Jerimaya 48:44 - Ika

⁴⁴ Onyẹ gbanahịn ihiẹn-egun ahụn, ọ danye imẹ mgbugbu hụ; onyẹ hụn isi nyinpụha imẹ mgbugbu hụ, ọ danban ọnyan hụ. Makẹni, m welanị alị Mụabụ ogẹn o gi ta afụnfụn furun'ẹ. Mmẹ wụ Osolobuẹ e kugụọ a.

Jerimaya 48:44 Iomraidhean Croise

Ndị-nze Nke Ibuzọ 19:17

Jehu nwọn gbu onyẹ ọwụlẹ wanahịn ọpịa-agha Hazaẹlụ; Ẹlaịsha nwọn gbu onyẹ ọwụlẹ wanahịn ọpịa-agha Jehu.

Ndị-nze Nke Ibuzọ 20:30

Ndị họdụnị nọ gbashi obodo Afẹki, kanị mgbọn obodo Afẹki nọ dangbu wẹ ile, mmadụ nnụ-uku ẹsa kwasị ọgụn (27,000). Bẹn-Hadadị nkẹ nọ gbaban imẹ obodo ahụn, rụban mmughẹ ohu rị imẹ-imẹ d'a warị.

Azaya 10:3

Kị ụnụ k'e mẹ nwan ụhụọhịn o k'a jụ ụnụ ajụjụ — ogẹn nsọngbu k'a gha ebe teni bịa? Onyẹ kẹ ụnụ k'a gbaburu n'o yeni ụnụ ẹka? Elebe kẹ ụnụ k'e butọ akụ-lẹ-ụba ụnụ?

Azaya 24:17

Ihiẹn-egun lẹ mgbugbu lẹ ọnyan rị e che ụnụ, ụnụ ndị rị elu-ụwa.

Azaya 24:18

Onyẹ hụn isi gbanahịn ihiẹn-egun ahụn, ọ danye imẹ mgbugbu; onyẹ hụn isi gha imẹ mgbugbu hụ nyinpụha, ọnyan a nwụn a. Ụzọ mirin rị elu-igwere a gụnpụsọnmẹgụọ, iyetọ ụwa hụ e zinzin.

Jerimaya 10:15

Abannị wẹ erere, wẹ wụhụ ihiẹn ẹmụ; wẹ jẹnkọ d'a la iwi ogẹn m'e gi mẹ wẹ ihiẹn furuni wẹ.

Jerimaya 11:23

Onwọnkọdẹ kaka akpụ onyẹ ohu m jẹnkọ d'a latọ imẹ wẹ, makẹni eje-nsọngbu kẹ m welanị ndị Anatọtụ ogẹn m'e gi ye wẹ afụnfụn.”

Jerimaya 16:16

“Kanị, m zila nwan ndị bu ọda d'a nwụn wẹ kẹ azụụn. Omẹgụ, a kpọha m ndị k'a chụ wẹ kẹ w'a chụ ọfịa, a chụ wẹ wẹ ebe ọwụlẹ wẹ warị, elu ugu lẹ òke ile lẹ imẹ okporo ọmụma.

Jerimaya 23:12

Ufiri ẹ, ụzọ wẹ k'a rị e kpo; wẹ sikọ d'a chụ wẹ ye imẹ ishi, a dantọ wẹ ebẹhụ. M k'e mẹ wẹ okẹn-ihiẹn o ru ogẹn m'e gi ye wẹ afụnfụn. Mmẹ wụ Osolobuẹ e kugụọ a!

Jerimaya 46:21

Ndị alị ọzọ ahụn wẹ we d'a lụnị wẹ agha du kẹ nwa-efin, kanị wẹ nwẹn k'e sọn wẹ gbala — asakọ wẹ ẹka turu, makẹni ụhụọhịn w'e gi tikpọ wẹ rọ — ogẹn wẹ e gi ye wẹ afụnfụn rọ.

Jerimaya 49:8

Ndị bi Dedanị, gbapụhakwọ nị, d'a warị imẹ okporo, nị m k'e tikpọ ebọn Isọ wụ Ẹdọm ogẹn m'e gi ye ẹ afụnfụn.

Jerimaya 50:24

M k'e shini i ọnyan, Babilọnụ, y'a marịnkọ ogẹn y'e gi dan a, a hụn wẹ i, nwụndọn i, makẹni ị sọn Osolobuẹ dọ.

Jerimaya 50:27

Gbuchanrịn nị okoro efin wẹ; kpụnrụn nị wẹ d'e gbu! Nsọngbu k'a rịnị wẹ makẹni ogẹn wẹ e rugụọ — o ruọlẹ ogẹn w'e gi narịn afụnfụn ihiẹn wẹ mẹ.

Jerimaya 51:18

Abannị wẹ erere, wẹ wụhụ ihiẹn wẹ gi a kpa ẹmụ; wẹ jẹnkọ d'a la iwi ogẹn m'e gi mẹ wẹ ihiẹn furuni wẹ.

Jerimaya 8:12

Ifẹnrẹn eje-obibi wẹ hụdẹ e mẹ wẹ? Elebedẹ! Ifẹnrẹn arị wẹ ẹnya kaka! Wẹ ghadẹ e mẹ ẹ, e mẹ wẹ isi kan-kan-kan! Wẹ k'a nwụn nwan kẹ ndị ọzọ dọn nwụn; wẹ k'e ru alị ogẹn m'e gi ye wẹ afụnfụn.’ ” Ya kẹ Osolobuẹ ku.

Ẹkwan 3:47

Ihiẹn-egun lẹ ọdakin e kunrungụọ ẹnyi, ya lẹ ntikpọ lẹ mwiwi.”

Hosia 9:7

Ogẹn afụnfụn e rugụọ! Ogẹn wẹ gi a kụ ụgwọ-ọrụn a bịagụọ!! Ndị Izrẹlụ, marịnkwọ nị! Onyẹ-amụma wụ onyẹ-nzuzu, ẹnya ụnụ, Onyẹ Mmọn nsọ rị a kị wụ onyẹ-ẹra ẹnya ụnụ, makẹni njọ ụnụ e hikẹ, makẹni okẹn iwe rị ụnụ ẹfọ.

Emọsụ 5:19

Nọkẹ ebe ịhịan gbakọnị ẹwọrọ, gbakunrun eje-anụ wụ biẹ mọbụ ebe ịhịan nọ ban imẹ ụlọ, bu ẹka kwasị ẹhụ-ẹjan, agwọ a ta a.

Maịka 7:4

Mma wẹ e mẹ nọ kẹ ogun; onyẹ hụn kụrụ ọtọ imẹ wẹ akanị ụgba ogun-lẹ-ọkịnkan mma. Kanị ogẹn ahụn ndị-nche ụnụ gwatọ ụnụ a bịagụọ, ogẹn m'e gi ye ụnụ afụnfụn; o sikọ d'a gba ụnụ ngharị-ẹnya!