Jerimaya 5:17 - Ika

¹⁷ Wẹ k'e ripụ ihiẹn-ugbo lẹ ihiẹn-oriri ụnụ, gbupụ ụmụ ikẹnnyẹ lẹ ikpoho ụnụ; wẹ k'e ripụ atụnrụn lẹ ewu lẹ efin ụnụ, ripụ alị vaịnị lẹ alị figi ụnụ. Wẹ k'e gi ọpịa-agha tikpọchanrịn obodo ụnụ ile zegbu enwẹn ẹ ụnụ gi e dọn ẹnya.

Jerimaya 5:17 Iomraidhean Croise

Azaya 62:8

Osolobuẹ e kunọlẹ ẹka-ihiẹn ẹ, ẹka a hụn a kpa ikẹn, sị, “Onwọnzini ogẹn m'e gi bu ihiẹn-ugbo ị rụn ye ndị iṅẹnrẹn i ri; onwọnzini mgbe ndị alị ọzọ e gi narịn ị manya-ọhụn ị ta afụnfụn a,

Azaya 62:9

Mba; ndị hụn ghọn'a k'e ri ẹ, ja Osolobuẹ mma; ndị hụn tụtụ ogbe-vaịnị nwọn ra manya a imẹ ezi-ọgwa ụlọ-nsọ m.”

Azaya 65:22

Atụngụkọzị wẹ ụlọ ndị ọzọ e biri; akụngụkọzị wẹ ihiẹn-ugbo, ndị ọzọ e ri ẹ. Kẹ osisi dọn a tọ ẹrịra kẹ ndị nke m k'a gha a tọ; ndị m họrị k'e ri ihiẹn wẹ rụn, ribie ẹ.

Jerimaya 1:15

M'e d'a kpọha alị-eze ndị rị ẹbamịn-ugu.” Ya kẹ Osolobuẹ ku. “Ndị-nze wẹ k'a bịa d'e tumẹsọnmẹ ukpo-eze wẹ ọnụ-mgbọn ile rị Jerusalẹm; wẹ k'e tikpọ mgbọn ile fihunmẹn'ẹ lẹ obodo ndị ọzọ ile rịzị alị Juda.

Jerimaya 25:37

Osolobuẹ k'e tikpọdẹ alị ile te mẹ jụụ — makẹ olulu Osolobuẹ hụn rị a dụn kẹ ọkụn.

Jerimaya 4:26

E lee m ẹnya, alị nwẹn te e mẹ ihiẹn e họnringụọ atụ; obodo ile ịhịan te bi e mẹ mkpọkọ-mkpọkọ, makẹ ihiẹn Osolobuẹ mẹ; makẹ okẹn-olulu ọ rị e bu.

Jerimaya 4:7

Ẹwọrọ a ghagụọ ebe o bi pụha; onyẹ rị e tikpọ alị ichẹn-ichẹn e buligụọ. Ọ ghaọlẹ ebe ọ rị pụha d'e tikpọ alị ụnụ la iwi. Obodo ile rị alị ụnụ jẹnkọ d'e họnrin mkpọkọ-mkpọkọ, obodo ịhịan bilẹni.

Jerimaya 5:18

“Kanị, kẹ ogẹn hụ, etikpọchanrịnkọkwọ m ụnụ. Ya kẹ Osolobuẹ ku.

Jerimaya 50:17

“Izrẹlụ a wụrụgụọ atụnrụn gbayịyanị, atụnrụn ẹwọrọ chụzịza. Eze ndị Asiria bu ụzọ nwụnri ẹ, Nebukadineza eze Babilọnụ nọ nwan tachan ọkpụkpụ a.”

Jerimaya 50:7

Ndị ile hụnnị wẹ hụ e bu wẹ e ri. Ndị iṅẹnrẹn wẹ hụ a sị, ‘Uwẹ sị ẹnyi mẹ wẹ ihiẹn ẹnyi mẹ wẹ, uwẹ mẹ Osolobuẹ njọ — Osolobuẹ hụn wẹ nọ ẹka a e rijun ẹfọ, Osolobuẹ ndị nẹdi wẹ gi dọn ẹnya.’ Osolobuẹ sị nwan,

Jerimaya 8:13

Osolobuẹ sị, “M k'a napụ wẹ ihiẹn-ugbo wẹ: mkpụrụ arịkọ elu vaịnị wẹ; mkpụrụ arịkọ elu osisi figi wẹ; ẹhụhụọ ile rịn'a k'e shinwụn. Wẹ k'a napụ wẹ ihiẹn m ye wẹ.”

Jerimaya 8:16

Oro ẹshin-agha ndị-iṅẹnrẹn gi lala rị a han, a hanrukwọrị alị Danị; ẹshin wẹ ndị ahụn nwọn ndụn ọda-ọda hụ e yi oro alịnị ile hụ e mẹhunmẹ. Wẹ lala d'e ripụ alịnị lẹ ihiẹn ile rịn'a, obodoni lẹ ndị ile bin'ẹ.”

Ẹkwan 2:12

Ụmụẹka hụ a sị nnẹ wẹ, “Kẹ ẹnyi k'e ri? Kẹ ẹnyi k'a ra?” hụn ahụn wẹ rị a sọhị nọkẹ ndị-agha wẹ rụ eje-ẹhụ, a dantọ ọgbara-ogbe rịsọnmẹ imẹ obodo; a nwụntọ ẹka nnẹ wẹ.

Ẹkwan 2:2

Osolobuẹ emẹdẹni omikẹn, o tikpọchanrịn ebe ile ebọn Jekọpụ bi; o gigụọ ọnụma a tikpọchanrịn ebe ile w'a gbaban imẹ Nwagbọọ wụ Juda. O budangụọ alị-eze Juda lẹ ndị-isi rịn'a, bu wẹ che imẹ ifẹnrẹn.

Izikẹlụ 36:4

ugu ndị rị Izrẹlụ, gọn ni nwan ntịn ihiẹn Osolobuẹ Nwọn Ihiẹn Ile ku: Ọ rị a gwa ugu lẹ òke lẹ mgbugbu lẹ ọdanmgbugbu Izrẹlụ oku, ọ rị a gwazị obodo ndị gba nwan okpokoro imẹ ẹ lẹ ndị hụn ịhịan gba tọ. Alị ndị ọzọ fihunmẹ Izrẹlụ rị nwan e mẹ k'ọ sụọ wẹ, a mụ wẹ ẹmụ:

Hosia 2:12

M k'e wiwipụ vaịnị lẹ figi wẹ kụn, hụn wẹ rị a sị nị ya kẹ ndị wẹ gbasọn gi kụ wẹ ụgwọ. M k'e gi alị vaịnị lẹ figi ndị ahụn ile họnrin ẹgboko, anụ-ọfịa e bu wẹ ile ri.

Hosia 8:14

Izrẹlụ Ẹbamịn-ugu a zọgụọ Onyẹ keni wẹ, rụnsọnmẹ okẹn ụlọ: Juda hụ a tụnhunmẹ obodo-obodo mgbọn. M jẹnkọ nwan d'e zi ọkụn ye obodo ndị ahụn, ọkụn a dụnpụ okẹn ụlọ ndị ahụn.”

Juwẹlụ 2:3

Ihun wẹ, ọkụn hụ e bu e ri, azụụn wẹ, ọkụn hụzị e nwun. Nị wẹ d'a bịa, alị mẹ wokowoko nọkẹ ugbo ahụn rị alị Idẹni, wẹ ghafegụ, o họnrin atụ, ugbo wẹ yi ọkụn; onwọnni akpụ ihiẹn ohu w'a latọ.

Lẹvitikọsụ 26:16

lee ni ihiẹn m k'e mẹ ụnụ: m k'e zihẹni ụnụ ihiẹn-egun idẹnmizi, eje-emu hụn k'e sekpọ ụnụ lẹ ẹhụ-ọkụn hụn k'e mẹ ụnụ eleghazịlẹ ụzọ, gi ẹkẹrẹ-ẹkẹrẹ weri ndụn ụnụ. Ụnụ k'a kụn mkpụrụ la iwi, makẹni ndị iṅẹnrẹn ụnụ nwọn ri ẹ.

Zẹfanaya 3:6

“E tikpọgụọ m alị ndị ọzọ, obodo ndị wẹ te tụnhunmẹ mgbọn e họnrin nkpọkọ-nkpọkọ; e mẹgụọ m ọgbara-ogbe wẹ gba okpokoro onwọnzini onyẹ a ghanị wẹ; obodo ndị wẹ te bi a gbagụọ okpokoro! onwọnzini onyẹ bi ebẹhụ.

Malakaị 1:4

Ndị alị Isọ wụ Ẹdọm, jẹnkọ d'a sị, “E tikpọgụọ wẹ ẹnyi ru alị, kanị ẹnyi k'a tụndọnzi ihiẹn tikpọnị.” Kanị Osolobuẹ Ihiẹn ile rị okpuru ẹ, sị, “Wẹ tụndọnzi, e tikpọzị m'a — d'e ru nị a kpọma w'a, ‘Eje-alị, alị Osolobuẹ k'e busọn olulu jẹnrin ejẹn.’

Ditrọnọmi 28:33

Ndị ị marịnlẹni k'e ri ihiẹn gha alị ị pụha, ihiẹn ẹka ị rụnpụha. Onwọnni ihiẹn ị k'a hụn karị eje-mmẹkp'ẹhụ y'e we nwụn.