Jerimaya 5:13 - Ika

¹³ Wẹ sị, “Ufere mmaka kẹ ndị-amụma wụ, ẹlẹ Osolobuẹ zi wẹ; ihiẹn wẹ rị e ku ya nọ isi wẹ bụn.”

Jerimaya 5:13 Iomraidhean Croise

Ihiẹn Mẹni Nke Ẹbụọ 36:16

Kanị wẹ hụ e gi ndị ozi Osolobuẹ a mụ ẹmụ, e legberi oku Osolobuẹ, a mụ ndị-amụma a ẹmụ — d'e ru ebe Osolobuẹ nọ gi olulu bunụmanị ndị nke ẹ, d'e runi nwanahịn arịzị a.

Jobu 6:26

Ụnụ rịdẹ nwan a chọ nị ụnụ ghọsị nị ekuni m'ẹ ọhụnma, nị ụnụ mẹ oku-ọnụ onyẹ ndụn rị a gụ rịkẹ ufere mmakalaka?

Jobu 8:2

“Elee mgbe y'e kubehi oku nọ ẹnịna? Oku rị a gha ị ọnụ a pụha nọ kẹ okẹn ufere mmakalaka.

Itẹn 25:14

Onyẹ ghalẹni e ye ihiẹn o kwe nkwa a nọ kẹ orukpu lẹ ufere ghalẹni e zue mirin.

Azaya 41:29

Lee nwan nị ẹlẹ wẹ ezigbo ẹ! Ihiẹn ile wẹ rụn enwọn isi; mmọn ile wẹ kpụ wụhụ ufere lẹ isusu.

Jerimaya 14:13

Ya kẹ m nọ sị, “Euu, Di-nwọnni-ẹnyi wụ Osolobuẹ, ndị amụma wẹ hụ a sị wẹ nị ị sị, ‘Ụnụ ahụnkọ agha mọbụ ụnwụn. M jẹnkọ d'e mẹ n'ọ rịsọnmẹni ụnụ mma imẹ alịnị.’ ”

Jerimaya 14:15

Lee nwan ihiẹn mmẹ wụ Osolobuẹ ku banyeni ndị-amụma ndị ahụn gi ẹfan m e bu amụma: ẹlẹ mmẹ zi wẹ, kanị wẹ hụ a sị, ‘Kẹ ọpịa-agha kẹ ụnwụn erukọ alịnị.’ Ufiri ẹ, ọpịa-agha lẹ ụnwụn k'e gbu ndị-amụma hụ.

Jerimaya 18:18

O nwọn ndị sị, “Bịa nị, nị ẹnyi chọ ihiẹn ẹnyi e mẹ Jerimaya, makẹni, ẹnyi e nwọnghọ ndị nchụn-ẹjan a kuzi ẹnyi Iwu lẹ ndị marịn ihiẹn hụn a dụn ẹnyi ọdụn lẹ ndị-amụma e ku ọnụ Osolobuẹ. Pụha nị, nị ẹnyi gi ọnụ gbu ẹ; nị ẹnyi gọnbehi ni ntịn ihiẹn ọ rị e ku!”

Jerimaya 22:22

“Ufere jẹnkọ d'e buru ndị-isi ụnụ, wẹ k'a kpụnrụn ndị ọwụ ụnụ ụnụ gi dọn ẹnya shi alị ọzọ. Ogẹn ahụn ụnụ a fa, ifẹnrẹn e mẹ ụnụ makẹ njọ ile ụnụ mẹ.

Jerimaya 28:3

O gini e zu ahụa ẹbụọ, e wekin m ihiẹn ile eze ndị Babilọnụ wụ Nebukadineza gha imẹ ụlọ-nsọ Osolobuẹ ebeni kwashi alị Babilọnụ.

Jerimaya 43:2

ya kẹ Azaria nwa Hoshaya lẹ Johananị nwa Karia lẹzi ikẹnnyẹ ndị-ọzọ e mẹkarị enwẹn wẹ nọ sị Jerimaya, “Ntụ k'ị rị a tụ! Ẹlẹ Osolobuẹ wụ Chuku ẹnyi zi i d'a sị ẹnyi, ‘Ejẹnkwọlẹ ni Ijiptu d'e biri.’

Hosia 9:7

Ogẹn afụnfụn e rugụọ! Ogẹn wẹ gi a kụ ụgwọ-ọrụn a bịagụọ!! Ndị Izrẹlụ, marịnkwọ nị! Onyẹ-amụma wụ onyẹ-nzuzu, ẹnya ụnụ, Onyẹ Mmọn nsọ rị a kị wụ onyẹ-ẹra ẹnya ụnụ, makẹni njọ ụnụ e hikẹ, makẹni okẹn iwe rị ụnụ ẹfọ.