Jerimaya 48:26 - Ika

²⁶ “Ye Mụabụ afụnfụn ra n'ọ tụ a kẹ manya, makẹni ọ kpọ Osolobuẹ mgba; Mụabụ ya kperemẹ imẹ ẹgbọ a kẹni ya nwẹn wụrụzịkwọ ihiẹn w'a mụ ẹmụ.

Jerimaya 48:26 Iomraidhean Croise

Jobu 15:25

makẹ mban ọ rị a bannị Chuku, a nyannị Onyẹ Nwọn Ikẹn Ile isi,

Jobu 9:4

Ọ marịnkẹnmẹkẹ ihiẹn; ikẹn ẹ e hikẹmẹkẹ ogbe, onyẹ gbatun'ẹ isi-akwanran la mmaka?

Ẹbụ-ọma 2:4

Kanị, ẹmụ kẹ Onyẹ hụn rị ukpo-eze elu-igwee a mụ — Di-nwọnni-ẹnyi hụ a mụ wẹ ẹmụ.

Ẹbụ-ọma 59:8

Kanị ẹmụ kẹ y'a mụ wẹ, Osolobuẹ; ẹmụ kẹ y'a mụ alị ile ghalẹni e fe i!

Ẹbụ-ọma 60:3

Y'e mẹgụọ ndị nke i hụnjun ẹnya; y'e yegụọ ẹnyi ọnụma ị ra kẹ manya, ọ hụ e mẹ ẹnyi a dan ẹgẹlẹgẹ.

Ẹbụ-ọma 75:8

Makẹni Osolobuẹ gi mkpu manya ẹka; manya zeni rị a gbọ ụfọfọ jun ẹ; o huyegụọnị wẹ ya ra; ndị-njọ ile rị ụwa k'a ra a, rachanpụ.

Ọpụpụ 5:2

Eze nọ sị, “Onyẹ wụ Osolobuẹ hụ, hụn m'e gi gọn ẹ ntịn hatu Izrẹlụ? Amarịn m Osolobuẹ; ahatukọ m Izrẹlụ.”

Ọpụpụ 9:17

Echẹn kẹ ị rịkwọ e mẹni ndị nke m bugan-bugan, jụ nị y'a hatukọ wẹ nị wẹ la.

Azaya 10:15

Anyụn e bushidẹ nwan enwẹn ẹ elu karị onyẹ gi ẹ e gbu osisi ra? Ihiẹn wẹ gi a wa osisi a nyandẹni onyẹ gi ẹ a rụn ọrụn isi ra? Ọ nọzị nwan kẹ ebe mkpịnsịn nọ e gi onyẹ gin'ẹ a fịan ihiẹn, mọbụ ebe ẹgbe rị nwan e fehunmẹ ịhịan hụn wụlẹni mkp'osisi!

Azaya 19:14

Osolobuẹ e wegụọ mmọn huye imẹ wẹ, mmọn wẹ gizilẹni a marịn ihiẹn wẹ k'e mẹ; wẹ e mẹ Ijiptu a hanfiesọnmẹ ụkụ imẹ ihiẹn ile o mẹ, kẹ onyẹ-manya a danhunmẹ ebe ọ gbọtọ ẹgbọ.

Azaya 28:8

Teburu wẹ ile wụ ẹgbọ-ẹgbọ, onwọnni ebe ẹgbọ rịlẹni.

Azaya 29:9

Ya tụ ụnụ ẹnya, gbagbu ụnụ ngharị ẹnya; tikpọdẹ ni enwẹn ọnụ ẹnya, nị ọnụ leghabehi ụzọ; Nọ nị kẹ ndị manya — bụ manya arị a tụ ụnụ; hanfiemẹ ni ụkụ, bụ ụnụ aranị manya!

Azaya 51:17

Tẹnhin! Tẹnhin ụran! Jerusalẹm, lihi ọtọ! Ịyụ hụn ragụ afụnfụn hụn Osolobuẹ zihẹ imẹ mkpu hụn o buche ọnụma a; y'a ragụọ a, rachanpụdẹ ẹrụrụ a, mkpu hụ hụn e mẹ ịhịan a hanfie ụkụ.

Azaya 63:6

E gi m olulu zọkpọ ndị alị ichẹn-ichẹn, e gi m ọnụma mẹ wẹ ihiẹn, ọ tụma wẹ kẹ manya, e hu m ẹdeke wẹ ye alị.”

Jerimaya 48:39

“Heuu, wẹ k'e tikpọ Mụabụ ọda-ọda! Heuu, ndị Mụabụ k'a kwan ụya ọda-ọda! Ifẹnrẹn k'e mẹgbu ndị Mụabụ; Mụabụ k'e họnrin ihiẹn w'a mụ ẹmụ lẹ ihiẹn alị ile nọkunmẹn'ẹ e legha egun a tụ wẹ.”

Jerimaya 48:42

Wẹ k'e tikpọ alị Mụabụ, ọ wụkọzị alị, makẹni ọ kpọ Osolobuẹ mgba.

Jerimaya 50:29

Kpọ nị ndị-ụta, ndị ile a gba ụta, nị wẹ kehunmẹ Babilọnụ; anịkwọlẹ ni onyẹ ọwụlẹ la! Mẹgwarị n'a ihiẹn o mẹ; mẹgwarị n'a ihiẹn ile o mẹ, makẹni ọ kpọgụọ Osolobuẹ mgba, Osolobuẹ, Onyẹ-nsọ Izrẹlụ.

Jerimaya 51:39

Ẹkpịrị ghọrị wẹ ụkọ, e mẹmẹni m wẹ oriri, mẹ wẹ ra, tụ, ẹhụ a tụma wẹ ọda-ọda, a ranhịn wẹ ranhịnchanrịn, etẹnhinkọzị wẹ.” Mmẹ wụ Osolobuẹ ku ẹ.

Jerimaya 51:57

M k'e mẹ ndị-isi Babilọnụ lẹ ndị marịn ihiẹn rịn'a ra, tụ, mẹzikwọ ndị-ọkịkị a lẹ ndị ndị-odogun agha a ra, tụ. Wẹ k'a ranhịn, ranhịnchanrịn, etẹnhinkọ wẹ.’ Ya kẹ Eze ku, Onyẹ hụn ẹfan a wụ Osolobuẹ ihiẹn ile rị okpuru ẹ.

Jerimaya 51:7

“Babilọnụ te wụ mkpu goru ẹka Osolobuẹ hụn wẹ mẹjun afụnfụn; Babilọnụ e mẹgụọ ụwa ile rarị afụnfụn hụ. Alị ile a rarịgụọ a, mẹmẹ kẹ ndị ẹra.

Ẹkwan 1:21

A nụgụọ wẹ udẹn m rị a sụn, kanị onwọnni onyẹ a hụhụnị m. Ndị-iṅẹnrẹn m ile a nụgụọ nsọngbu m rị imẹ ẹ; wẹ hụ e gi ihiẹn i mẹ m a ghọghọ. Mẹ ụhụọhịn ahụn i ku oku ẹ bịa kẹni wẹ nwẹn rị kẹ mmẹ.

Ẹkwan 3:15

O yegụọ m ẹhụhụọ e lu ilu yejun m ẹfọ, ye m olulu-anụ ra rajun ẹfọ.

Ẹkwan 4:21

Ghọghọmakwọ nwan, Nwagbọọ wụ alị Ẹdọm, ẹfọ ya sụọma ụnụ ndị bi alị Uzu ụsụọ. Kanị mkpu afụnfụnnị k'e ruzirịrị yụ nwẹn ẹka — y'a ra a, tụ, gbarị ọtọ.

Daniẹlụ 11:36

“Eze alị rị ẹbamịn-ugu k'e mẹ k'ọ sụọn'a. O k'a sị ya ka mmọn ile lẹ ihiẹn ile w'e fe, kujama oku Chuku hụn ka mmọn ile. Ihiẹn k'a rị a ghan'a d'e ru mgbe Osolobuẹ e gi ghọsịgụ ọnụma a hụn ọ rị e gi ẹ a ghọsị, makẹni ihiẹn Osolobuẹ kutọgụ sikọ d'e mẹrịrị.

Daniẹlụ 5:23

Ị nọ bushimẹdẹ enwẹn i elu ebe Onyẹ nwọn elu-igwee rị, sị wẹ kịhanị ị mkpu ndị wẹ weri imẹ Ụlọ-nsọ a, ịyụ lẹ ndị-isi lẹ inyẹnmẹ i lẹ ndị mgba ị nọ gi wẹ ra manya; ị nọ jama mmọn ichẹn-ichẹn mma — kẹ nke goru kẹ nke siliva kẹ nke igwe-bronzu kẹ nke igwe-mmaka kẹ nke osisi kẹ nke ọmụma — mmọn ndị hụn ghalẹni e legha ụzọ mọbụ a nụ ihiẹn mọbụ a ghọta ihiẹn. Bụ y'e yeni Chuku ọghọ — Chuku, hụn gi ndụn ị lẹ ọpụpụ ị lẹ ọbanhan i.

Daniẹlụ 8:10

O sue d'e ru n'ọ sụntụ ihiẹn ndị rị elu-igwere, nutusọnmẹ kokisẹ ndị o nutu ye alị, zọkpụkpọ wẹ.

Nahum 3:11

Yụ nwẹn wụ Ninivẹ k'a razịkwọ manya m wụ afụnfụn, tụ; i k'e jẹn d'a warị, a chọ ebe y'a gbabannị ndị iṅẹnrẹn i!

Habakọkụ 2:16

Ụya k'i k'a hụn hụnjun ẹfọ, ẹlẹ ọghọ; razị nwan ụya nke i tụ nị wẹ hụn ọtọ ị! Mkpu afụnfụn hụn rị ẹka Osolobuẹ k'e ru yụ nwẹn ẹka, e gi wẹ ifẹnrẹn nọkin ẹnya ọghọ ị ahụn.

Ndị Tẹsalonika Nke Ẹbụọ 2:4

O k'e bunụmanị mmọn lẹ iyi ọwụlẹ lẹ ihiẹn ile w'e fe; o sikọ d'e weri enwẹn ẹ nị ịya ka wẹ ile; o sikọ d'e weridẹ ocho imẹ Ụlọ-nsọ Osolobuẹ kpọma enwẹn ẹ Osolobuẹ.

Rẹvẹleshọnụ 16:19

Ya kẹ obodo uku hụ nọ kebe ụzọ ẹtọ; obodo shịa ẹfọ rịsọnmẹ alị ile nọ tikpọchanrịn. Osolobuẹ a nyanhan Babilọnụ uku hụ, we mkpu hụ iwe-lẹ-ọnụma a rị ye ẹ ra kẹ manya.