Jerimaya 46:6 - Ika

⁶ “Kanị onyẹ-ọsọ as'ẹka gbanahịn ọnwan; odogun-agha as'ẹka wanahịn ọnwan! Imẹ alị rị ẹbamịn-ugu, mkpẹnrẹn Iyi Yufretisi kẹ wẹ k'a nọ a kpọgburu a dan, a dangungwọn. Ya kẹ Osolobuẹ ku.

Jerimaya 46:6 Iomraidhean Croise

Ndị-nze Nke Ẹbụọ 23:29

Kẹ Josaya rị a kị, Fẹro wụ Nẹko, eze Ijiptu, jẹn Iyi-Yufretisi d'e yeni eze Asiria ẹka lụ agha. Ya eze wụ Josaya nọ jẹn d'a maye ẹ ọgụn, Nẹko nọ sọn ẹ lụ, gbu ẹ imẹ obodo Mẹgido hụn o gihụ hụn a.

Ndị-nze Nke Ẹbụọ 24:7

Eze Ijiptu aghazịnị alị a pụha d'a kpa ikẹn, makẹni eze Babilọnụ a narịnchanrịngụọ a ẹgbẹrẹ ile o te weri — ghakwọrị Iyi Udu-mirin Ijiptu d'e ru Iyi Yufretisi.

Ẹbụ-ọma 27:2

Omẹni ndị-ejẹ a maye m nị wẹ bu m ri, omẹni ndị-iṅẹnrẹn m lẹ ndị iwe m a maye m — wẹ sikọ d'a kpọgburu, dan.

Ẹkịliziastisi 9:11

O nwọnghọzị ihiẹn ọzọ m hụn elu-ụwanị rị okpuru ẹnyanwụn: ọsọ a ra jẹnni a gbaka m ọsọ; agha ara jẹnni a wụka m dikẹn; ihiẹn-oriri ara jẹnni e nwọnkẹ m uche; akụ-lẹ-ụba ara jẹnni a marịnka m ihiẹn; ọ ghakanị m ara jẹnni a mụka m ihiẹn: ọ danyeni wẹ ile a danyeni.

Azaya 8:15

Imẹrinmẹ wẹ k'a kpọgburu; wẹ k'a dan, dangungwọn, wẹ k'e shini wẹ ọnyan, nwụndọn wẹ.”

Jerimaya 1:14

Ya kẹ Osolobuẹ nọ sị m, “Wẹ k'a gha ẹbamịn-ugu hu ntikpọ kpu ndị ile rị alịnị.

Jerimaya 20:11

“Kanị Osolobuẹ nọyeni m anọyeni nọkẹ okẹn odogun-agha. Ya wụnị ndị rị e kpokponi m jẹnkọ d'a dan, emẹrikọ wẹ; wẹ jẹnkọ d'a fa ọhụnma-ọhụnma ifẹnrẹn wẹ agụkọ.

Jerimaya 25:9

m jẹnkọ d'a kpọhanị ụnụ ndị alị ile rị ẹbamịn-ugu — uwẹ lẹ odibo m wụ Nebukadineza eze Babilọnụ. M k'e wẹhẹ wẹ d'e mẹ alịnị lẹ ndị rịn'a lẹ alị ndị ọzọ ile fihunmẹ alịnị ihiẹn. M k'e tikpọchanrịn wẹ, mẹ wẹ gba okpokoro, mẹ wẹ wụrụ ihiẹn w'a manị ọsụa (ọsụọ) lẹ ebe mẹ mkpọkọ-mkpọkọ jẹnrin ejẹn.

Jerimaya 4:6

Weshi ahịma elu nị ịhịan ile jẹnmẹ Zayọnụ! Gbakwọ nị ọsọ ndụn, egbukwọlẹ ni ogẹn! Makẹni m gha ẹbamịn-ugu wela ntikpọ, eje-ntikpọ k'o k'a wụkwọ!”

Jerimaya 46:10

“Kanị Di-nwọnni-ẹnyi, Osolobuẹ ihiẹn ile rị okpuru ẹ, nwọn ụhụọhịn hụ — ụhụọhịn mmẹgwarị rọ, ụhụọhịn o gi e mẹgwarị ndị-iṅẹnrẹn ẹ. Ọpịa-agha k'e gburi, rijun ẹfọ, ra ẹdeke rajun ẹfọ. Makẹni Di-nwọnni-ẹnyi, Osolobuẹ ihiẹn ile rị okpuru ẹ, k'e gbu wẹ, lekẹ sị wẹ wụ anụ o gi chụn ẹjan imẹ alị hụ rị ẹbamịn-ugu, mkpẹnrẹn Iyi-Yufretisi.

Jerimaya 46:12

Alị ile k'a nụ oku ihiẹn ifẹnrẹn ụnụ; ụwa ile sikọ d'a nụ kẹ ụnụ rị a kwan ụya: ebe odogun nọ a kpọgburu odogun, wẹ ẹbụbụọ hụ a dan!”

Jerimaya 46:16

M k'e mẹ ndị bugbu enwẹn wẹ ọda a kpọgburu a dan; wẹ k'a rị a dankwasị ibe wẹ gbakọnị. Wẹ k'a rị a sị ibe wẹ, ‘Lihi ni, nị ẹnyi laburu ndị nke ẹnyi, nị ẹnyi lakin alị ẹnyi, wanahịn ọpịa-agha ndị-iṅẹnrẹn ẹnyi.’

Jerimaya 50:32

Onyẹ mpache jẹnkọ d'a kpọgburu, o k'a dan; onwọnni onyẹ k'e yen'ẹ ẹka lihi. M k'a mụ ọkụn ye alị ile rịn'a, ọ dụnpụ ihiẹn ile nọkunmẹn'ẹ.”

Jerimaya 6:1

“Zụọrịkwọ nị isi ụnụ, ụnụ ndị Bẹnjamini! Ghakwọ nị Jerusalẹm gbapụ! Gbu ni ni wẹ (opi) ọdụ imẹ obodo Tẹkụa nị wẹ gbapụ! Weshini ni wẹ ihiẹn-ahịma elu imẹ Bẹt-Hakẹrẹm kẹni wẹ gbapụ. Makẹni ẹregede nsọngbu gha ẹbamịn-ugu lala, okẹn ntikpọ hụn k'a jọgbu enwẹn ẹ.

Daniẹlụ 11:19

Ọnwan mẹgụ, ọ lakinchanrịn alị a d'e bunụmanị obodo ndị rị mkpa wẹ gi e dọn ẹnya ebẹhụ, kanị o k'a kpọgburu dan, a hụnkọzị w'a.

Daniẹlụ 11:22

O k'e gbu igunrun ndị-agha bugbu enwẹn wẹ ọda, uwẹ lẹ onyẹ hụn wụ ezigbo eze wẹ hụn wẹ gi iwu tumẹ.