Jerimaya 48:47 - Ika

⁴⁷ “Kanị, o mẹgụ, m jẹnkọ d'e mẹ n'ọ rịzịnị alị Mụabụ mma. Mmẹ wụ Osolobuẹ ku ẹ.” Ebeni kẹ ikpe Chuku ma alị Mụabụ jẹndemẹ.

Jerimaya 48:47 Iomraidhean Croise

Jobu 19:25

A marịnghọ m nị Onyẹ Agbapụhanị m rị ndụn, n'o k'e wuzo elu-ụwa ogẹn ikpanzụụn;

Azaya 18:7

O ru ogẹn ahụn, ndị ahụn e wẹhẹmẹni Osolobuẹ ihiẹn ile rị okpuru ẹ ihiẹn, ndị hụ sue usue, nwọnkẹlẹni ẹṅẹnrẹn ẹhụ; ndị ahụn w'a tụ egun wẹ — kẹ ẹhụ-nsue kẹ ebe teni; ndị zegbu enwẹn wẹ hụn a zọgbusọnmẹ ndị ọzọ; ndị hụn iyi kebesọnmẹ alị wẹ. Ugu Zayọnụ, ebẹhụ ẹfan Osolobuẹ ihiẹn ile rị okpuru ẹ rị kẹ wẹ k'e wẹhẹ oyiye ndị hụ.

Azaya 23:18

Kanị, erere-afịa a lẹ ụgwọ-ọrụn a ile k'a wụrụ ihiẹn wẹ gi kwachanrịnnị Osolobuẹ; edọnmẹkọ w'a — kama o k'a wụrụ nke ndị e bi ihun Osolobuẹ, e gi wẹ ẹ e rijun ẹfọ, e yi ẹkwa rị mma.

Azaya 25:11

Wẹ jẹnkọ d'a shịapụ ẹka wẹ ebẹhụ wẹ rị — kẹ ịhịan a shịapụ ẹka e gu mirin. Kanị, kẹ w'a nwanlẹ, Chuku k'e budan wẹ lẹ mpache wẹ.

Azaya 45:20

‘Gbakikomẹ ni bịa; ụnụ ile gha alị ichẹn-ichẹn gbapụha; ndị hụn e buhunmẹ mmọn wẹ pịn amarịn ihiẹn, ndị hụn a kpọku mmọn ghalẹni a zụọpụha ịhịan.

Jerimaya 12:14

Mmẹ wụ Osolobuẹ sị, “O mẹ nke eje-alị ndị ahụn ile nọkunmẹ ndị nke m Izrẹlụ, alị ndị hụn rị a napụ wẹ alị m ye wẹ, m jẹnkọ d'e huepụsọnmẹ wẹ alị wẹ nọkẹ osisi, zụọpụha ikpụlọ Juda ẹka wẹ.

Jerimaya 12:15

M huepụgụ ndị alị ndị ahụn ile, m k'e mẹni Izrẹlụ omikẹn, wekinsọnmẹ onyẹ-onyẹ ukuu ẹ lẹ alị a.

Jerimaya 23:20

Olulu Osolobuẹ arọkọ d'e ru n'o mẹgụ ihiẹn o bu obi. Ihun k'o sikọ d'e wechanrịn ụnụ ẹnya.

Jerimaya 30:24

Iwe Osolobuẹ hụn rị a dụn kẹ ọkụn arọkọ d'e ru n'o mẹchanrịngụ ihiẹn rị a obi. Ihun kẹ ụnụ jẹnkọ d'a ghọta ihiẹnni.

Jerimaya 46:26

M k'e we wẹ che ẹka ndị chọkọ wẹ ogbugbu, ẹka Nebukadineza eze Babilọnụ lẹ ndị isi-agha a. “Kanị, o mẹgụ, ịhịan jẹnkọ d'e bizi alị Ijiptu k'o dọn rị mbụ. Mmẹ wụ Osolobuẹ ku ẹ.

Jerimaya 49:39

“Kanị omẹgụ, m k'e mẹzi ihiẹn masịnị Ẹlam. Mmẹ wụ Osolobuẹ ku ẹ.”

Jerimaya 49:6

Kanị, o mẹgụ, m k'e mẹzi n'ọ rịnị ndị Amọnụ mma.” Mmẹ wụ Osolobuẹ ku ẹ.

Izikẹlụ 38:8

Ọ nọbe, m k'a kpọ ị ọrụn; ihun-ihun, i k'e jẹn d'a lụsọn alị ohu agha: alị wẹ dọnzigụhụ kẹ agha tikpọgụ a, ndị wẹ ghagụhụ alị bu ọda wekinhẹn alị wẹ. Alị ugu wụ Izrẹlụ rọ. Alị hụn te gbabie okpokoro, wẹ nọ gha alị ndị ọzọ rị ichẹn-ichẹn welụa wẹ, e bimẹzi wẹ udọn-lẹ-ndọnkwa.

Daniẹlụ 10:14

M bịa nwan d'a gwa ị ihiẹn k'e mẹ ndị nke i ihun, makẹni ogẹn ihiẹn ị hụn imẹ ọhụnnị e gi mẹ eke ru.”

Daniẹlụ 11:41

O sikọ d'a mayezi Alị Ahụn Ma mma. Alị bu ọda k'a dan, kanị wẹ k'a gbapụha Ẹdọm, Mụabụ lẹ ndị ndu Amọnụ ẹka a.

Daniẹlụ 2:28

kanị, o nwẹghọ Chuku rị elu-igwee hụn e wepụha ihiẹn zuerini ifọn. Ọ ghọsịgụọ yụ wụ Eze wụ Nebukadineza ihiẹn k'e mẹ ihun. Lee nwan nrọ ị, ihiẹn ị rọhụn ebe i dinẹ elu bẹdi i:

Hosia 3:5

Kanị, omẹgụ, ndị Izrẹlụ k'a lụahazị, chọmazị Osolobuẹ wụ Chuku wẹ lẹ onyẹ ebọn Defidi ahụn k'a wụ eze wẹ. Wẹ k'a ma piripiri bịa d'e kunrun Osolobuẹ lẹ ngọzi ẹ — ogẹn ikpanzụụn.

Ọgụngụn 24:14

“M laburukọ nwan ndị nke m; ka gọn nwan ntịn nị m gwatọ ị ihiẹn ndị Izrẹlụ jẹnkọ d'e mẹ ndị nke i ihun.”

Ditrọnọmi 31:29

Makẹni, a marịnghọ m nị m nwụnhụngụ, nị ụnụ jẹnkọ d'a rụchanrịn, la ụzọ m sị ụnụ gha tọgbọ. O ru ihun, ihiẹn-ikẹn sikọ d'a bịanị ụnụ makẹni ụnụ jẹnkọ d'e mẹ ihiẹn rịlẹni mma ẹnya Osolobuẹ, gi ife-mmọn, ihiẹn ẹka ụnụ mẹmẹ, kpasu ẹ iwe.”

Ditrọnọmi 4:30

Ẹghẹẹ, ụnụ hụngụ ụya ndịnị ile ogẹn hụ, rogharị buru Osolobuẹ wụ Chuku ụnụ, mẹ ihiẹn o ku,