Jerimaya 48:41 - Ika

⁴¹ Ẹka ndị iṅẹnrẹn k'a dụ alị Kẹriọtụ rị Mụabụ; ebẹhụ zegbu enwẹn ẹ w'a gbaban k'a bandẹ ndị iṅẹnrẹn ẹka. Ogẹn hụ obi k'a nọ ndị-agha alị Mụabụ kẹ nke okpoho imẹ rị e mẹ.

Jerimaya 48:41 Iomraidhean Croise

Azaya 13:8

Okẹn egun k'e kwọndọn wẹ, ụfụ lẹ afụnfụn k'e kwọndọn wẹ; wẹ k'a marịrị nọkẹ okpoho imẹ rị e mẹ. Wẹ k'a rị e lee ibe wẹ egun-egun; ẹnya k'e turu wẹ.

Azaya 21:3

Ihiẹnni m hụn hụ a ta m ẹfọ, ọ tụrụ m kẹ ebe imẹ rị e mẹ okpoho; ihiẹn m nụ ọnụ Osolobuẹ rị a gụ m ndụn, ihiẹn ọ ghọsị m tụ m egun ọda-ọda.

Jerimaya 30:6

D'a jụkwọ nị omẹni okẹnnyẹ a mụ nwa! Omẹni okẹnnyẹ ara mụ nwa, kị haịn nwan m gi a hụn ikẹnnyẹ ile ndụn rị kẹ wẹ gi ẹka kwọndọn ẹfọ lekẹ okpoho imẹ rị e mẹ? Kị haịn ihun onyẹ ọwụlẹ gi e nwun ṅanhịan kẹ ndị ẹdeke gụ ẹhụ?

Jerimaya 4:31

M rị a nụ olu rị a kwan lekẹ okpoho imẹ rị e mẹ, lekẹ okpoho rị a mụ nwa ibuzọ! M rị a nụ kẹ Nwagbọọ wụ Zayọnụ rị e kwọn elu-elu, a tịnpụ ẹka, e yi, “Heuu, m'e d'a nwụnhụn; e we wẹ ndụn m ye ndị-izighẹ!”

Jerimaya 4:9

Osolobuẹ sị, “Ogẹn ahụn, ndụn k'a gụ eze lẹ ịhaịmẹ ẹ; egun k'a tụgbu ndị nchụn-ẹjan; o k'a gba ndị-amụma ngharị-ẹnya.”

Jerimaya 48:24

kẹ Kẹriọtụ kẹ Bozra — kẹ alị ile rị alị Mụabụ — kẹ ndị rị ẹhụ nsue kẹ ndị rị ebe teni.

Jerimaya 49:22

Lee ẹ, wẹ k'e fekwasị alị Bozra rị Ẹdọm kẹ ugọn dọn e feshi elu, a shịapụ nku e fetu d'e buru ihiẹn. Ogẹn ahụn, obi k'a nọ ndị odogun-agha Ẹdọm kẹ obi okpoho imẹ rị e mẹ.

Jerimaya 49:24

Ndụn a gụchanrịn ndị Damaskọsụ, a gbakin wẹ azụụn. Egun, uhue lẹ ụfụ k'e kwọndọn wẹ kẹ okpoho imẹ ri e mẹ.

Jerimaya 50:37

“Ọpịa-agha ya bunụmanị ẹshin lẹ ụgbọ-ẹshin Babilọnụ; ya d'e gbu itumunyẹ ile rị ndị-agha a! Obi k'e dẹnhin wẹ kẹ ikpoho. Ọpịa-agha ya weri akụ-lẹ-ụba Babilọnụ! Wẹ sikọ d'e kpọnrin wẹ ile.

Jerimaya 50:43

Eze Babilọnụ k'a nụ nị wẹ lala d'a maye ẹ, ndụn a gụ a. Uhue e huegbu ẹ lekẹ okpoho imẹ rị e mẹ.

Jerimaya 51:30

“O ru ogẹn ahụn, ndị odogun-agha Babilọnụ k'a lụbehi agha, aghakọ wẹ ebe w'a warị pụha. Ndụn k'a gụchanrịn wẹ; wẹ k'a nọ kẹ ikpoho. Ndị lalanị k'a mụ ọkụn ye ụlọ wẹ ile, tigipụ ihiẹn ile wẹ gi kpọkin ọnụ-mgbọn wẹ.

Jerimaya 6:24

Ẹnyi a nụgụọ ukwere wẹ, ndụn a gụ ẹnyi. Uhue e d'e gbu ẹnyi, ẹnyi hụ a fịkọ kẹ okpoho imẹ rị e mẹ.

Emọsụ 2:2

M sikọ nwan d'e zi ọkụn ye alị Mụabụ. Ọkụn ahụn k'e ripụ ụlọ-agha ndị ahụn zegbu enwẹn ẹ rị Kẹriọtụ. Wẹ k'e tikpọ alị Mụabụ. Nkpọtụ lẹ oro-agha lẹ opi-agha k'a rị ụhụọhịn wẹ k'e tikpọ alị Mụabụ.

Ndị Tẹsalonika Ibuzọ 5:3

Ogẹn ahụn wẹ k'e gi rị a sị, “Udọn a rịgụọ! Nsọngbu arịzị a!” ya kẹ ntikpọ k'e gi kunrun wẹ idẹnmizi, nọkẹ ebe imẹ nọ mẹmẹhụ okpoho! Awanahịnkọ wẹ!