Jerimaya 48:2 - Ika

² Anụkọzị wẹ ẹfan Mụabụ; wẹ k'a nọ Hẹsh'bọnụ rị Mụabụ zu umẹ hụn wẹ k'e gi tikpọ alị Mụabụ ru alị, a sị, ‘Pụha nị, nị ẹnyi tikpọ n'a n'ọ wụbehi alị.’ Alị Mad'mẹni, wẹ k'e kpumẹzikwọ ị ọnụ; ọpịa-agha k'a chụ ị ọsọ!

Jerimaya 48:2 Iomraidhean Croise

Azaya 15:1

Ọnwan wụ ihiẹn Osolobuẹ ku banyeni alị Mụabụ: E tikpọ wẹ obodo Arẹ rị alị Mụabụ la iwi, e gi wẹ akpụ uhinhin ohu sụọ tikpọ a! E tikpọzịkwọ wẹ Kiri rị alị Mụabụ la iwi; e gi wẹ akpụ uhinhin ohu sụọ tikpọ a!

Azaya 15:5

Omikẹn Mụabụ e mẹgbu m; wẹ hụ a gbarukwọrị Zụa, a gbaruzi Ẹglatị-Shẹlishiya. E nyinrin wẹ elu òke shi Luhiti, kwankọ jẹnkọ; wẹ hụzị ụzọ Horonaim, a kwan, makẹni e tikpọgụọ wẹ wẹ.

Azaya 16:14

Kanị, kikẹnni Osolobuẹ sị nwan, “Ọ karịkọ ahụa ẹtọ daị — ahụa ẹtọ wẹ gụn kẹ odibo rị e che n'o weri enwẹn ẹ dọn a gụn ahụa — okẹn ọghọ ile Mụabụ nwọn enwọnkọzị ihiẹn ọ k'a wụ, ndị Mụabụ ile hụn bugbu nwan enwẹn wẹ ọda k'a họdụhụ ndị bulẹni ọda ndụn rịlẹni.”

Azaya 25:10

Osolobuẹ jẹnkọ d'e gi ẹka rị mma sọn uguni wụ Zayọnụ-Jerusalẹm; kanị o sikọ d'a zọgbu alị Mụabụ, kẹ w'a zọkpụkpọ ẹfịfịa ọkpọ-nkụn imẹ ẹjan w'a kụnye ihiẹn.

Jerimaya 25:15

Lee ihiẹn Osolobuẹ wụ Chuku Izrẹlụ gwa m: “Narịn m mkpuni rị m ẹka — mkpu afụnfụn jun, n'ị hụn ụzọ mẹ ndị alị ile m zikọ ị rarị a.

Jerimaya 25:17

Ya m nọ weri mkpu hụ rị Osolobuẹ ẹka, mẹ ndị alị ile Osolobuẹ zijẹn m rarị ihiẹn rị imẹ ẹ:

Jerimaya 31:36

“Omẹni ihiẹn ndịnị m ke k'a s'ẹka sọnbehi iwu m tumẹni wẹ, ya wụ nị Izrẹlụ k'a s'ẹka wụbehi alị ebe m rị. Ya kẹ Osolobuẹ ku.”

Jerimaya 33:24

“Y'a hụnnị kẹ ndịnị rị a sị, ‘Osolobuẹ a jụgụọ ikpụlọ ẹbụọ ọ họrị, Izrẹlụ Ẹbamịn-ugu lẹ Juda’? Wẹ rị nwan e legberi ndị nke m elegberi; w'ara kpọzịdẹ wẹ alị.

Jerimaya 46:28

“Mmẹ wụ Osolobuẹ rị a sị yụ wụ odibo m Jekọpụ atụlẹ egun. Ọsụọn'a m tikpọchanrịn ndị alị ichẹn-ichẹn m feyịya ụnụ ye, etikpọchanrịnkọ m ụnụ. M k'e ye i hụ afụnfụn nị ụnụ marịn ihiẹn, kanị afụnfụn furuni sụọ; agbachanrịnkọ m ụnụ nkịtịn.”

Jerimaya 48:17

Ndị ile nọhunmẹ alị Mụabụ, kwanmanị n'a; ndị ile a nụ ẹfan a, gomẹ ni, ‘A kpagi wẹ okẹn-ọkpọ nwẹn a kpa ikẹn! A kpagi wẹ ọkpọ-ọma hụ, ọghọ a a la!’

Jerimaya 48:42

Wẹ k'e tikpọ alị Mụabụ, ọ wụkọzị alị, makẹni ọ kpọ Osolobuẹ mgba.

Jerimaya 48:45

“Ndị gbakọnị agha sikọ d'a gbaha Hẹsh'bọnụ, wẹ lẹ ndụn gụnị wẹ; Hẹsh'bọnụ kẹ ọkụn k'a gha benwunrun, Hẹsh'bọnụ hụn Sihọnụ nọ kị ogẹn mbụ kẹ ọkụn k'a gha nwunrun. Ọ k'a dụnpụ ndị Mụabụ ezimezi ihun, dụnkpụkpọ okpokomisi ndị hụn agha a sụọ.

Jerimaya 49:3

Alị Hẹsh'bọnụ, gomẹ, nị e tikpọ wẹ alị Aị ndị Amọnụ! Ụmụ alị Raba, kwanma nị ụya! Yiri ni ẹkwa-achọ wẹ gi a kwan ụya; a gbahunmẹ ni, e yi kẹ ụnụ e mẹ imẹ obodo ụnụ. Makẹni wẹ jẹnkọ d'e weridẹ mmọn ụnụ wụ Molẹkị shi alị ọzọ, ya lẹ ndị a ghọn'a lẹ ndị ọzọ a rụnn'a ọrụn.

Jerimaya 49:37

M k'e mẹ ndị-iṅẹnrẹn alị Ẹlam mẹri ẹ, mẹ ndị chọkọ wẹ ogbugbu gbu wẹ; m k'e gi olulu sọn wẹ, tikpọ wẹ eje-ntikpọ. M k'e gi ọpịa-agha chụ wẹ d'e ru n'a gụchanrịn wẹ. Mmẹ wụ Osolobuẹ ku ẹ.

Ọgụngụn 32:37

Ebọn Rubẹni nkẹ dọnzi Hẹsh'bọnụ, Ẹlialẹ lẹ Kiriataim,