Jerimaya 46:5 - Ika

⁵ “Kanị ihiẹn m rị a hụn wụ ọnwan: ‘Egun sikọ d'a tụgbu wẹ! A gbama wẹ ọsọ! Wẹ k'e mẹri wẹ, a gba wẹ ụkụ-akpalẹ-alị — elekọdẹ wẹ ẹnya azụụn! Egun sikọ e jun ụzọ ile!’ Ya kẹ Osolobuẹ ku.

Jerimaya 46:5 Iomraidhean Croise

Jẹnẹsisi 19:17

E wepụhagụ wẹ wẹ imẹ obodo, mmọn-ozi ohu nọ sị wẹ, “Gbama nị ọsọ, makẹ isi ụnụ gha a tọ a! Elekwọlẹ ni ẹnya azụụn mọbụ kụsị ebe ọwụlẹ imẹ alị-aradannị! Ka gbashi ni elu òke, amamgbe isi ụnụ a tọ a!”

Azaya 13:8

Okẹn egun k'e kwọndọn wẹ, ụfụ lẹ afụnfụn k'e kwọndọn wẹ; wẹ k'a marịrị nọkẹ okpoho imẹ rị e mẹ. Wẹ k'a rị e lee ibe wẹ egun-egun; ẹnya k'e turu wẹ.

Azaya 19:16

O ru ogẹn ahụn, ndị Ijiptu jẹnkọ d'a rịchanrịn kẹ ikpoho ndụn rịlẹni; wẹ k'a rị a ma piripiri yeni ẹka Osolobuẹ ihiẹn ile rị okpuru ẹ gi rị e mẹ wẹ ihiẹn.

Azaya 42:17

Kanị ndị gi mmọn dọn ẹnya — ndị hụn sị ihiẹn wẹ kpụ nị uwẹ wụ chuku wẹ k'e gi ifẹnrẹn kin azụụn.

Azaya 5:25

Ịya haịn Osolobuẹ gi gi olulu sọn ndị nke ẹ; o weshi ẹka, titu wẹ: ugu e mẹhunmẹ, ozun e jun rịkẹ ẹfịfịa rị ụwaya. Kanị, ihiẹnni ile arọkwọn'a nwan olulu, echẹn kẹ ẹka a rịkwọ elu n'o tizi wẹ.

Jerimaya 20:10

M hụ a nụ kẹ ndị bu ọda rị a ka-ụka: a kpọ m ‘Ihiẹn-egun E Jun Azụụn ile!’ A sị ‘Kpe n'ẹ! Nị ẹnyi kpe n'ẹ!’ Ndị ile m kpọ ndị ọwụ m hụzịdẹ nwan e che nị m dan. Wẹ hụ a sị, ‘Ikẹnkwọ nị ẹnyi s'ẹka rẹrẹrị a — ẹka ẹnyi a karị nke ẹ, ẹnyi a hụn ụzọ mẹgwarị a.’

Jerimaya 46:15

Kị haịn ndị odogun-agha ụnụ gi fiẹnrin mọmọmọ? Ẹghẹẹ, asakọ wẹ ẹka turu, makẹni mmẹ wụ Osolobuẹ nutu wẹ.

Jerimaya 46:21

Ndị alị ọzọ ahụn wẹ we d'a lụnị wẹ agha du kẹ nwa-efin, kanị wẹ nwẹn k'e sọn wẹ gbala — asakọ wẹ ẹka turu, makẹni ụhụọhịn w'e gi tikpọ wẹ rọ — ogẹn wẹ e gi ye wẹ afụnfụn rọ.

Jerimaya 49:29

Wẹ k'a kpụnnarịn wẹ ewu lẹ atụnrụn wẹ, kpọnnarịn wẹ ẹkwa lẹ ihiẹn ile wẹ gi e tumẹ ọdụ, kpụnrụn anyịnyan-mkpukpuke wẹ. Wẹ k'a gha e yi wẹ oro, a sị, ‘Ihiẹn-egun e fihunmẹ ụnụ ụzọ ile!’ ”

Jerimaya 49:5

“M sikọ nwan d'e wẹhẹn'i ihiẹn-egun; o sikọ d'e fihunmẹ i azụụn ile. Mmẹ, Onyẹ hụn nwọn ihiẹn ile, Osolobuẹ ihiẹn ile rị okpuru ẹ, ku ẹ. Ihiẹn egun hụ sikọ d'a chụpụ ụnụ ile onwọnni onyẹ k'e wegbama ndị gbayịyanị.

Jerimaya 6:25

Apụkwọlẹ ni nị ụnụ jẹnkọ ugbo, aghakwọlẹni ụwaya — makẹni eṅẹnrẹn ahụn bịanị bukwọ ọpịa-agha; ihiẹn-egun fihunmẹ ẹnyi azụụn ile.

Izikẹlụ 32:10

M k'e mẹ ihiẹn mẹn'i ri alị bu ọda ọnụ; ndị-nze wẹ k'e mẹhunmẹ ọda-ọda yeni egun, ogẹn m'e gi gi ẹ fe wẹ ọpịa-agha ẹnya; onyẹ-onyẹ k'a rị a ma piripiri yeni ndụn a ụhụọhịn ọdịdan ị.

Izikẹlụ 39:18

ụnụ e ri anụ ndị odogun-agha Gọgụ, ra ẹdeke ndị-isi alị a — wẹ ile du kẹ ebulu lẹ mmụ-atụnrụn lẹ ewu lẹ okẹn-efin, ezigbo anụ ẹgbẹrẹ Bashanị;

Nahum 2:8

Ninivẹ te nọkẹ ọmị ogẹn ẹ: kanị wẹ rị nwan a gba a a tọ; olu hụ e yi “Kụsị nị! Kụsị nị!” kanị, onwọndẹni onyẹ rị e lee ẹnya azụụn!

Nahum 2:9

Ndị rị e gbun'ẹ hụ a sị ibe wẹ, “Kwarị nị siliva! Kwarị nị goru! Ihiẹn rịn'a ara gụ kaka! Ihiẹn ile w'a chọ achọ jun ẹ!”

Zẹfanaya 1:14

“Eje-ogẹn hụ Osolobuẹ k'e gi ye afụnfụn a rịgụọ nsue! Ọ rịgụọkwọ nsue; ọ lala ẹgwa! Wẹ k'a kwan eje ẹkwan ogẹn hụ! Nke wụnị ndị-agha k'a ghadẹ a kwan ụya imẹ ọgbọ-agha.