Jerimaya 49:5 - Ika

⁵ “M sikọ nwan d'e wẹhẹn'i ihiẹn-egun; o sikọ d'e fihunmẹ i azụụn ile. Mmẹ, Onyẹ hụn nwọn ihiẹn ile, Osolobuẹ ihiẹn ile rị okpuru ẹ, ku ẹ. Ihiẹn egun hụ sikọ d'a chụpụ ụnụ ile onwọnni onyẹ k'e wegbama ndị gbayịyanị.

Jerimaya 49:5 Iomraidhean Croise

Ndị-nze Nke Ẹbụọ 19:7

Lee ẹ, m jẹnkọ d'e bu mmọn ohu che imẹ ẹ, kẹni, ọ nụ ihiẹn o jẹnkọ d'a nụ, ọ lakin alị a, a nọ m alị a ebẹhụ mẹ wẹ gi ọpịa-agha gbu ẹ.’ ”

Jobu 15:21

Ụzụn e rọn egun kẹ ntịn a a nụ; ihiẹn mẹmẹ nọkẹ sị ọ rịchanrịngụọ mma, onyẹ e tikpọnị a maye ẹ.

Itẹn 28:1

Onyẹ eje-omumẹ a gba ọsọ bụ onwọnni onyẹ chụkọn'a, kanị onyẹ ezi-omumẹ e mẹ kẹ ẹwọrọ hụn egun ghalẹni a tụ.

Azaya 16:3

“Dodo, bucheni ni ẹnyi ọnụ; kuyeni ni ẹnyi! Wụrụnị nị ẹnyi igungun ogẹnni anwụn rị a ma ẹnyi ọda-ọda. Zuemẹ ndị nkẹ ẹnyi gbakọ ọsọ agha, erekwọlẹ ni ẹnyi ye ndị rị a chụnị ẹnyi.

Jerimaya 15:8

M k'e mẹ ikpoho wẹ di nwụnnahịn barahị, a karị wẹ ẹjan rị mkpẹnrẹn ohimin ọda. M k'e gi efinaị wẹhẹ onyẹ e tikpọnị d'e wiwi ndị nnẹ mụ ikorọbịa wẹ ihiẹn; e hukpu m wẹ eje-ihiẹn idẹnmuzi — hụn k'a fụgbu wẹ, tụgbu wẹ egun.

Jerimaya 16:16

“Kanị, m zila nwan ndị bu ọda d'a nwụn wẹ kẹ azụụn. Omẹgụ, a kpọha m ndị k'a chụ wẹ kẹ w'a chụ ọfịa, a chụ wẹ wẹ ebe ọwụlẹ wẹ warị, elu ugu lẹ òke ile lẹ imẹ okporo ọmụma.

Jerimaya 20:4

Makẹni, Osolobuẹ sị, ‘M k'e mẹ i ihiẹn k'a tụ kẹ yụ kẹ ndị-ọwụ ị egun. Ndị-iṅẹnrẹn wẹ k'a nọ idẹnya ị gi ọpịa-agha gbu wẹ. M k'e we ndị Juda ile ye eze ndị Babilọnụ mẹri, ọ kpụnrụn ndị ọ k'a kpụnrụn shi Babilọnụ, o gi ọpịa-agha gbu ndị o k'e gbu.

Jerimaya 46:5

“Kanị ihiẹn m rị a hụn wụ ọnwan: ‘Egun sikọ d'a tụgbu wẹ! A gbama wẹ ọsọ! Wẹ k'e mẹri wẹ, a gba wẹ ụkụ-akpalẹ-alị — elekọdẹ wẹ ẹnya azụụn! Egun sikọ e jun ụzọ ile!’ Ya kẹ Osolobuẹ ku.

Jerimaya 49:29

Wẹ k'a kpụnnarịn wẹ ewu lẹ atụnrụn wẹ, kpọnnarịn wẹ ẹkwa lẹ ihiẹn ile wẹ gi e tumẹ ọdụ, kpụnrụn anyịnyan-mkpukpuke wẹ. Wẹ k'a gha e yi wẹ oro, a sị, ‘Ihiẹn-egun e fihunmẹ ụnụ ụzọ ile!’ ”

Jerimaya 6:25

Apụkwọlẹ ni nị ụnụ jẹnkọ ugbo, aghakwọlẹni ụwaya — makẹni eṅẹnrẹn ahụn bịanị bukwọ ọpịa-agha; ihiẹn-egun fihunmẹ ẹnyi azụụn ile.

Ẹkwan 4:15

Ịhịan ile hụ e yi, “Pụ nị! Ụnụ rụ arụ! E jẹn ni! E jẹn ni! Emẹtụkwọlẹ ni ẹnyi ẹka!” Ogẹn wẹ gi gba ọsọ, wahunmẹmẹ, ndị alị ichẹn-ichẹn hụ a sị, “Ẹhẹn, anọdịkọzị wẹ alị ẹnyi ebeni.”

Emọsụ 4:3

Wẹ k'a gha ebe wẹ tikpọsọnmẹ mgbọn dupụ ụnụ, tụ ụnụ ye ibẹka Ugu Hẹmọnụ.” Osolobuẹ e kugụọ a.

Joshụa 2:9

sị wẹ, “A marịnghọ m nị Osolobuẹ e wegụọ alịnị ye ụnụ lẹ ni egun ụnụ rị a tụ ẹnyi ọda-ọda, nke wụnị ndị ile bi alịnị e dẹnhingụọ makẹni egun ụnụ rị a tụ wẹ.