42

“Ẹnyi e mẹgụọ njọ, nupụ isi, yụ nwẹn a jụgụọ nị y'a gbagharịkọ ẹnyi.

Izikẹlụ 22:11

Imẹ i, onyẹ ohu hụ e sọn nwunyẹ ibe ẹ e mẹ arụ, hụn ẹbọ hụ e sọn nwunyẹ-nwa a e mẹ arụ — o tuni ihiẹn anaị; onyẹ ọzọ hụ e sọn nwẹnẹ ẹ okpoho a ranhịn, nwa nẹdi ẹ.

Hosia 11:8

Euu Ifrem, nanị m'e dọn la ị tọnị wẹ tikpọ? Izrẹlụ, nanị m'e dọn we i ye wẹ tikpọ? Nị obi nị m mẹ ụnụ kẹ Adima? N'ọ nị m mẹ ụnụ kẹ Zẹbo? Obi anịnị m! Omikẹn anịkọ m!

Hosia 13:6

E ye m wẹ ihiẹn-oriri, ẹfọ e jun wẹ; ẹfọ e jungụ wẹ, wẹ nọ pachemẹ, zọ m.

Hosia 4:2

Ihiẹn jun alịnị wụ ịkpọ-iyi lẹ ntụ lẹ igbu-ọchụn lẹ Izun-ohin lẹ ughẹrẹ; onwọnzini ihiẹn e kwọndọnni wẹ, ogbugbu-ogbugbu.

Hosia 7:4

Ndị ughẹrẹ kẹ wẹ ile wụ; a nụ ọkụn kẹ ọkụn rị ẹnya-mgba brẹdi, hụn onyẹ e shi brẹdi ghalẹni a fụnwunzi d'e ru ni ogbe brẹdi a fụgụ.

Lẹvitikọsụ 20:10

“Onyẹ mẹ mgba nwunyẹ ibe ẹ, wẹ k'e gburịrị kẹ hụn okẹnnyẹ mẹ mgba nwunyẹ ịhịan kẹ hụn okpoho zọ ụkụ ye ọfịa.

Emọsụ 8:14

uwẹ ile hụn a rụa mmọn, mmọn ndị ahụn ikpe gi ma obodo Sameria: a sị ‘Ma mmọn rị Danị’, a sị ‘Ma mmọn rị Biẹshẹba’. Wẹ k'a dan, danchanrịn.”

Zẹfanaya 1:5

M k'e gbuchanrịn ndị ile a nọ elu ụlọ wẹ a rụa kokisẹ, ifọn lẹ ẹnyanwụn; ndị a kụnị Osolobuẹ isi alị e kun Osolobuẹ, e kunzikwọ mmọn wụ Molẹkị,

Malakaị 3:5

M k'a nọzụnhan d'e kin ụnụ ikpe, a shịagbu m ndị e gi ikẹn ọzọ a rụn ẹri, elekọ m ẹnya azụụn, wẹ lẹ ndị di lẹ nwunyẹ ẹnya wẹ rị ogbe lẹ ndị a shịa ẹri ntụ lẹ ndị e ri ụgwọ-ọrụn ndị wẹ we ọrụn; ndị e mẹgbu ikpoho di wẹ nwụn lẹ ndị e mẹgbu ndị nwọnlẹni nẹdi lẹ ndị e nupụ abịamabịa — ndị ile ghalẹni a gbaye m. Ịya kẹ Osolobuẹ Ihiẹn ile rị okpuru ẹ ku.

Ndị Kọrẹntị Ibuzọ 6:9

Ụnụ amarịn nị ndị e mẹ eje-ihiẹn abanyekọ Alị-eze Osolobuẹ? Anịkwọlẹ ni wẹ dufie ụnụ! Ndị ughẹrẹ lẹ ndị e fe ihiẹn ọzọ lẹ ndị a zọ-ụkụ-eye-ọfịa lẹ ndị wẹ lẹ nwunyẹ ịhịan a ranhịn lẹ ikẹnnyẹ wẹ lẹ ikẹnnyẹ ibe wẹ e mẹ mgba lẹ

Ndị Kọrẹntị Ibuzọ 8:4

O mẹ nwan nke iri ihiẹn-oriri wẹ gi rụa mmọn, ẹnyi a marịnghọ nị imẹ ụwa ile, onwọnni ihiẹn mmọn wẹ kpụ akpụ wụ, ẹnyi a marịnzịghọ nị Chuku ohu sụọ rị — ọzọ arịa.

Ndị Galeshịa 4:8

Mgbe mbụ, ogẹn ụnụ kelẹni marịn Osolobuẹ, ụnụ te wụ igbọn ihiẹn ichẹn-ichẹn furulẹni w'e fe hụn ụnụ e fe.

Ditrọnọmi 32:15

Kanị Jẹshurunu ẹ hụn wụ Izrẹlụ hụn o mẹ kụrụ ọtọ, e tutu, nupụma isi; o rijun ẹfọ, a nyịn, e dẹn. Ọ la Chuku mẹmẹn'ẹ tọ, jụ Ọmụma hụn a zụọpụhan'a tọ.

Ditrọnọmi 32:21

E gigụọ wẹ ihiẹn ahụn wụlẹni Chuku mẹ ẹnya fụma m, gi ihiẹn nwọnlẹni isi wẹ kpụ kpasu m iwe. M k'e gi ndị wụlẹni ihiẹn ọwụlẹ mẹ ẹnya fụma wẹ; m k'e gi alị nwọnlẹni nghọta kpasu wẹ iwe.

Hibru 13:4

Gbayekẹnmẹ ni ọlụlụ di-lẹ-nwunyẹ; kẹ di kẹ nwunyẹ ẹ dọnmẹ enwẹn ẹ makẹ elu-ukpo wẹ gha a rụ, makẹni Osolobuẹ jẹnkọ d'a ma ndị ughẹrẹ ikpe.

Jemisi 4:4

Ndị ẹnya rịlẹni ụzọ ohu! Ụnụ amarịn nị ọwụ ụwa wụ eṅẹnrẹn Osolobuẹ? Ya wụ, onyẹ chọ n'ọ wụrụ ọwụ ụwa o họnrin eṅẹnrẹn Osolobuẹ.

Joshụa 23:7

Esọnkwọlẹ ni alị ndịnị họdụ imẹ igunrun ụnụ kpa; akpọkwọlẹ ni ẹfan mmọn-lẹ-iyi wẹ mọbụ kun wẹ. Efekwọlẹ ni wẹ mọbụ kpọnị wẹ isi alị.