Jerimaya 48:36 - Ika

³⁶ “Akpobi m rị nwan a kwannị Mụabụ nọkẹ ẹkpịrị wẹ rị e gbu wẹ gi a kwan ozun. Obi m rịzị a kwannị ndị Kiri-Harẹsẹti rị Mụabụ ẹkwan nọkẹ ẹkpịrị wẹ rị e gbu wẹ gi a kwan ozun, makẹni ihiẹn wẹ kpatọ a lachanrịn iwi.

Jerimaya 48:36 Iomraidhean Croise

Ndị-nze Nke Ẹbụọ 3:25

E tikpọsọnmẹ wẹ obodo ndị Mụabụ; okẹnnyẹ ọwụlẹ nọ masọnmẹ ọmụma ye ugbo ile rị mma, ma a d'e ru ni ọmụma e kpumẹchanrịn ugbo. A fakinchanrịn wẹ isi-mirin ile rị alị hụ, gbutuchanrịn osisi ile rị mma rị alị ahụn. Kiri-Harẹsẹti sụọ nọ họdụ, enutuni wẹ ọmụma ndị wẹ gi tụn a, kanị ndị a gba araba nọ kehunmẹ ẹ, kịzịkwọ ẹka nụmanị ya nwẹn.

Itẹn 11:4

Akụ-lẹ-ụba ara zụọpụha ịhịan ẹka Osolobuẹ, kanị ezi-omumẹ a napụdẹ ịhịan ọnwụn.

Itẹn 13:22

Onyẹ-ọma a latọnị ụmụ-ụmụ a ukuu, kanị ẹka ndị ezi-omumẹ kẹ akụ-lẹ-ụba onyẹ-njọ a lashi.

Itẹn 18:11

Akụ-lẹ-ụba ndị-ịdanfịn nọ wẹ kẹ obodo wẹ tụnhunmẹ mgbọn zeni, w'e ro n'ọ wụ mgbọn ịhịan ghalẹni as'ẹka e fe.

Azaya 15:5

Omikẹn Mụabụ e mẹgbu m; wẹ hụ a gbarukwọrị Zụa, a gbaruzi Ẹglatị-Shẹlishiya. E nyinrin wẹ elu òke shi Luhiti, kwankọ jẹnkọ; wẹ hụzị ụzọ Horonaim, a kwan, makẹni e tikpọgụọ wẹ wẹ.

Azaya 15:7

Ufiri ẹ, ndị Mụabụ hụ a kwarị akụ-lẹ-ụba wẹ a pụ, e fetu Ọdanmgbugbu Osisi-pọpla.

Azaya 16:11

Obi m hụ a kwannị Mụabụ ẹkwan nọ kẹ ụbọ rị a kpọ ẹbụ ẹkwan, obi m hụ a kwanzịnị Kiri-Harẹsẹti ẹrịra.

Azaya 63:15

Dodo, gha nwan elu-igwee lee ẹnya, gha okẹn ukpo-eze i ahụn rị nsọ lee ẹnya alị!! Ọrịrịmma ẹnyi ara dụzịdẹ ị ra? Ebe ikẹn i rị nwan? Y'a ra gizi ẹfọma lẹ omikẹn sọn ẹnyi.

Jerimaya 17:11

Nnụnụ hụn e zuru ẹkwan o yilẹni d'e gbu — lẹ onyẹ e gi mmẹgbu a kpa egho wụ ohu; o gini d'e bi ebi, egho a la; ikpanzụụn, a hụn w'a n'ọ wụ nzuzu.

Jerimaya 4:19

Heuu, ụya e gbuẹ m! Ụya e gbuẹ m!! Lee ihiẹn m rị e fie-o. Heuu, ọ fụru m akpobi! Akpobi hụ a dụ m kpum-kpum. Asa m ẹka gba nkịtịn, makẹni a nụgụọ m opi agha; a nụgụọ m oro-agha.

Jerimaya 48:31

“M k'e goo Mụabụ; m k'a kwanị Mụabụ ile ẹkwan, m k'a kwannị alị Kiri-Harẹsẹti ẹkwan.