Jerimaya 49:2 - Ika

² Lee nwan ihiẹn m k'e mẹ Amọnụ: Ogẹn lala hụn m'e gi yi oro agha, agha a bịa Raba wụ isi-alị ndị Amọnụ; wẹ k'e tikpọ Raba, o họnrin elumelu ẹjan; wẹ k'a dụn ụmụ-alị ile nọkunmẹn'ẹ ọkụn, Izrẹlụ a napụ ndị narịn a ihiẹn ẹ ihiẹn wẹ narịn a. “Mmẹ wụ Osolobuẹ ku ẹ.

Jerimaya 49:2 Iomraidhean Croise

Samuẹlụ Nke Ẹbụọ 11:1

Ogẹn ndị-nze gi e jẹn agha imẹ ahụa, Defidi nọ zi Jụabụ lẹ ndị-agha a lẹ ndị-agha Izrẹlụ ile. Wẹ nọ mẹri ndị alị Amọnụ, kehunmẹ isi-alị wẹ wụ Raba. Kanị Defidi nọdị Jerusalẹm.

Ẹbụ-ọma 48:11

Ẹfọ hụ a sụọ ndị Zayọnụ ụsụọ! Ndị bi obodo ile rị Juda wẹ ghọghọma, makẹni y'a hanka ezigbo eṅẹn.

Ẹbụ-ọma 97:8

Ndị Zayọnụ hụ a nụ a, a ghọghọ, ẹfọ hụ a sụọ ụmụ-alị Juda ụsụọ makẹ ezigbo eṅẹn i ile, Osolobuẹ.

Azaya 11:14

Wẹ ẹbụbụọ k'a wị maye ndị Filistia ndị bi mkpọtu òke ẹbamịn Ọdịdan-ẹnyanwụn, wịzị d'a maye ndị rị nkọ ọwụwa-ẹnyanwụn, kwarị ihiẹn wẹ. Wẹ k'e mẹ Ẹdọm lẹ Mụabụ ihiẹn; ndị Amọnụ k'a rị okpuru wẹ.

Azaya 17:1

Ihiẹnni kẹ Osolobuẹ ku Banyeni Damaskọsụ: Ọ sị, “Lee ẹnya, Damaskọsụ awụkọzị obodo; o k'a wụrụ ikpọn mkpọkọ-ihiẹn mkpọkọ-ihiẹn.

Jerimaya 4:19

Heuu, ụya e gbuẹ m! Ụya e gbuẹ m!! Lee ihiẹn m rị e fie-o. Heuu, ọ fụru m akpobi! Akpobi hụ a dụ m kpum-kpum. Asa m ẹka gba nkịtịn, makẹni a nụgụọ m opi agha; a nụgụọ m oro-agha.

Jerimaya 49:1

Lee ihiẹn Osolobuẹ ku banyeni ndị alị Amọnụ: “Izrẹlụ amụdẹni ụmụ ra? Onwọn ndị k'e bikin alị a ra? Kị Molẹkị werini ẹgbẹrẹ Gadị? Kị ndị a rụa Molẹkị birini alị ndị Izrẹlụ?

Izikẹlụ 21:20

“Se ụzọ ohu hụn ọpịa-agha ohu k'a gha shi Raba wụ isi-alị ndị Amọnụ, y'e se hụn ẹbọ hụn o k'a gha shi Juda lẹ isi-alị a wụ Jerusalẹm hụn wẹ tụnhunmẹ mgbọn zeni.

Izikẹlụ 21:25

“Ịyụ, eze Izrẹlụ, eje-ịhịan njọ gbuchanrịngụ k'ị wụ! Ogẹn i e rugụọ! Ụhụọhịn w'e gi ye i afụnfụn e ruchanrịngụọ!

Emọsụ 1:14

M jẹnkọ d'a mụ nwan ọkụn ye mgbọn obodo wẹ wụ Raba. Ọkụn ahụn k'e ripụ ụlọ-agha ile zegbu enwẹn ẹ rịn'a, ya lẹ oro-agha lẹ agha k'a wị, ya lẹ eje ẹbi k'a kpọnị k'a wịzị.

Obadaya 1:19

Ndị Izrẹlụ bi ẹbamịn-ndịdan wụ Nẹgẹvụ k'e weri ugu ahụn ụmụ Isọ bi; ndị bi Shẹfẹla — ẹbamịn ọdịdan-ẹnyanwụn k'e weri alị ndị Filistia; werizidẹ alị Ifrem lẹ Sameria; ebọn Bẹnjamini jẹnkọ d'e weri ẹgbẹrẹ Gilẹdị.

Ọgụngụn 10:9

“Ụnụ ru alị hụ ụnụ jẹnkọ d'e nwọnrin, ụnụ jẹnkọnị agha d'a lụsọn ndị-iṅẹnrẹn rị a bịangbuni ụnụ, gbu ni opi ndị hụ mgbe ohu. Osolobuẹ wụ Chuku ụnụ k'a nyanhan ụnụ, gbapụha ụnụ ẹka ndị-iṅẹnrẹn ụnụ.

Ọgụngụn 21:25

Ya ndị Izrẹlụ nọ mẹrichanrịn obodo ndị Amọ ile, birisọnmẹ imẹ wẹ, kẹ isi-alị wẹ wụ Hẹsh'bọnụ kẹ ụmụ-alị ile nọhunmẹn'ẹ.

Ditrọnọmi 13:16

Kpọnkikomẹ ni ihiẹn ile rị obodo ahụn kpọnye etintinnaị ogbe obodo hụ, ụnụ a dụnpụchanrịn kẹ obodo kẹ ihiẹn ndị ahụn ile ọkụn, nị wẹ ile họnrin ẹjan wẹ dụnnị Osolobuẹ wụ Chuku ụnụ ọkụn. Obodo hụ k'a rị mkpọkọ-mkpọkọ jẹnrin-ejẹn; atụndọnzikọ w'a.

Ditrọnọmi 3:11

(Ọgụ wụ eze Bashanị sụọ te họdụ imẹ ndị Rẹfa ile, ebọn adụn-aran hụ. Igwe kẹ wẹ gi mẹmẹ bẹdi ẹ — hụn suekarị ụbụkụ mmẹtọ, shịakarị ụbụkụ isin. Bẹdi ahụn hụkwọ nwan Raba, isi-obodo ndị Amọnụ.)

Joshụa 17:11

Manasẹ nwọnzi ndịnị rị imẹ alị Isaka lẹ Asha: Bẹt-Shanị lẹ Ibliam lẹ ndị bi Dọ, Ẹndọ, Taanakị lẹ Mẹgido, uwẹ ile lẹ ụmụ-alị wẹ. Dọ hụn mẹ wẹ ẹtọ wụzị Nafọtụ.

Joshụa 17:16

Ụmụ Josẹfụ nọ sị, “Alịnị lẹ ugu ẹ ndịnị ehini ẹnyi. Kanị ndị Kenaanị ile bi alị-aradan nwọn ụgbọ-ẹshin igwe wẹ gi a lụ agha, kẹ ndị bi Bẹt-Shanị lẹ ụmụ-alị Bẹt-Shanị kẹ ndị bi Ọdanmgbugbu Jezriẹlụ.”