Jerimaya 48:45 - Ika

⁴⁵ “Ndị gbakọnị agha sikọ d'a gbaha Hẹsh'bọnụ, wẹ lẹ ndụn gụnị wẹ; Hẹsh'bọnụ kẹ ọkụn k'a gha benwunrun, Hẹsh'bọnụ hụn Sihọnụ nọ kị ogẹn mbụ kẹ ọkụn k'a gha nwunrun. Ọ k'a dụnpụ ndị Mụabụ ezimezi ihun, dụnkpụkpọ okpokomisi ndị hụn agha a sụọ.

Jerimaya 48:45 Iomraidhean Croise

Ẹbụ-ọma 135:11

Sihọnụ eze Amọ lẹ Ọgụ eze Bashanị, lẹzi alị-eze ile wẹ lẹ wẹ rị Kenaanị.

Ẹbụ-ọma 78:63

Ọkụn nọ bu ikorọbịa wẹ ri, ịgbagba wẹ ahụnzịnị onyẹ a ja wẹ mma.

Jerimaya 2:16

Ndị Mẹmfisi lẹ Tapanhẹsị alị Ijiptu a kọgụọ ụnụ mkpukpuriẹ, gi gbe ifẹnrẹn ye ụnụ ihun.

Jerimaya 48:2

Anụkọzị wẹ ẹfan Mụabụ; wẹ k'a nọ Hẹsh'bọnụ rị Mụabụ zu umẹ hụn wẹ k'e gi tikpọ alị Mụabụ ru alị, a sị, ‘Pụha nị, nị ẹnyi tikpọ n'a n'ọ wụbehi alị.’ Alị Mad'mẹni, wẹ k'e kpumẹzikwọ ị ọnụ; ọpịa-agha k'a chụ ị ọsọ!

Emọsụ 2:2

M sikọ nwan d'e zi ọkụn ye alị Mụabụ. Ọkụn ahụn k'e ripụ ụlọ-agha ndị ahụn zegbu enwẹn ẹ rị Kẹriọtụ. Wẹ k'e tikpọ alị Mụabụ. Nkpọtụ lẹ oro-agha lẹ opi-agha k'a rị ụhụọhịn wẹ k'e tikpọ alị Mụabụ.

Zẹkaraya 10:4

M k'a gha imẹ Juda weli ndị-ọkịkị ile: kẹ ọmụma gi ụlọ kẹ mkpụkpọ kẹ ụta-agha.

Ọgụngụn 21:21

Ya ndị Izrẹlụ nọ han ụkọ jẹnni Sihọnụ, eze ndị alị Amọ, sị a,

Ọgụngụn 21:26

Hẹsh'bọnụ te wụ isi-alị Sihọnụ eze ndị Amọ hụn wẹ mẹri nwan. Sihọnụ te maye eze alị Mụabụ, narịnkwama a alị a ile d'e rukwọrị Iyi Anọnụ.

Ọgụngụn 21:28

Ọkụn te gha Hẹsh'bọnụ pụha, ọkụn rị e nwunni te gha obodo Sihọnụ pụha: ọ dụnpụ obodo Arẹ rị alị Mụabụ, dụnpụ ndị bi alị-ugu Anọnụ.

Ọgụngụn 21:29

Ụya e gbuẹ i, Mụabụ! E tikpọ wẹ ụnụ, ndị e fe Kẹmọshi! Kẹmọshi a lagụọ ụmụ a ikẹnnyẹ tọ, e họnrin wẹ ndị wẹ rị a chụ achụ, ọ lagụọ ụmụ a ikpoho tọnị wẹ nwụnrụn, la wẹ tọnị Sihọnụ eze Amọ!

Ọgụngụn 24:17

M hụ a hụn a — kanị ẹlẹ ihiẹn kikẹnni; m hụ e legha a — kanị ẹlẹ ihiẹn ẹhụ nsue. Kokisẹ ohu k'a gha ebọn Jekọpụ pụha; Ọkpọ-eze k'a gha imẹ Izrẹlụ pụha. O k'a kụkpụkpọ alị Mụabụ ezimezi ihun, kụkpụkpọ wẹ ile wụ ndị Shẹti okpokomisi.

Matiu 21:42

“Jizọsị nọ sị wẹ: Ụnụ e ke gụntu ihiẹn Ẹkụkwọ-nsọ ku? Ẹkụkwọ-nsọ sị, ‘Ọmụma hụ ndị a tụn ụlọ jụ, a wụrụọlẹ hụn gi ụlọ; Ẹka Di-nwọnni-ẹnyi mẹ ihiẹnni, ọ tụka ẹnyi ẹnya!’