Jerimaya 47:4 - Ika

⁴ Makẹni ogẹn e rugụọ w'e gi tikpọ ndị alị Filistia ile, napụchanrịn ndị Taya-lẹ-Sidọnụ ndị ile te họdụnị nkẹ e yeni wẹ ẹka. Osolobuẹ e d'e tikpọ ndị Filistia, ndị ahụn gha alị Kaftọ wụ Kriti ohimin fihunmẹ bịa d'e biri alị Filistia.

Jerimaya 47:4 Iomraidhean Croise

Jẹnẹsisi 10:15

Ya Kenaanị nọ mụ Sidọnụ. Sidọnụ wụ nwa ibuzọ Kenaanị. Kenaanị mụzịkwọ ndị Hẹti lẹ

Ihiẹn Mẹni Nke Ibuzọ 1:12

ndị Patrusu, ndị Kaslu lẹ ndị Kaftọ. (Ndị Kaslu mụ ndị Filistia.)

Jobu 9:13

Chuku ara bu olulu buhọdụ; wẹ ile hụn kwadọn Rehabụ mbụ-mbụ, okẹn Eje-anụ Ohimin ahụn, e fiẹnringhọdẹ alị ụkụ a.

Ẹbụ-ọma 37:13

kanị ẹmụ kẹ Osolobuẹ a mụ ndị-njọ, makẹni ọ marịngụọ nị ụhụọhịn wẹ lala alala.

Azaya 10:3

Kị ụnụ k'e mẹ nwan ụhụọhịn o k'a jụ ụnụ ajụjụ — ogẹn nsọngbu k'a gha ebe teni bịa? Onyẹ kẹ ụnụ k'a gbaburu n'o yeni ụnụ ẹka? Elebe kẹ ụnụ k'e butọ akụ-lẹ-ụba ụnụ?

Azaya 14:31

Yụ wụ ọnụ-mgbọn, gomẹkwọ! Yụ wụ obodo, kwanmakwọ! Ụnụ ndị Filistia, tụmakwọ nị egun! Wẹ gha ibe ugu lala nọkẹ ẹnwụnrụn lọtọnị d'a lụsọn ụnụ agha, onwọnni onyẹ-agha a la azụụn imẹ wẹ!

Azaya 20:6

Ogẹn ahụn, ndị alị ndịnị rịsọnmẹ mkpẹnrẹn Ohimin Mẹditerenia k'a rị a sị, ‘Ledẹ ni ihiẹn mẹ ndị nwẹn ẹnyi te gi dọn ẹnya, ndị nwẹn ẹnyi gbaburu nị wẹ yeni ẹnyi ẹka, nị wẹ gbapụha ẹnyi ẹka eze Asiria! Nanị ẹnyi e dọnzi nwan wanahịn?’ ”

Azaya 31:8

“Ogẹn hụ, ọpịa-agha k'e gbu ndị Asiria, kanị ẹlẹ ọpịa-agha ịhịan; ọpịa-agha Osolobuẹ k'e gbu wẹ, ẹlẹ nke ịhịan, a gbanị wẹ ọpịa-agha hụ ọsọ; wẹ k'a nwụndọn ikorọbịa wẹ, gi wẹ họnrin igbọn.

Jerimaya 46:10

“Kanị Di-nwọnni-ẹnyi, Osolobuẹ ihiẹn ile rị okpuru ẹ, nwọn ụhụọhịn hụ — ụhụọhịn mmẹgwarị rọ, ụhụọhịn o gi e mẹgwarị ndị-iṅẹnrẹn ẹ. Ọpịa-agha k'e gburi, rijun ẹfọ, ra ẹdeke rajun ẹfọ. Makẹni Di-nwọnni-ẹnyi, Osolobuẹ ihiẹn ile rị okpuru ẹ, k'e gbu wẹ, lekẹ sị wẹ wụ anụ o gi chụn ẹjan imẹ alị hụ rị ẹbamịn-ugu, mkpẹnrẹn Iyi-Yufretisi.

Izikẹlụ 21:25

“Ịyụ, eze Izrẹlụ, eje-ịhịan njọ gbuchanrịngụ k'ị wụ! Ogẹn i e rugụọ! Ụhụọhịn w'e gi ye i afụnfụn e ruchanrịngụọ!

Izikẹlụ 21:29

(ọsụọn'a nị ịhịan hụ a hụnnị ụnụ ọhụn ntụ, a gbanị ụnụ ẹfa-ntụ e kuyeni ụnụ) ọpịa-agha hụ sikọkwọ olu ndị-ejẹ njọ gbuchanrịngụ, ndị ogẹn wẹ rugụ, ndị ogẹn w'e gi narịn afụnfụn ruchanrịngụ.

Izikẹlụ 25:16

Osolobuẹ Nwọn Ihiẹn Ile sị nwan: M'e d'a tịnpụ ẹka mẹ ndị Filistia ihiẹn. M k'e bepụ ndị Kẹrẹtị Filistia; m k'e tikpọpụ ndị họdụ mkpẹnrẹn-mirin hụ Filistia rị.

Izikẹlụ 30:8

Wẹ k'a marịn nị m wụ Osolobuẹ, ogẹn m'e gi bi ọkụn ye alị Ijiptu, ndị ile e yen'ẹ ẹka a dan.

Izikẹlụ 7:12

“Ogẹn e rugụọ; ụhụọhịn ahụn a bịagụọ! Hụn e ṅọnni ya aghọghọlẹ; hụn e reni ya akwanlẹ, makẹni olulu Osolobuẹ k'e kunrun ịhịan ile.

Hosia 9:7

Ogẹn afụnfụn e rugụọ! Ogẹn wẹ gi a kụ ụgwọ-ọrụn a bịagụọ!! Ndị Izrẹlụ, marịnkwọ nị! Onyẹ-amụma wụ onyẹ-nzuzu, ẹnya ụnụ, Onyẹ Mmọn nsọ rị a kị wụ onyẹ-ẹra ẹnya ụnụ, makẹni njọ ụnụ e hikẹ, makẹni okẹn iwe rị ụnụ ẹfọ.

Emọsụ 9:7

Ọ sị: Ẹnya m, kị rịdẹ nwan ichẹn imẹ ụnụ ndị Izrẹlụ lẹ ndị Ẹtiopịa? Mmẹ gha alị Ijiptu wepụha ndị Izrẹlụ, ẹlẹ ịya? Kanị mmẹ ghazị alị Kaftọ wepụha ndị Filistia; mmẹ ghazị alị Kiri wepụha ndị Aram.

Luku 21:22

Makẹni ogẹn mmẹgwarị rọ, ogẹn w'e gi mẹzuchanrịn ihiẹn ile wẹ de imẹ Ẹkụkwọ-nsọ.

Ditrọnọmi 2:23

Ọ rịzị kẹ nke ndị Avụ te bi ụmụ-alị rịsọnmẹ mkpẹnrẹn Ohimin Uku d'e rukwọrị Gaza; ndị Kaftọ hụn gha alị ohimin wụ Kriti bịa gbupụ wẹ, bikin alị wẹ.)

Joshụa 22:30

Ogẹn onyẹ nchụn-ẹjan wụ Finẹhasị lẹ ndị-isi Izrẹlụ hụ gi nụ ihiẹn ndị Rubẹni lẹ ndị Gadị lẹ ndị Manasẹ ku, ẹfọ nọ jun wẹ.