Jerimaya 5:6 - Ika

⁶ Ufiri ẹ, ẹwọrọ k'a gha ọfịa bịa d'a maye wẹ, eje-anụ wụ wofu k'a gha imẹ atụ bịa d'a dọririẹn wẹ, liopadị k'a warị ẹhụ obodo wẹ, dọkịka onyẹ ọwụlẹ k'a ma-ama pụha, makẹni nnupụ-isi ndịnị a karịgụọ ẹka; ọkpahu ọkpahu kẹ wẹ rị a kpahu.

Jerimaya 5:6 Iomraidhean Croise

Ihiẹn Mẹni Nke Ẹbụọ 36:14

Ẹlẹdẹ ọhụn sụọ, ndị-isi nchụn-ẹjan ile lẹ ndị alị Juda ile hụ a latọ Osolobuẹ a latọwaye, e mẹ arụ ile alị ndị ọzọ e mẹ, e mẹrụ Ụlọ-nsọ Osolobuẹ, hụn Osolobuẹ dọngụ nsọ imẹ Jerusalẹm.

Ẹzra 10:10

Ẹzra onyẹ nchụn-ẹjan nọ lihi ọtọ, sị wẹ, “Ụnụ e mẹọlẹ njọ; ụnụ a lụrụgụọ ikpoho alị ọzọ, mẹ ikpe makẹnmẹ Izrẹlụ.

Ẹzra 9:6

mẹ ekpere, sị, “Euu Chuku m, ifẹnrẹn lẹ ịfanị anịnị m bu ihun zinmẹ i, Chuku m, makẹni njọ ẹnyi mẹ ejẹnnahịngụọ isi ẹnyi enu, ikpe manị ẹnyi e rugụọdẹ elu-igwere!

Jobu 10:16

M wepụhahụ isi, y'a chụ m kẹ ẹwọrọ dọn a chụ ihiẹn, mẹzi m ihiẹn — gizi m ghọsị ikẹn i hụn a tụ egun.

Ẹbụ-ọma 104:20

Y'e mẹ eki e gi e họnrin uhinhin, hụn anụ ile rị ọfịa gi a kpa:

Ẹbụ-ọma 80:13

Ezin-ọfịa hụ a dọgbu ẹ, anụ-ọfịa hụ a tagbu ẹ!

Azaya 1:23

Ndị-ọkịkị ị wụ ndị nnupụ-isi, uwẹ lẹ ndị ohin gba a wị; egho-azụụn a sụọ wẹ ile a sụọ; w'a chọsọnmẹ onyẹ k'e ye wẹ ihiẹn. W'a ra kuni ndị nwọnlẹni nẹdi ọnụ wẹ; w'a ra buchedẹ ẹnya oku ikpoho di wẹ nwụn.

Azaya 59:12

Makẹni, eje-ihiẹn ẹnyi mẹ e bukẹ ọda ihun i, Osolobuẹ; njọ ẹnyi a shịagbugụọ ẹnyi ẹri. Njọ ẹnyi hụ a kpọ ẹnyi ihun ogẹn ile, ẹnyi e kwerighọ nị ẹnyi mẹ eje-ihiẹn ndị ẹnyi mẹ:

Jerimaya 14:7

Ezioku-ezioku njọ ẹnyi a shịagbugụọ ẹnyi ẹri, Dodo Osolobuẹ, gi ufiri ẹfan ị tụnị ẹnyi ụya, nị ẹnyi a danpụọlẹ ọda-ọda, ẹnyi e mẹọlẹ i njọ.

Jerimaya 2:15

E dẹngụọnị w'a kẹ ẹwọrọ; a bangụọnị w'a mban. E tikpọgụọ wẹ alị a la iwi; a dụngụọ wẹ obodo ndị rịn'a ọkụn gba wẹ okpokoro.

Jerimaya 2:17

Ẹlẹ ụnụ gi ẹka ụnụ dọrị ihiẹnni ebe ụnụ nọ gbakitọ Osolobuẹ wụ Chuku ụnụ azụụn ogẹn o gi dukọ ụnụ ụzọ?

Jerimaya 2:19

Eje-omumẹ ụnụ jẹnkọ d'e ye ụnụ afụnfụn; ọkpahu ụnụ rị a kpahu k'a jụgbọ ụnụ. Gi n'ẹ nwan marịn, gi ẹ hụn nị ihiẹn jọgbu enwẹn ẹ lẹ nsọngbu k'ọ wụ, nị ụnụ gbakitọ m azụụn, mmẹ, Osolobuẹ wụ Chuku ụnụ, tụbehi egun m. “Ya kẹ Di-nwọnni-ẹnyi wụ Osolobuẹ ihiẹn ile rị okpuru ẹ ku.

Jerimaya 2:31

“Ụnụ ndị agbọnị, lekwọ nị ihiẹn Osolobuẹ ku: “Ọ sị: M wụdẹ nwan atụ ẹnya Izrẹlụ ra? M wụdẹ nwan alị gbagbu enwẹn ẹ ishi ẹnya a ra? Kị haịn ụnụ ndị nke m gi a sị, ‘Ẹnyi e weri nwan enwẹn ẹnyi; ẹnyi abịakọzị ebe ị rị’?

Jerimaya 25:38

Ọ ghagụọ ebe o bi pụ nọkẹ ẹwọrọ; alị wẹ k'a gba okpokoro, yeni olulu onyẹ rị e mẹshi wẹ ikẹn, olulu ẹ hụn rị a dụn kẹ ọkụn.

Jerimaya 30:14

Alị ile yụ lẹ wẹ te a sụọ, a zọgụọ ị; onwọnzini ihiẹn wẹ gi i e mẹ. E mẹgụọ m'ị ihiẹn eṅẹnrẹn e mẹ ịhịan, ye i afụnfụn kẹ onyẹ ẹfọ jọ dọn e ye ịhịan, makẹni ikpe ma ị ọda-ọda, njọ ị e bukẹ ọda.

Jerimaya 30:15

Kị ị rị e yini oro yeni ẹhụ ị rụ? Kị ị rị e yini oro makẹ ihiẹn rị a tụrụnị hụn nwọnlẹni ọgụn? Makẹni ikpe ma ị ọda-ọda lẹ makẹni njọ ị e bukẹ ọda haịn m gi mẹ i ihiẹn ndịnị.

Jerimaya 30:24

Iwe Osolobuẹ hụn rị a dụn kẹ ọkụn arọkọ d'e ru n'o mẹchanrịngụ ihiẹn rị a obi. Ihun kẹ ụnụ jẹnkọ d'a ghọta ihiẹnni.

Jerimaya 4:7

Ẹwọrọ a ghagụọ ebe o bi pụha; onyẹ rị e tikpọ alị ichẹn-ichẹn e buligụọ. Ọ ghaọlẹ ebe ọ rị pụha d'e tikpọ alị ụnụ la iwi. Obodo ile rị alị ụnụ jẹnkọ d'e họnrin mkpọkọ-mkpọkọ, obodo ịhịan bilẹni.

Jerimaya 49:19

“Lee ẹ! Kẹ ẹwọrọ dọn a gha ọfịa mkpẹnrẹn Iyi-Jọdanị a pụha ebe atụnrụn nọ a kpa nni mkpẹnrẹn mirin hụ ghalẹni a tahị: ẹrịra kẹ m k'a maye Ẹdọm idẹnmuzi, mẹ wẹ gba alị wẹ tọ. Onyẹ m chọ kẹ m e gi mẹ ẹ. Onyẹ nọ kẹ mmẹ? Onyẹ k'a jụ m ihiẹn ọwụlẹ? Elee eze k'a s'ẹka che m ọgụn?”

Jerimaya 8:5

Kị haịn nwan ndịnị gi a kpahusọnmẹ? Kị haịn Jerusalẹm gi a latọsọnmẹ m? E kwọnkẹnmẹ ihiẹn rị e dufieni wẹ, jụ nị ekinhẹnkọ wẹ?

Jerimaya 8:7

Nnụnụ wụ stọkụ a marịnghọ ogẹn wẹ gi e buli ahụa-ahụa; ayoro lẹ nnụnụ ndị ọzọ e jẹn mbịan a marịnghọ ogẹn wẹ gi e jẹn. Kanị ndị nke m amarịn Iwu mmẹ wụ Osolobuẹ.

Ẹkwan 1:5

Ndị iṅẹnrẹn ẹ a kịmagụọ a; ẹhụ fu ndị-iṅẹnrẹn ẹ. Osolobuẹ e wẹhẹgụọn'a ẹkwan yeni njọ bu ọda o mẹ. A kpụngụọ wẹ ụmụ a la alị ndị ọzọ — ndị iṅẹnrẹn wẹ gi wẹ nwan e gi.

Izikẹlụ 16:25

Y'a rụn ụlọ-mmọn ị ye isi-ụzọ ile, e mẹrụ mma-ẹhụ ị, a shịapụ ụkụ a tọnị onyẹ ọwụlẹ ghafekọnị, ịgbaraja ị hụ a waye.

Izikẹlụ 22:27

“Ndị-isi rịn'a rịsọnmẹ kẹ eje-anụ wofu ndị rị a dọwa anụ wẹ gbu: wẹ hụ e gbu ịhịan a la iwi kẹni wẹ ri ihiẹn rulẹni wẹ.

Izikẹlụ 23:19

Ọ gbasọnmẹ ịgbaraja hụ d'e rudẹ ebe ọ nọ nyanhanzị n'ọ gbaghọ ịgbaraja imẹ Ijiptu k'ọ rị okoro, ọ ghan'a.

Daniẹlụ 7:4

“Nke ibuzọ nọ kẹ ẹwọrọ, kanị nku ugọn k'o nwọn. Ebahụn m rị e lee ẹ, nku ẹ ndị hụ nọ kwapụ, ọ nọ gha alị lihi, gi ụkụ a ẹbụbụọ wuzo kẹ ịhịan, wẹ nọ ye ẹ obi o gi e ro iroro kẹ ịhịan.

Daniẹlụ 7:6

“Ọhụn a ghagụ, m nọ nee ẹnya: e lee eje-anụ ọzọ rị m ihun, ọnwan nọ kẹ Liopadị! Nku ẹnọ rị a ụgba-azụụn. Nku ndị ahụn nọsọnmẹ kẹ nke nnụnụ. Eje-anụ hụnnị nwọn isi ẹnọ, wẹ ye ẹ ikẹn n'o gi kị.

Hosia 5:14

M k'e mẹ ndị Ifrem ihiẹn ẹwọrọ e mẹ anụ, e mẹ m ndị Juda ihiẹn okoro-ẹwọrọ e mẹ anụ: mmẹ lẹ enwẹn m k'a dọkịka wẹ; e buru m wẹ pụ, onwọnni onyẹ k'a sa ẹka zụọpụha wẹ.

Habakọkụ 1:8

Ẹshin-agha wẹ a gbanahịndẹ liopadị ọsọ, e rọn egun karị eje-anụ wụ wofu ẹgụn rị a gụn, a zụnbanhan ọgbọ-agha ẹrịra. W'a ghadẹ ebe tegbu enwẹn ẹ e wẹhẹ ndị e nyinni wẹ ẹshin-agha; w'e be nkanran ọda-ọda nọkẹ anwụnkwọ chụkọ ihiẹn o ri.

Zẹfanaya 3:3

Ndị-isi rịn'a nọhụ kẹ ẹwọrọ rị e dẹnni; ndị a hannị wẹ eṅẹn nọhụ kẹ eje-anụ e ri anụ, hụn ghalẹni a nị eki e fọnkunrun ihiẹn o gbu.

Ọgụngụn 32:14

“Lee nwan ụnụ, agbọ ndị-njọ! Ụnụ a nọkingụọ ẹnya ndị nẹdi ụnụ, e mẹ ihiẹn ize Izrẹlụ e gi zekarịdẹ Osolobuẹ k'o zehan a mbụ!

Rẹvẹleshọnụ 13:2

Eje-anụnị tụsọnmẹ ẹkịrịka kẹ liopadị. Ụkụ alị a shịa ọda-ọda pu okẹn-mbụọ kẹ nke eje-anụ wụ Biẹ. Ọnụ a nọ kẹ nke Ẹwọrọ. Ya Dragọnụ nọ we ikẹn ẹ lẹ ukpo-eze ẹ ye eje-anụ hụ, bu ọkịkị che ẹ ẹka ọda-ọda.