Jerimaya 48:7 - Ika

⁷ “Makẹni ụnụ gi ihiẹn ụnụ rụn e dọn ẹnya, ya lẹ akụ-lẹ-ụba ụnụ, wẹ k'a nwụnrụnzịkwọ ụnụ nwẹn. Wẹ k'e weridẹ mmọn ụnụ wụ Kẹmọshi pụ, ya lẹ ohẹn-Kemọshi lẹ ndị-ọrụn Kẹmọshi.

Jerimaya 48:7 Iomraidhean Croise

Samuẹlụ Nke Ẹbụọ 5:21

Ndị Filistia nọ gba mmọn ndị wẹ buhẹ agha tọ ebẹhụ, Defidi lẹ itu ẹ nọ kpọnrin mmọn ndị ahụn.

Ndị-nze Nke Ibuzọ 11:33

M k'a napụ Solomọnụ ya makẹni a lagụọ wẹ m tọ, femẹ Ash'ta onyẹnnyẹ-mmọn ndị Sidọnụ, Kẹmọshi mmọn ndị Mụabụ lẹ Molẹkị mmọn ndị Amọnụ; esọnni wẹ ụzọ m, emẹni wẹ ihiẹn rị mma ẹnya m, esọnni wẹ uhi m lẹ iwu m kẹ Defidi nẹdi Solomọnụ dọn mẹ.

Ndị-nze Nke Ibuzọ 11:7

Solomọnụ rụnzị ụlọ-mmọn ye elu ugu rị ẹbamịn ọwụwa-ẹnyanwụn Jerusalẹm hụn wẹ nọ e fe Kẹmọshi, ihiẹn-ụrụ hụ ndị Mụabụ e fe, lẹ hụn wẹ nọ e fe Molẹkị, ihiẹn-ụrụ ndị Amọnụ e fe.

Ẹbụ-ọma 40:4

Onyẹ hụn gi Osolobuẹ dọn ẹnya enwọnkẹ ngọzi, onyẹ ghalẹni e gi ndị mpache e dọn ẹnya ghalẹni e gi ndị ihunnaị.

Ẹbụ-ọma 52:7

“Lee dikẹn nwẹn jụ n'o gbọnkọnị Chuku, kama, o gi akụ-lẹ-ụba a dọn ẹnya, gi ẹ zekẹnmẹ e tikpọ ndị ọzọ!”

Jerimaya 13:25

Ịya wụ ihiẹn run'i, ịya kẹ m keye i — makẹni y'a zọgụọ m, gi mmọn-lẹ-iyi wụlẹni Chuku dọn ẹnya. Ya kẹ Osolobuẹ ku.

Jerimaya 43:12

O k'a mụ ọkụn ye ụlọ-mmọn rịsọnmẹ Ijiptu, dụnpụ ụlọ-mmọn wẹ ọkụn, kpọnrin mmọn wẹ. O k'a tụtụkwama ihiẹn ile rị mma rị alị Ijiptu, kẹ onyẹ e du anụ dọn a tụtụpụchanrịn izun ẹkwa a; o k'e bu wẹ ile la, onwọnni ihiẹn k'e mẹn'ẹ.

Jerimaya 48:13

“O k'e kpuye alị Mụabụ, o gi gi mmọn wẹ wụ Kẹmọshi dọn ẹnya, k'o dọn kpuye Izrẹlụ Ẹbamịn-ugu hụn gi mmọn wẹ kọma imẹ Bẹtẹlụ dọn ẹnya.

Jerimaya 48:46

Nke i a gụgụọ, Mụabụ! Nke ndị a rụa Kẹmọshi a gụgụọ! Wẹ k'a kpụnrụn ụmụ ị ikẹnnyẹ, kpụnrụn ụmụ ị ikpoho.

Jerimaya 49:3

Alị Hẹsh'bọnụ, gomẹ, nị e tikpọ wẹ alị Aị ndị Amọnụ! Ụmụ alị Raba, kwanma nị ụya! Yiri ni ẹkwa-achọ wẹ gi a kwan ụya; a gbahunmẹ ni, e yi kẹ ụnụ e mẹ imẹ obodo ụnụ. Makẹni wẹ jẹnkọ d'e weridẹ mmọn ụnụ wụ Molẹkị shi alị ọzọ, ya lẹ ndị a ghọn'a lẹ ndị ọzọ a rụnn'a ọrụn.

Jerimaya 49:4

“Kị ị rị e gini ọdanmgbugbu ndị rị alị ị a nyan isi? Nị ihiẹn e junkẹ ọdanmgbugbu i, e hu kẹ mirin? Kịnị k'ị rị a nyannị isi — nwagbọọ kpahuni, hụn gi ihiẹn bu ọda o nwọn e dọn ẹnya, a sị, ‘Onyẹ k'a maye m ọgụn?’

Jerimaya 9:23

Osolobuẹ sị, “Onyẹ marịn ihiẹn y'e gilẹ amamihiẹn ẹ nyan isi; dikẹn y'e gilẹ ikẹn o nwọn nyan isi; ọdanfịn y'e gilẹ efe ẹ nyan isi,

Hosia 10:13

Kanị eje-obibi kẹ ụnụ kụn, ụnụ nọ nwan ghọrị mmẹgbu, ụnụ nọ nwan ghọrị ntụ ri. Makẹni nke ụnụ kẹ ụnụ gi dọn ẹnya ya lẹ ndị-agha ụnụ bugbu enwẹn wẹ ọda.

Ọgụngụn 21:29

Ụya e gbuẹ i, Mụabụ! E tikpọ wẹ ụnụ, ndị e fe Kẹmọshi! Kẹmọshi a lagụọ ụmụ a ikẹnnyẹ tọ, e họnrin wẹ ndị wẹ rị a chụ achụ, ọ lagụọ ụmụ a ikpoho tọnị wẹ nwụnrụn, la wẹ tọnị Sihọnụ eze Amọ!

Timoti Ibuzọ 6:17

Nke ndị wụ ọdanfịn elu ụwanị, gba wẹ mkpịnsịn-ẹka, sị wẹ apachelẹ mọbụ gi ẹfe (akụ-lẹ-ụba) ụwanị ghalẹni a tọ dọn ẹnya. Kama, wẹ gi Osolobuẹ dọn ẹnya, onyẹ hụn e yechanrịn ẹnyi ihiẹn ile e yekwasị kẹni ẹfọ a sụọ ẹnyi ụsụọ.

Rẹvẹleshọnụ 18:7

Ye ẹ afụnfụn lẹ ẹkwan han kẹ ọghọ o ye enwẹn ẹ lẹ obibi mmẹ-nwọn-enwẹn-m o bi. “Ebe o mẹni ọ sị enwẹn ẹ, ‘Mmẹ wụ eze; di anwụnnahịnnị m; ihiẹn-ẹkwan emẹkọ m!’

Ndị Han Eṅẹn 11:24

Mmọn ụnụ wụ Kẹmọshi ye ụnụ ihiẹn, y'e wekọ a? Ẹrịra k'ọ rịzị: ihiẹn ọwụlẹ Osolobuẹ wụ Chuku ẹnyi ye ẹnyi, ẹnyi sikọ d'e weri.