Jerimaya 5:31 - Ika

³¹ Ndị-amụma rị e bu amụma-ntụ, ndị nchụn-ẹjan hụ e gi ọrụn wẹ a kpa ikẹn — bụ ọ hụdẹ a sụọ ndị nke m ẹrịra! Kị ụnụ k'e mẹ nwan ogẹn ikpanzụụn?

Jerimaya 5:31 Iomraidhean Croise

Ndị-nze Nke Ibuzọ 22:6

Ya Ehabụ nọ kpọkikomẹ ndị-amụma, ihiẹn nọ kẹ madụ nnụ, ọ nọ jụma wẹ, “Nị m jẹn d'a lụsọn ndị rị Ramọtụ-Gilẹdị agha ra nị m nọdị?” Wẹ nọ sị a, “Eze, jẹn! Osolobuẹ k'e we ẹ ye i.”

Itẹn 17:4

Onyẹ eje-omumẹ e gọn ndị e ku eje-ihiẹn ntịn, onyẹ-ntụ e gi oku onyẹ e kuja oku ịhịan e dọn.

Azaya 10:3

Kị ụnụ k'e mẹ nwan ụhụọhịn o k'a jụ ụnụ ajụjụ — ogẹn nsọngbu k'a gha ebe teni bịa? Onyẹ kẹ ụnụ k'a gbaburu n'o yeni ụnụ ẹka? Elebe kẹ ụnụ k'e butọ akụ-lẹ-ụba ụnụ?

Azaya 20:6

Ogẹn ahụn, ndị alị ndịnị rịsọnmẹ mkpẹnrẹn Ohimin Mẹditerenia k'a rị a sị, ‘Ledẹ ni ihiẹn mẹ ndị nwẹn ẹnyi te gi dọn ẹnya, ndị nwẹn ẹnyi gbaburu nị wẹ yeni ẹnyi ẹka, nị wẹ gbapụha ẹnyi ẹka eze Asiria! Nanị ẹnyi e dọnzi nwan wanahịn?’ ”

Azaya 33:14

Egun hụ a tụgbu ndị-njọ rị Zayọnụ, ẹhụ hụ a ma ndị ghalẹni e sọn Osolobuẹ nni: wẹ hụ a sị, “Onyẹ lẹ ọkụn rị a dụnnị k'a s'ẹka nọdị?! Onyẹ k'a sa ẹka sọn ọkụn rị a dụnnị nọdị?!”

Azaya 43:27

Nẹdi ibuzọ ụnụ e mẹghọ njọ; ndị e kuni ụnụ a paghọ oku m.

Azaya 47:7

I te sị enwẹn i, ‘M k'a kị jẹnrin ejẹn — eze-okpoho itẹbitẹ kẹ m wụ!’ Bụ y'e rokpọnị ihiẹn ndịnị mọbụ rodẹ ihiẹn o k'e buhẹ.

Jerimaya 12:4

Elee mgbe alịnị ile k'a kpọbehi nkụn? Elee mgbe ẹfịfịa rị ugbo ile k'e shinwụnbehi? Makẹni eje-omumẹ ndị bi alịnị a karị ẹka, anụmanụ lẹ nnụnụ a gụgụzịghọ. Kanị wẹ hụkwọ a sị, ‘Ihiẹn ọ rị e ro emẹkọ ẹnyi.’ ”

Jerimaya 14:14

Osolobuẹ nọ sị m, “Amụma-ntụ kẹ ndị-amụma ahụn rị e gi ẹfan m e bu. Ẹlẹ mmẹ zi wẹ; ẹlẹ mmẹ tumẹ wẹ; onwọnni ihiẹn m sị wẹ ku. Wẹ rị a hụnnị ụnụ ọhụn wụlẹni ezioku, a gba ẹfa nwọnlẹni isi, e ku ihiẹn uche wẹ gwa wẹ.

Jerimaya 26:7

Ndị nchụn-ẹjan lẹ ndị-amụma lẹ ndị ọzọ ile rị ebẹhụ a nụghọ kẹ Jerimaya rị e ku ihiẹn ndịnị imẹ ụlọ-nsọ Osolobuẹ.

Ẹkwan 1:9

Unyin hụn o ru ratọdẹ ẹkwa a — kanị o rodẹni ihiẹn k'e mẹn'ẹ ihun. Ọ nọ dan eje ẹdan, onwọnni onyẹ hụhụn'a. Euu Osolobuẹ, ledẹ afụnfụn m rị imẹ ẹ, nị hụn a nị eṅẹnrẹn e mẹrigụọ!

Ẹkwan 2:14

Ọhụn ndị-amụma ị hụnnị ị wụhụ ọhụn ntụ lẹ ọhụn nwọnlẹni isi, agwapụnị wẹ i njọ ị, gi ẹ napụ ị ẹgbụnnị kunrunn'i nwan. Oku wẹ gwa ị nị ya kẹ Osolobuẹ ku wụhụ ntụ lẹ ndufie.

Ẹkwan 4:13

Kanị, o mẹghọ — makẹ njọ ndị-amụma a lẹ ụrụ ndị nchụn-ẹjan a, hụn nọsọnmẹ imẹ ẹ gbu ndị ezi-omumẹ.

Ẹkwan 4:18

Ịhịan hụ e tu ụkụ ẹnyi ọkụn-ọkụn, ẹnyi asanị ẹka ghazịdẹ ọgbara-ogbe ẹnyi — makẹni ọgụgụ e rumẹgụọ, ogẹn ẹnyi e d'a gụ — nke ẹnyi e d'a gụ.

Izikẹlụ 13:10

“Makẹni e gigụọ wẹ wẹ ile duhuhu ndị nke m, a sị wẹ, ‘Nsọngbu arịa,’ bụ nsọngbu jun ejun; ịhịan hụ a tụn ẹhụ-ụlọ zelẹni, ndị amụmanị hụ e gi ihiẹn-ọchan e te ẹ n'ọ la ẹnya!

Izikẹlụ 13:6

Wẹ hụ a hụn ọhụn ntụ, a gba ẹfa ntụ, a sị, ‘Osolobuẹ sị,’ bụ Osolobuẹ ezini wẹ; kanị wẹ hụ e lee ẹnya nị oku wẹ bụn.

Izikẹlụ 22:14

I ro n'i k'a hụn ndụn wuzo? I ro nị ẹka ị k'a s'ẹka zụọ ị ụhụọhịn ahụn? Mmẹ wụ Osolobuẹ e kuọl'a; m k'e mẹ ẹ.

Hosia 4:9

Ihiẹn m k'e mẹ ndịnị kẹ m k'e mẹ ndị nchụn-ẹjan wẹ! M k'e ye wẹ ile afụnfụn eje-obibi ụnụ, kụ wẹ ụgwọ eje-ihiẹn wẹ mẹ.

Hosia 6:10

A hụnọlẹ m eje-ihiẹn jọgbu enwẹn ẹ imẹ Izrẹlụ Ẹbamịn-ugu: ndị Ifrem nọ ebẹhụ a gba ịgbaraja ife-mmọn; ndị Izrẹlụ rị ebẹhụ a rụgụọ.

Hosia 9:5

Kị ụnụ k'e mẹ nwan ebẹhụ ụhụọhịn mmẹmmẹ; ụhụọhịn ụnụ gi e mẹni Osolobuẹ mmẹmmẹ?

Maịka 2:11

nọkẹ sị onyẹ-amụma ntụ te pụha a sị ndịnị, ‘Manya lala — kẹ hụn a tụnị,’ onyẹ-amụma nọ ẹrịra ya nwọn a sụọ ndịnị!

Maịka 2:6

Kanị, ụnụ hụ a sị, “Ekuzilẹ! Ebuzilẹ amụma nọ ẹrịra! Ụya erikọ ẹnyi.

Maịka 3:11

Onyẹ ye ndị-isi egho-azụụn, o ri eṅẹn! Onyẹ kụ ndị nchụn-ẹjan ụgwọ, a kuzi w'ẹ. Ndị-amụma ebukọ amụma mmanị egho ban wẹ ẹkpa; kanị wẹ ile hụkwọ a hị ẹfan Osolobuẹ, a sị, “Osolobuẹ nọyeni ẹnyi anọyeni, onwọnni ihiẹn jẹnkọ d'e mẹni ẹnyi.”

Zẹfanaya 3:4

Ndị-amụma rịn'a e ku mpụ; a tụ ntụ! Ndị nchụn-ẹjan rịn'a hụ e mẹrụ ụlọ-nsọ, e gi Iwu Osolobuẹ e mẹ k'ọ sụọ wẹ.

Ditrọnọmi 32:20

Ọ sị, “M k'e bupụ wẹ ihun, nị m hụn kẹ w'a dọn ban ihiẹn; makẹni agbọ isi-ikẹn kẹ wẹ wụ, ụmụ furulẹni w'e gi dọn ẹnya.

Ditrọnọmi 32:29

K'ọ rị m wẹ nwọn uche hụn w'e gi ghọta ihiẹnni, marịn ihiẹn jẹnkọ d'e mẹ wẹ: