Jerimaya 5:5 - Ika

⁵ M k'e jẹnburu nwan ndị-isi, d'a gwa wẹ oku; makẹni a marịnghọ wẹ kẹ Osolobuẹ e mẹ, a marịnghọ wẹ ihiẹn Chuku wẹ chọ.” Kanị ndị-isi ile gbegbegbe a jụgụọ nị Osolobuẹ akịkọ wẹ, a jụgụọ wẹ iwu ẹ.

Jerimaya 5:5 Iomraidhean Croise

Ihiẹn Mẹni Nke Ẹbụọ 36:14

Ẹlẹdẹ ọhụn sụọ, ndị-isi nchụn-ẹjan ile lẹ ndị alị Juda ile hụ a latọ Osolobuẹ a latọwaye, e mẹ arụ ile alị ndị ọzọ e mẹ, e mẹrụ Ụlọ-nsọ Osolobuẹ, hụn Osolobuẹ dọngụ nsọ imẹ Jerusalẹm.

Ọpụpụ 32:25

Ogẹn Mozizi gi hụn a nị ihiẹnni e rigụọ ndị ahụn isi lẹni Ẹrọnụ a nịgụọ wẹ mẹmẹmẹ kẹ ndị ẹra, hụn ndị iṅẹnrẹn wẹ e gi mụ wẹ ẹmụ —

Azaya 1:23

Ndị-ọkịkị ị wụ ndị nnupụ-isi, uwẹ lẹ ndị ohin gba a wị; egho-azụụn a sụọ wẹ ile a sụọ; w'a chọsọnmẹ onyẹ k'e ye wẹ ihiẹn. W'a ra kuni ndị nwọnlẹni nẹdi ọnụ wẹ; w'a ra buchedẹ ẹnya oku ikpoho di wẹ nwụn.

Jerimaya 2:20

O teọlẹ ị kpagipụ ihiẹn m gi limẹ i, tibepụ eriri ẹ; ị sị, ‘Efekọ m'ị!’ Eziẹ-eziẹ, y'a nọ elu òke ọwụlẹ jẹn elu lẹ okpuru osisi ọwụlẹ duni e we enwẹn ụnụ a kwanị mmọn lẹ iyi — kẹ ịgbaraja dọn e mẹ ịhịan.

Jerimaya 2:31

“Ụnụ ndị agbọnị, lekwọ nị ihiẹn Osolobuẹ ku: “Ọ sị: M wụdẹ nwan atụ ẹnya Izrẹlụ ra? M wụdẹ nwan alị gbagbu enwẹn ẹ ishi ẹnya a ra? Kị haịn ụnụ ndị nke m gi a sị, ‘Ẹnyi e weri nwan enwẹn ẹnyi; ẹnyi abịakọzị ebe ị rị’?

Jerimaya 30:14

Alị ile yụ lẹ wẹ te a sụọ, a zọgụọ ị; onwọnzini ihiẹn wẹ gi i e mẹ. E mẹgụọ m'ị ihiẹn eṅẹnrẹn e mẹ ịhịan, ye i afụnfụn kẹ onyẹ ẹfọ jọ dọn e ye ịhịan, makẹni ikpe ma ị ọda-ọda, njọ ị e bukẹ ọda.

Jerimaya 6:13

“Kẹ onyẹ-uku kẹ onyẹ-nta wẹ ile chọkọ ihiẹn a ban wẹ ẹkpa; kẹ ndị-amụma kẹ ndị nchụn-ẹjan, wẹ ile wụ ndị ntụ-lẹ-aghịghọ.

Jerimaya 8:7

Nnụnụ wụ stọkụ a marịnghọ ogẹn wẹ gi e buli ahụa-ahụa; ayoro lẹ nnụnụ ndị ọzọ e jẹn mbịan a marịnghọ ogẹn wẹ gi e jẹn. Kanị ndị nke m amarịn Iwu mmẹ wụ Osolobuẹ.

Jerimaya 9:3

Osolobuẹ sị, “Wẹ e bu ire wẹ e zinmẹ lekẹ ụta — ntụ hụ a tụpụha lekẹ ọbara-ụta; arị wẹ e gi ezioku a wụrụ okẹn-ịhịan wẹ rị a wụ imẹ alịnị. Wẹ hụ e mẹsọnmẹ njọ; amarịn wẹ m.

Izikẹlụ 11:2

Osolobuẹ nọ sị m, “Nwa ịhịan, ndịnị wụ ndị rị a mama eje-ihiẹn, e ye eje-ndụnmọdụn imẹ obodoni.

Emọsụ 4:1

Gọn ni ntịn, nị onyẹnnyẹ efin Bashanị kẹ ụnụ wụ, ụnụ, ikpoho bi ugu Sameria. Ụnụ ndị a bịangbu igbẹnnyẹ, e gwekpọ ndị ẹka wẹ rulẹni. Ụnụ ndị a sị ndị di ụnụ, “Wẹhẹ manya nị ẹnyi ra!”

Emọsụ 6:1

Nsọngbu rị Ugu Zayọnụ ẹhụ fu lẹ ndị rị Ugu Sameria obi ru alị; ndị wẹ marịn-amarịn imẹ Izrẹlụ alị nwẹn ka alị, ndị hụn Izrẹlụ ile e buruhẹ!

Maịka 3:11

Onyẹ ye ndị-isi egho-azụụn, o ri eṅẹn! Onyẹ kụ ndị nchụn-ẹjan ụgwọ, a kuzi w'ẹ. Ndị-amụma ebukọ amụma mmanị egho ban wẹ ẹkpa; kanị wẹ ile hụkwọ a hị ẹfan Osolobuẹ, a sị, “Osolobuẹ nọyeni ẹnyi anọyeni, onwọnni ihiẹn jẹnkọ d'e mẹni ẹnyi.”

Malakaị 2:7

Makẹni ọnụ onyẹ nchụn-ẹjan kẹ wẹ nọ a hụn amamihiẹn, ọnụ a kẹ wẹ nọ a mụnrụn Iwu Osolobuẹ — makẹni ụkọ Osolobuẹ k'ọ wụ.

Luku 18:24

Ogẹn Jizọsị gi hụn nị ẹfọ asụọzịn'a ụsụọ, ọ nọ sị, “Alị-eze Osolobuẹ k'a fụkwọ ndị-ịdanfịn ọrụn ọbanye!

Luku 19:14

Kanị, ize okẹnnyẹ ahụn rị e ze ndị alị a. Wẹ nọ zi ndị ozi sọnmẹ ẹ d'a sị, ‘Ẹnyi achọnị nị okẹnnyẹni kị ẹnyi.’