Jerimaya 49:19 - Ika

¹⁹ “Lee ẹ! Kẹ ẹwọrọ dọn a gha ọfịa mkpẹnrẹn Iyi-Jọdanị a pụha ebe atụnrụn nọ a kpa nni mkpẹnrẹn mirin hụ ghalẹni a tahị: ẹrịra kẹ m k'a maye Ẹdọm idẹnmuzi, mẹ wẹ gba alị wẹ tọ. Onyẹ m chọ kẹ m e gi mẹ ẹ. Onyẹ nọ kẹ mmẹ? Onyẹ k'a jụ m ihiẹn ọwụlẹ? Elee eze k'a s'ẹka che m ọgụn?”

Jerimaya 49:19 Iomraidhean Croise

Ihiẹn Mẹni Nke Ibuzọ 12:15

Uwẹ fetu Iyi-Jọdanị imẹ ifọn ibuzọ, ogẹn o gi junpụha ọnụ, chụzịza ndị ile bi ọdanmgbugbu Jọdanị, kẹ ndị bi ẹbamịn ọwụwa-ẹnyanwụn kẹ ndị bi ẹbamịn ọdịdan-ẹnyanwụn.

Ihiẹn Mẹni Nke Ẹbụọ 20:6

sị: “Euu, Osolobuẹ, Chuku ndị nẹdi ẹnyi, ịyụ sụọ wụ Chuku hụn rị elu-igwee. Ịyụ rị a kị alị-eze ile rị alị ile. Ikẹn lẹ akwanran rị ị ẹka, onwọnni onyẹ k'a s'ẹka che i ọgụn.

Jobu 41:10

Onwọnni onyẹ egun a nị a kpọtiẹn ẹ. “Onyẹ kẹ egun k'a nị nwan che m ọgụn?

Jobu 9:19

O mẹni ihiẹn wẹ gi akwanran e mẹ rọ, dikẹn kẹ Chuku wụ! O mẹ nke ikin-ikpe, onyẹ k'a kpọ a ikpe?

Jobu 9:21

Ọsụọn'a enwọn m ihiẹn w'e gi kọrịanị m, onwọnzini ihiẹn m kpọ enwẹn m; onwọnzini ihiẹn ndụn m wụ ẹnya m —

Ẹbụ-ọma 143:2

Dodo, akpọlẹ mmẹ wụ odibo i kpe, makẹni onwọnni onyẹ rị ndụn hụn rị ọchan ẹnya ị,

Ẹbụ-ọma 76:7

O furu nị w'a tụ egun i! Onyẹ k'a saẹka wuzo ihun i ebe ị rị e bu olulu?

Ẹbụ-ọma 76:8

Ị nọ gha elu-igwee ma ndị-iṅẹnrẹn i ikpe; alị nọ mama piripiri, gba nkịtịn,

Ẹbụ-ọma 89:6

Onyẹ nọ kẹ Osolobuẹ imẹ igwere? E lee mmọn nọ kẹ Osolobuẹ?!

Ẹbụ-ọma 89:8

Osolobuẹ, Chuku ihiẹn ile rị okpuru ẹ, onyẹ wụ dikẹn lekẹ yụ, Osolobuẹ? Ọ pụhachanrịn ifọn azụụn ile n'ị wụ Onyẹ wẹ gi e dọn ẹnya.

Ọpụpụ 15:11

“Euu Osolobuẹ, elee mmọn nọ kẹ yụ? Onyẹ nọ kẹ yụ — hụn rị nsọ pụ-ichẹn; hụn e mẹ ihiẹn a tụ egun w'a ja mma; hụn a rụn ọrụn atụmẹnya?

Azaya 40:25

“Onyẹ kẹ ụnụ e gi nwan jeni m? Onyẹ kẹ mmẹ lẹ ịya han?” Ịya kẹ Onyẹ ahụn rị nsọ ku.

Azaya 46:9

Nyanhan nị ihiẹn ndị hụn mẹni, ihiẹn ndị hụn mẹ mbụ-mbụ; mmẹ wụ Osolobuẹ, ọzọ arịa. Mmẹ wụ Osolobuẹ, onwọnni onyẹ nọ kẹ mmẹ.

Jerimaya 12:5

Osolobuẹ nọ sị m, “Omẹni ndị-ụkụ k'i sọn gba ọsọ, e mẹ wẹ ndụn gụ ị, nanị y'a dọn nwan sọn ẹshin gba ọsọ? Ị hụ ebe fọnni a kpọgburu, k'i k'e mẹzi nwan imẹ ọfịa kinni rị mkpẹnrẹn Iyi Jọdanị?

Jerimaya 25:9

m jẹnkọ d'a kpọhanị ụnụ ndị alị ile rị ẹbamịn-ugu — uwẹ lẹ odibo m wụ Nebukadineza eze Babilọnụ. M k'e wẹhẹ wẹ d'e mẹ alịnị lẹ ndị rịn'a lẹ alị ndị ọzọ ile fihunmẹ alịnị ihiẹn. M k'e tikpọchanrịn wẹ, mẹ wẹ gba okpokoro, mẹ wẹ wụrụ ihiẹn w'a manị ọsụa (ọsụọ) lẹ ebe mẹ mkpọkọ-mkpọkọ jẹnrin ejẹn.

Jerimaya 30:21

Onyẹ nke wẹ jẹnkọ d'a kị wẹ; imẹ igunrun wẹ kẹ onyẹ k'a kịnị wẹ k'a gha pụha. M k'e wezụnhan a, ọ nọkunmẹ m — makẹni onwọnni onyẹ k'a sa ẹka nọkunmẹ m sokpan mmẹ wezụnhan a. Ya kẹ Osolobuẹ ku.

Jerimaya 4:7

Ẹwọrọ a ghagụọ ebe o bi pụha; onyẹ rị e tikpọ alị ichẹn-ichẹn e buligụọ. Ọ ghaọlẹ ebe ọ rị pụha d'e tikpọ alị ụnụ la iwi. Obodo ile rị alị ụnụ jẹnkọ d'e họnrin mkpọkọ-mkpọkọ, obodo ịhịan bilẹni.

Daniẹlụ 7:4

“Nke ibuzọ nọ kẹ ẹwọrọ, kanị nku ugọn k'o nwọn. Ebahụn m rị e lee ẹ, nku ẹ ndị hụ nọ kwapụ, ọ nọ gha alị lihi, gi ụkụ a ẹbụbụọ wuzo kẹ ịhịan, wẹ nọ ye ẹ obi o gi e ro iroro kẹ ịhịan.

Nahum 1:6

Ọ kpọma ọnụma, onyẹ k'a saẹka turu? Onyẹ k'a saẹka dingbu uwowo olulu ẹ? Iwe lẹ ọnụma a e hupụha rịkẹ ọkụn — Osolobuẹ e tikpọchanrịn ọmụma.

Zẹkaraya 11:3

Ndị e du anụ rị e goo, makẹni ihiẹn wẹ gi e bi e wiwigụọ! Ẹwọrọ rị ẹgboko Iyi Jọdanị rị e dẹn, makẹni ẹgboko Iyi Jọdanị a lagụọ iwi!

Ọgụngụn 16:5

Ya ọ nọ sị Kora lẹ ndị ile sọnkọn'a, “O ru ụtụntụn ekile, Osolobuẹ a ghọsị onyẹ hụn wụ nke ẹ lẹ onyẹ hụn rị nsọ — mẹ onyẹ ahụn nọkunmẹ ẹ. Onyẹ hụn ọ họrị k'o k'a nị nọkunmẹ ẹ.

Joshụa 3:15

Ozigbo ndị nchụn-ẹjan bu Ẹkpẹti Osolobuẹ ru Iyi-Jọdanị; ụkụ wẹ mẹtụhụ mirin hụ hụn jun pụ ọnụ k'o dọn e jun ogẹn ahụn wẹ gi a ghọ ihiẹn-ugbo,

Rẹvẹleshọnụ 6:17

makẹni okẹn ụhụọhịn wẹ e gi ghọsị ọnụma a bịagụọ! Onyẹ jẹnkọ d'a sa ẹka wuzo!”