Jerimaya 5:3 - Ika

³ Euu, Osolobuẹ, ẹlẹ ezioku kẹ y'a chọ? Y'a fịan wẹ ihiẹn, anụnị wẹ ụfụ a; y'a sụdẹ wẹ kẹ nni, amụnrụnnị wẹ ihiẹn. A tọ wẹ a gba isi-akwanran, jụ n'e bihutọkọ wẹ ẹka.

Jerimaya 5:3 Iomraidhean Croise

Jẹnẹsisi 19:34

Eki e fọn, hụn kanị nị sị hụn nta, “Lee ẹ, mmẹ sọn nẹdi m ranhịn imẹ uhinhin ụnyanhụn; ẹnyasị tanị, nị ẹnyi mẹzi ẹ rakarị enwẹn ẹ manya, yụ nwẹn a banye d'e du ẹ ranhịnzị, kẹni ẹnyi gha ẹka nẹdi ẹnyi mụ ụmụ k'e bikin ugbẹ ẹnyi.”

Ndị-nze Nke Ibuzọ 13:33

Ihiẹnni ile mẹkwọnị, eze wụ Jerobụam alatọkwọnị eje ụzọ hụ o sọnkọ. O tumẹsọnmẹzi ndị ọwụlẹ ọ hụn nị wẹ wụrụ ihẹnrẹn-mmọn hụn a chụn ẹjan ụlọ-mmọn ndị hụ. Onyẹ ọwụlẹ chọ n'ọ rụn ọrụn ịchụn-ẹjan, o tumẹ ẹ onyẹ a chụn ẹjan ụlọ mmọn ndị ahụn.

Ndị-nze Nke Ẹbụọ 1:13

Ya eze nọzị zi ọkị-agha nke ẹtọ lẹ ndị-agha iri kwasị ọgụnnaị rị okpuru ẹ. Ọkị-aghanị mẹ wẹ ẹtọ nọ shi elu òke hụ Ẹlaịja rị, gbun'ẹ osekpu, rịọma a, sị, “Onyẹ-ozi Osolobuẹ, dodo, mẹ ndụn m lẹ ndụn mmadụ iri kwasị ọgụnnaịnị nọkẹ sị o nwọnghọ ihiẹn ọ wụ — nị idibo i kẹ ẹnyi wụ!

Ihiẹn Mẹni Nke Ẹbụọ 16:9

makẹni ẹnya Osolobuẹ rị a ghahunmẹ elu ụwa ile n'ọ hụn ụzọ gba ndị wechanrịn obi wẹ ile ye ẹ umẹ. Y'e zuzuọlẹ nzuzu. Agha sikọ d'a bịasọnmẹn'i nwan gha kikẹnni jẹnmẹ.”

Ihiẹn Mẹni Nke Ẹbụọ 28:22

Kẹ Ahazị rị imẹ nsọngbu k'ọ kadẹ Osolobuẹ a latọ.

Ẹbụ-ọma 51:6

Ẹghẹẹ, ezioku gha akpak'alị obi pụha kẹ ị chọ; y'e mẹ m amarịn ihiẹn rị mma imẹ obi m.

Ẹbụ-ọma 51:8

Dodo, mẹ m ghọghọ, mẹ ẹfọ sụọ m ụsụọ; yezi m ịghọghọ ru m ọkpụkpụ k'i dọn gweriẹn m ru ọkpụkpụ.

Ẹbụ-ọma 55:20

Onyẹ mmẹ lẹ ya te wị e mẹgbama e bugụọ nụmanị m; o tikpọgụọ nkwa o kwe.

Itẹn 21:29

Onyẹ eje-omumẹ a gan agan, kanị onyẹ ezi-omumẹ e lekpọ ihiẹn e mẹ.

Itẹn 22:12

Osolobuẹ e che onyẹ marịn ihiẹn nche, kanị ọ kpayịya oku-ọnụ ndị ntụ.

Itẹn 23:35

a sị, “A fịan wẹ m ihiẹn, anụnị m ụfụ a! E gbu wẹ m ili, amarịndẹ m! Elee mgbe m'e tẹnhindẹ nwan — nị m chọrịzị manya ra?”

Itẹn 27:22

Ọsụọn'a ị sụ onyẹ-nzuzu imẹ odo, sụgbamadẹ ya lẹ ọka, y'a sakọ ẹka napụ a nzuzu ẹ.

Azaya 26:11

Osolobuẹ, y'e weshigụọ ẹka elu n'i mẹ wẹ ihiẹn, kanị w'a ra hụnd'a. Nị wẹ hụn a nwan nị y'a ra gi ndị nke i gu egun, kẹni ifẹnrẹn mẹgbu wẹ; ọkụn hụn i kwademẹni ndị-iṅẹnrẹn i ya bu wẹ ri.

Azaya 42:25

Ya ọ nọ gi eje-olulu ẹ sọn wẹ, gi agha lẹ ogbugbu lẹ ntikpọ rịn'a sọn wẹ; agha nọ kpumẹ wẹ lekẹ ọkụn rị e nwunni — aghọtakwọnị wẹ; agha e bu wẹ ri kẹ ọkụn, egizikwọnị w'a dọn.

Azaya 48:4

Makẹni a marịnghọ m kẹ ụnụ mẹhan ndị isi-ikẹn, nị olu ụnụ wụ igwe ghalẹni a nị e gbegi; nị ezimezi ihun ụnụ ze kẹ igwe-bronzu.

Azaya 9:13

Kanị ehutọnị wẹ nwan buru Osolobuẹ hụn fịan wẹ ihiẹn, arịọnị wẹ Osolobuẹ, Onyẹ-nwọn ikẹn ile.

Jerimaya 15:7

M k'a fụchan ndịnị kẹ ọka, imẹ obodo ile rị alịnị. M k'e gbunarịnsọnmẹ ndị nke m ịhịan, tikpọ wẹ, makẹni alatọnị wẹ eje-omumẹ wẹ.

Jerimaya 17:23

Kanị ndị nẹdi ụnụ egọnni ntịn, achọdẹni wẹ nị wẹ nụ; e busọnmẹ wẹ isi-ikẹn, jụ n'e gọnkọ wẹ ntịn mọbụ gi ẹ bihutọ ẹka.

Jerimaya 19:15

“Osolobuẹ ihiẹn ile rị okpuru ẹ hụn wụ Chuku Izrẹlụ sị, ‘Gọn ni ntịn! M jẹnkọ nwan d'e buhẹni obodoni lẹ mmụ alị ile fihunmẹn'ẹ nsọngbu ile m ku oku ẹ, makẹni e bugụọ wẹ isi-ikẹn, jụ n'e gọnkọ wẹ ntịn oku m.’ ”

Jerimaya 2:30

Afụnfụn ile m ye ndị nke i la iwi; egini wẹ mkpịnsịn m fịan wẹ bihutọ ẹka. Ụnụ e gigụọ ọpịa-agha gbu ndị-amụma wẹ zihẹni ụnụ kẹ eje-ẹwọrọ e gburi anụ.

Jerimaya 3:3

Ya haịn m gi kwọndọn mirin, mirin udu-mirin ezuezini; bụ ụnụ hụkwọ e bu isi-ikẹn nọkẹ ịgbaraja, jụ nị ifẹnrẹn emẹkọ ụnụ.

Jerimaya 32:19

Y'e rokẹkwọ! Y'e mẹkẹ okẹn-ihiẹn!! Y'a hụnchanrịn ihiẹn ile ịhịan rị e mẹ, e gi obibi onyẹ-onyẹ lẹ ihiẹn o mẹ e sọn ẹ, a kụ a ụgwọ-ọrụn.

Jerimaya 35:13

“Osolobuẹ ihiẹn ile rị okpuru ẹ, hụn wụ Chuku Izrẹlụ sị: Jẹn d'a gwa ndị Juda lẹ ndị obodo Jerusalẹm oku. Sị wẹ nị mmẹ wụ Osolobuẹ sị, ‘Ụnụ a mụrụnkọ ihiẹn, mẹmẹ ihiẹn m sị ụnụ e mẹ?!

Jerimaya 44:10

“Ụnụ ewelụakwọnị nwan enwẹn ụnụ alị mọbụ ye mmẹ wụ Osolobuẹ ọghọ d'e ru tannị; ụnụ edọnmẹkwọnị iwu lẹ uhi m tumẹni ụnụ lẹ ndị nẹdi ụnụ.

Jerimaya 7:26

Kanị ndị mụkwasị ụnụ nkẹ egọnzikwọnị m ntịn, efeyeni wẹ oku m ẹnya. E busọnmẹ wẹ isi-ikẹn, mẹkarịdẹ ndị nẹdi wẹ eje-ihiẹn.’

Jerimaya 7:28

Sị wẹ nwan: Ọnwan wụ alị hụn jụ n'o mẹkọ ihiẹn Osolobuẹ wụ Chuku wẹ sị wẹ mẹ; ihiẹn ile o mẹ wẹ, egini w'ẹ bihutọ ẹka. Ezioku a lagụọ, ọ rịzịdẹ wẹ ụgb'ọnụ.

Jerimaya 8:5

Kị haịn nwan ndịnị gi a kpahusọnmẹ? Kị haịn Jerusalẹm gi a latọsọnmẹ m? E kwọnkẹnmẹ ihiẹn rị e dufieni wẹ, jụ nị ekinhẹnkọ wẹ?

Izikẹlụ 2:4

Ndị isi-ikẹn obi wẹ ze eze kẹ m zikọ ị d'e kunrun. Ị k'a sị wẹ, ‘Lee ni ihiẹn Osolobuẹ nwọn ihiẹn ile ku.’

Izikẹlụ 24:13

“ ‘Ẹnwụnrụn ị tụ wụ eje-obibi i. Ebe o mẹni a chanchangụọ m'ị, kanị unyin i apụnị, y'e nwunchankọzị d'e ru n'e mẹgụ m'ị ihiẹn kẹ olulu m han.

Daniẹlụ 9:13

Kẹ wẹ dọnhụ de ẹ imẹ Iwu Mozizi, ẹrịra kẹ okẹn ihiẹnni ile dọn nwan mẹ ẹnyi, bụ ẹnyi eke mẹkwọ ihiẹn yụ wụ Osolobuẹ Chuku ẹnyi e gi mẹyeni ẹnyi — hụn wụ ịlatọ njọ ẹnyi lẹ igọn ezioku i ntịn.

Lẹvitikọsụ 26:23

“Ihiẹn ndịnị ile mẹgụ bụ ụnụ ekwekwọnị gọn m ntịn, bihutọ ẹka; nị ụnụ a tọ e feni m isi hụ ụnụ rị feni m,

Emọsụ 4:10

“E mẹ m ụnụ ihiẹn kẹ m dọn mẹ ndị Ijiptu; e gi m agha lẹ ọpịa-agha gbu ikorọbịa ụnụ; a napụ m ụnụ ẹshin ndị ahụn m napụ ụnụ; e mẹ m ishin ozun jun ebe ụnụ bi. Kanị, ụnụ egikwọn'a rogharị d'e kunrun m; Ya kẹ Osolobuẹ ku.

Emọsụ 4:11

M nọ gi ntikpọ sọn ụnụ kẹ m dọn tikpọ Sodọm lẹ Gomora, ndị họdụnị nọ nwan rị kẹ ihiẹn wẹ lọpụha imẹ ọkụn, kanị, ụnụ egikwọn'a rogharị d'e kunrun m.” Ya kẹ Osolobuẹ ku.

Emọsụ 4:6

“Mmẹ haịn ụnụ gilẹni a hụn e ri imẹ obodo ụnụ ile, lẹ ebe ile rị alị ụnụ, kanị ụnụ e gin'ẹ rogharị d'e kunrun m.” Ya kẹ Osolobuẹ ku.

Emọsụ 4:8

Obodo ẹbụọ mọbụ ẹtọ hụ a chọjẹn mirin obodo ohu, arị w'a hụn hụn e zuni wẹ; kanị, ụnụ egin'ẹ rogharị d'e kunrun m.” Ya kẹ Osolobuẹ ku.

Emọsụ 4:9

“E zi okẹn anwụn lẹ ndundu gi wẹ wiwipụ ugbo-nta lẹ alị vaịnị ụnụ bu ọda; e zi m igurube d'e ripụ osisi figi lẹ osisi olivu ụnụ; kanị, ụnụ egikwọn'a rogharị d'e kunrun m.” Ya kẹ Osolobuẹ ku.

Zẹfanaya 3:7

M te nọ sị enwẹn m, ‘Obodoni sikọ d'a gbaye m nụ; wẹ jẹnkọ d'a nụ ihiẹn, amamgbe m'e tikpọ a otikpọnị ile m ku,’ kanị wẹ nọ mẹsọnmẹ arụ wẹ rị e mẹ.

Ndị Rom 2:2

Ẹnyi a marịnghọ nị Osolobuẹ wụ onyẹ ezioku ebe ọ nọ ma ndị e mẹ ihiẹn ndị nọ ẹrịra ikpe.

Hibru 12:9

Ndị nẹdi ẹnyi rị elu ụwanị e mẹzi ẹnyi ihiẹn wẹ gha a zụn ẹnyi, ẹnyi e humẹni wẹ isi. Ẹnyi ehumẹkọnị nwan nẹdi ẹnyi imẹ Mmọn wụ Osolobuẹ isi, kẹni ẹnyi rị ndụn?